ಸಿಲಿಕಾನ್ ಸಿಟಿಯಲ್ಲಿ ಭಾರೀ ಮಳೆ.. ತತ್ತರಿಸಿದ ಜನರು

ನೈಋತ್ಯ ಮಾನ್ಸೂನ್ ಎಫೆಕ್ಟ್​​ನಿಂದಾಗಿ ಬೆಂಗಳೂರಿನಲ್ಲಿ ಭಾರೀ ಮಳೆ

ಎಲೆಕ್ಟ್ರಾನಿಕ್ ಸಿಟಿಯಲ್ಲಿ ಇಂದು ಎಷ್ಟು ಮಳೆಯಾಗಿದೆ ಗೊತ್ತಾ?

ಬೆಂಗಳೂರು: ಸಿಲಿಕಾನ್​ ಸಿಟಿಯಲ್ಲಿ ಭಾರೀ ಮಳೆಯಾಗಿದೆ. ನೈಋತ್ಯ ಮಾನ್ಸೂನ್ ಎಫೆಕ್ಟ್​ನಿಂದಾಗಿ ಸಿಲಿಕಾನ್ ಸಿಟಿಯಲ್ಲಿ ಮಳೆ ಸುರಿದಿದೆ. ಕಳೆದ 1 ಗಂಟೆಗೂ ಅಧಿಕ ಕಾಲ ವರುಣ ಆರ್ಭಟಿಸಿದ್ದಾನೆ.

ಬೆಂಗಳೂರು ನಗರದಲ್ಲಿ 69 ಮೀ ಮೀ ಮಳೆಯಾಗಿದ್ದು, ಮಳೆಯಿಂದಾಗಿ ನಗರದಲ್ಲಿ ಅವಾಂತರ ಸೃಷ್ಟಿಯಾಗಿದೆ. ಇನ್ನು ರಾಜ್ಯ ಹವಾಮಾನ ಇಲಾಖೆ ಮಾಹಿತಿಯಂತೆ ಬೆಂಗಳೂರಿನ ವಿವಿಧೆಡೆ ಎಷ್ಟೆಷ್ಟು ಮಳೆಯಾಗಿದೆ ಎಂದು ಗಮನಿಸುವುದಾದರೆ..

• ಹೆಚ್‌ಎ‌ಎಲ್ ಏರ್ಪೋರ್ಟ್ ‌ನಲ್ಲಿ 9.2 ಮೀ ಮೀ ಮಳೆ ದಾಖಲು
• ಎಲೆಕ್ಟ್ರಾನಿಕ್ ಸಿಟಿ – 29 ಮೀ ಮೀ ಮಳೆ
• ಮಾದಾವರ – 4.5 ಮೀ ಮೀ ಮಳೆ
• ಸೋಂಪುರ (ಬೆಂ. ನಗರ) – 5.5 ಮೀ ಮೀ

ಮಳೆಯಿಂದಾಗಿ ಸಾಕಷ್ಟು ಅವಾಂತರ ಸೃಷ್ಟಿಯಾಗಿದೆ. ರಸ್ತೆಯೆಲ್ಲಾ ನದಿಯಂತಾಗಿದ್ದು, ಮರಗಳು ಧರೆಗುರುಳಿವೆ. ಸಿಲಿಕಾನ್​ ಸಿಟಿಯಲ್ಲಿ ಸುಮಾರು 118 ಮರಗಳು ನೆಲಕ್ಕಪ್ಪಳಿಸಿವೆ.