ಬೀಟ್​ರೂಟ್​ನಲ್ಲಿದೆ ನಿಮ್ಮ ದೇಹವನ್ನು ಶಕ್ತಿಯುತವಾಗಿ ಮಾಡುವ ಅಂಶ

ರಕ್ತದೊತ್ತಡದ ಸಮಸ್ಯೆಯಿಂದ ಪಾರಾಗಲು ದೇಹಕ್ಕೆ ಬೇಕು ಬೀಟ್​ರೂಟ್

ನಿತ್ಯ 100 ಗ್ರಾಂ ಬೀಟ್​ರೂಟ್​, ದೇಹದ ಆರೋಗ್ಯಕ್ಕೆ 6 ಪ್ರಯೋಜನಗಳು

ತರಕಾರಿ ಮಾರುಕಟ್ಟೆಯಲ್ಲಿ ಬೀಟ್​ರೂಟ್​ಗೆ ಬೇಡಿಕೆ ಒಂದು ಕೈ ಹೆಚ್ಚೇ ಇದೆ. ಕಾರಣ ಅದರಿಂದ ಆಗುವ ಆರೋಗ್ಯದ ಪ್ರಯೋಜನಗಳು. ಬೀಟ್​ರೂಟ್​ ನ್ಯೂಟ್ರಿಷನ್​ಗಳ ಒಂದು ಪ್ಯಾಕೇಜ್ ಎಂದೇ ವೈದ್ಯರು ಬಣ್ಣಿಸುತ್ತಾರೆ. ಡಯಟ್ ಮಾಡುವವರಂತೂ ಇದನ್ನು ಕಡ್ಡಾಯವಾಗಿ ಉಪಯೋಗಿಸುತ್ತಾರೆ. ಯಾವುದೇ ಮದುವೆ, ಮುಂಜಿಯಂತಹ ಕಾರ್ಯಕ್ರಮಗಳಿರಲಿ ಅಲ್ಲಿ ಸಲಾಡ್​ನಲ್ಲಿ ಈ ಕೆಂಪು ಬಣ್ಣದ ಆರೋಗ್ಯಕರ ತರಕಾರಿ ತನ್ನ ಜಾಗವನ್ನು ಪಡೆದುಕೊಂಡಿರುತ್ತದೆ. ಕಾರಣ ಬೀಟ್​ರೂಟ್​ ಅತಿಹೆಚ್ಚು ವಿಟಮಿನ್ಸ್ ಮತ್ತು ಮಿನರಲ್ಸ್​ಗಳನ್ನು ತನ್ನೊಳಗೆ ಅಡಗಿಸಿಕೊಂಡಿದೆ. ಈ ಬೀಟ್​ರೂಟ್​​ ಸೇವನೆಯಿಂದ ನಿಮಗೆ ಒಟ್ಟು ಆರು ರೀತಿಯ ಆರೋಗ್ಯದ ಪ್ರಯೋಜನಗಳಿವೆ. ನಿಮ್ಮ ನಿತ್ಯ ಬದುಕನ್ನು ಮತ್ತಷ್ಟು ಚಟುವಟಿಕೆಯಿಂದ ನಿಮ್ಮ ದೇಹದ ಆರೋಗ್ಯವನ್ನು ಮತ್ತಷ್ಟು ಸದೃಢಗೊಳಿಸಲು ನೀವು ಬೀಟ್​ರೂಟ್​ ತಿನ್ನಲೇಬೇಕು.

1 ರಕ್ತದೊತ್ತಡವನ್ನು ನಿಯಂತ್ರಿಸುವ ಬಿಟ್​ರೂಟ್
ಬೀಟ್​ರೂಟ್​ ತಿನ್ನುವುದರಿಂದ ಆಗುವ ದೊಡ್ಡ ಲಾಭ ಅಂದ್ರೆ ಅದು ನಿಮ್ಮ ದೇಹದ ರಕ್ತದೊತ್ತಡವನ್ನು ಅಂದ್ರೆ ಬ್ಲಡ್ ಪ್ರಶರ್( blood pressure) ರನ್ನು ನಿಯಂತ್ರಿಸುತ್ತದೆ. ಇದರೊಳಗಿರುವ ಅಧಿಕ ನೈಟ್ರೇಟ್ಸ್​ಗಳು ದೇಹದಲ್ಲಿ ನೈಟ್ರಿಕ್ ಆಕ್ಸಿಡ್​ ಆಗಿ ಬದಲಾಗುತ್ತದೆ. ಇದು ರಕ್ತದೊತ್ತಡವನ್ನು ನಿಯಂತ್ರಿಸುವಲ್ಲಿ ಸಹಾಯಕವಾಗುತ್ತದೆ. ಇನ್ನು ನಿತ್ಯ ಬೀಟ್​ರೂಟ್​ ​ ಸೇವನೆಯಿಂದಾಗಿ ಹೃದಯ ಸಂಬಂಧಿ ಕಾಯಿಲೆಗಳು ಹಾಗೂ ಪಾರ್ಶ್ವವಾಯುವಿನಂತ ಸಮಸ್ಯೆಗಳಿಂದ ದೂರ ಇರಬಹುದು.

2 ತೂಕ ಕಡಿಮೆ ಮಾಡುವಲ್ಲಿ ಸಹಾಯಕ
ಬೀಟ್​ರೂಟ್​ ತಿನ್ನುವುದರಿಂದ ಸ್ಥೂಲಕಾಯದವರು ತಮ್ಮ ತೂಕವನ್ನು ಕಡಿಮೆ ಮಾಡಿಕೊಳ್ಳಬಹುದು. ನೀವು 100 ಗ್ರಾಂನಷ್ಟು ಬೀಟ್​ರೂಟ್​ ಬೇಯಿಸಿದರೆ, ಅದರಲ್ಲಿ 44 ಕ್ಯಾಲರೀಸ್​​ಗಳು ಇರುತ್ತವೆ. 1.7ಗ್ರಾಂನಷ್ಟು ಪೌಷ್ಠಿಕಾಂಶವಿರುತ್ತದೆ. 0.2ರಷ್ಟು ಫ್ಯಾಟ್ ಅಂಶ ಇದ್ದು, 2 ಗ್ರಾಂನಷ್ಟು ಫೈಬರ್ ಕಂಟೆಂಟ್ ಇರುತ್ತದೆ. ಈ ಎಲ್ಲಾ ಅಂಶಗಳು ನಿಮಗೆ ತೂಕ ಕಡಿಮೆ ಮಾಡಿಕೊಳ್ಳಲಲು ಸಹಾಯ ಮಾಡುತ್ತದೆ.

3 ದೇಹದಲ್ಲಿ ಶಕ್ತಿ ಮತ್ತು ಕಾರ್ಯಕ್ಷಮತೆ ಹೆಚ್ಚಿಸುತ್ತದೆ
ಕ್ರೀಡಾಪಟುಗಳು ತಮ್ಮ ಶಕ್ತಿ ಮತ್ತು ಕಾರ್ಯಕ್ಷಮತೆಯನ್ನು ಹೆಚ್ಚಿಸಿಕೊಳ್ಳಲು ಬೀಟ್​ರೂಟ್​ ​ನ್ನು ಹೆಚ್ಚು ಅವಲಂಬಿಸುತ್ತಾರೆ. ಇದರಲ್ಲಿರುವ ನೈಟ್ರೇಟ್ಸ್​ ಮೈಟೋಕಾಂಡ್ರಿಯಾದ ದಕ್ಷತೆಯನ್ನು ಹೆಚ್ಚಿಸು ದೇಹದಲ್ಲಿ ಶಕ್ತಿಯನ್ನು ಬೂಸ್ಟ್​ ಮಾಡಲು ಸಹಾಯ ಮಾಡುತ್ತದೆ. ಹಲವು ಅಧ್ಯಯನಗಳು ವರದಿ ಮಾಡಿರುವ ಪ್ರಕಾರ ಬೀಟ್​ರೂಟ್​ ಜ್ಯೂಸ್ ಕುಡಿಯುವುದರಿಂದಾಗಿ ದೇಹದಲ್ಲಿ ಶ್ರಮದ ಶಕ್ತಿಯನ್ನು ಹೆಚ್ಚಿಸುತ್ತದೆ. ಹೃದಯದ ಆರೋಗ್ಯದಲ್ಲಿಯೂ ಧನಾತ್ಮಕ ಪರಿಣಾಮ ಬೀರುತ್ತದೆ. ವ್ಯಾಯಾಮ ಮಾಡುವಾಗ ಆಮ್ಲಜನಕವನ್ನು ಸರಿಯಾಗಿ ಬಳಕೆ ಮಾಡುವಂತೆ ಮಾಡುತ್ತದೆ.

ಇದನ್ನೂ ಓದಿ: ಶ್ವಾಸಕೋಶಕ್ಕೆ ಸಂಬಂಧಿಸಿದ ಕಾಯಿಲೆಗಳಿಗೆ ಇದೆ ಲಸಿಕೆ; ಕೂಡಲೇ ವೈದ್ಯರನ್ನು ಸಂಪರ್ಕಿಸಿ!

4 ಉರಿಯೂತವನ್ನು ಕಡಿಮೆ ಮಾಡುವಲ್ಲಿ ಪರಿಣಾಮಕಾರಿ
ಉರಿಯೂತ ಎನ್ನುವುದು ಹಲವು ರೋಗಗಳಿಗೆ ಆಹ್ವಾನ ಪತ್ರಿಕೆಯಿದ್ದಂತೆ. ಬೀಟ್​ರೂಟ್​ ​ ಸೇವನೆಯಿಂದ ಈ ಊರಿಯೂತದಂತಹ ಸಮಸ್ಯೆಗಳನ್ನು ದೂರ ಇಡಬಹುದು. ಊರಿಯೂತಕ್ಕೆ ವೈದ್ಯರು ಸೂಚಿಸುವುದು ಕೂಡ ಬೀಟ್​ರೂಟ್​​ನ್ನೆ. ಇದರಲ್ಲಿರುವ ಪೋಷಕಾಂಶಗಳು ಉರಿಯೂತಕ್ಕೆ ನಿರೋಧಕ ಶಕ್ತಿಯಾಗಿ ದೇಹದಲ್ಲಿ ನಿಲ್ಲುತ್ತದೆ.

5 ಕರುಳಿನ ಆರೋಗ್ಯಕ್ಕೆ ಶ್ರೇಷ್ಠ ಆಹಾರ
ಅತಿಹೆಚ್ಚು ಫೈಬರ್ ಅಂಶವನ್ನು ಹೊಂದಿರುವ ಬೀಟ್​ರೂಟ್​ ಜೀರ್ಣಶಕ್ತಿಯನ್ನು ದೇಹದಲ್ಲಿ ವೃದ್ಧಿಸುತ್ತದೆ.ಇದರಿಂದಾಗಿ ಲೀವರ್ ಹಾಗೂ ಕರುಳಿನ ಆರೋಗ್ಯವನ್ನು ಕಾಪಾಡುವಲ್ಲಿ ಇದು ಶ್ರೇಷ್ಠ ಸಸ್ಯಾಹಾರವೆಂದೇ ಬಣ್ಣಿಸಲಾಗುತ್ತದೆ.

ಇದನ್ನೂ ಓದಿ: Myopia; ಕೋವಿಡ್ ಲಾಕ್​ ಡೌನ್​ ಬಳಿಕ ಮಕ್ಕಳಲ್ಲಿ ಸೃಷ್ಟಿಯಾಗಿದೆ ಹೊಸ ಸಮಸ್ಯೆ, ಏನದು?

6 ಮೆದುಳು ಆರೋಗ್ಯಕರವಾಗಿಡಲು ಬಿಟ್​ರೂಟ್ ಬೇಕು
ವಯಸ್ಸು ಆದಂತೆಲ್ಲಾ ನಾವು ಮೆದುಳಿನ ಆರೋಗ್ಯದ ಬಗ್ಗೆ ಹೆಚ್ಚು ಗಮನಹರಿಸಬೇಕಾಗುತ್ತದೆ. ನಿತ್ಯ ಬೀಟ್​ರೂಟ್​ ಸೇವನೆಯಿಂದಾಗಿ ಮೆದುಳಿನಲ್ಲಿ ಹೆಚ್ಚು ಹೆಚ್ಚು ರಕ್ತ ಹರಿಯುವಲ್ಲಿ ಸಹಕಾರಿಯಾಗುತ್ತದೆ. ಹೀಗಾಗಿ ಮೆದುಳಿನ ಆರೋಗ್ಯವನ್ನು ಸದೃಢವಾಗಿಟ್ಟುಕೊಳ್ಳಲು ನಿಮ್ಮ ಡಯಟ್​ನಲ್ಲಿ ಬೀಟ್​ರೂಟ್​  ಒಂದನ್ನ ಖಾಯಂ ಆಗಿ ಇಟ್ಟುಕೊಳ್ಳಿ.ಬೀಟ್​ರೂಟ್​ ತಿನ್ನಲು ಹಲವು ವಿಧಾನಗಳಿಗೆ. ನೀವು ಬೀಟ್​ರೂಟ್​ ​ನ್ನ ಸಣ್ಣದಾಗಿ ಕಟ್ ಮಾಡಿ ಸಲಾಡ್ ರೀತಿಯಲ್ಲಿ ತಿನ್ನಬಹುದು. ಇಲ್ಲವೇ ಜ್ಯೂಸ್ ಮಾಡಿಕೊಂಡು ಕುಡಿಯಬಹುದು ಅಥವಾ ಚಿಕ್ಕದಾಗಿ ಕತ್ತರಿಸಿ ಕುದಿಸಿ ಕೂಡ ತಿನ್ನಬಹುದು. ಇದೆಲ್ಲದರಿಂದಲೂ ನಿಮ್ಮ ದೇಹದಾರೋಗ್ಯಕ್ಕೆ ಆರು ಪ್ರಯೋಜನಗಳು ಆಗಲಿವೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ