BMTC ಬಸ್ಸಲ್ಲಿ ಸ್ಕ್ರೂಡ್ರೈವರ್​​ ತೋರಿಸಿ ಬೆದರಿಕೆ.. ಕಂಡಕ್ಟರ್-ಡ್ರೈವರ್​​ಗೆ ಚುಚ್ಚುತ್ತೀನಿ ಎಂದ ಪ್ರಯಾಣಿಕ

ಬೆಂಗಳೂರು: ವೈಟ್​ಫಿಲ್ಡ್​ನ ಐಟಿಪಿಎಲ್​ ಬಸ್​ ಸ್ಟಾಪ್ ಬಳಿ ಕರ್ತವ್ಯ ನಿರತ ಬಿಎಂಟಿಸಿ ಕಂಡಕ್ಟರ್​​ ಮೇಲೆ ಪ್ರಯಾಣಿಕನೊಬ್ಬ ಚಾಕು ಇರಿದ ಘಟನೆ ಮಂಗಳವಾರದಂದು ನಡೆದಿತ್ತು. ಆದರೀಗ ಅಂತಹದ್ದೇ ಬೆದರಿಕೆಯ ಘಟನೆಯೊಂದು ಸಿಲಿಕಾನ್​ ಸಿಟಿಯಲ್ಲಿ ಬೆಳಕಿಗೆ ಬಂದಿದೆ.

ವ್ಯಕ್ತಿಯೋರ್ವ ಕರ್ತವ್ಯ ನಿರತ ವೋಲ್ವೋ ಬಸ್​​ ಕಂಡಕ್ಟರ್​ಗೆ​ ಸ್ಕ್ರೂಡ್ರೈವರ್​​ನಿಂದ ಬೆದರಿಕೆ ಹಾಕಿದ್ದಾನೆ. ಅತ್ತಿಬೆಲೆಯಿಂದ ಮೆಜೆಸ್ಟಿಕ್ ಹೋಗುವ ವೇಳೆ ಸ್ಕ್ರೂಡ್ರೈವರ್ ನಿಂದ ಬೆದರಿಕೆ ಹಾಕಿದ್ದಾನೆ.

ಇದನ್ನೂ ಓದಿ: Scam Call: ಸೈಬರ್​ ವಂಚಕರ ಕರೆಗೆ ತಾಯಿ ಶಾಕ್​.. ಹೃದಯಾಘಾತಕ್ಕೆ ಸರ್ಕಾರಿ ಶಾಲಾ ಶಿಕ್ಷಕಿ ಸಾ*ವು

ಅಂದಹಾಗೆಯೇ ಇದು ಸೆಪ್ಟೆಂಬರ್​ 8ರಂದು ನಡೆದ ಘಟನೆಯಾಗಿದೆ. ಸಂಜೆ 4-15ಕ್ಕೆ ರೂಟ್ ನಂಬರ್ 360/5 KA-57 F 9002 ಬಸ್​ನಲ್ಲಿ ನಡೆದಿರುವ ಘಟನೆ ಇದಾಗಿದ್ದು, ​ಹೊಸ ರೋಡ್ ಬಸ್ ಸ್ಟಾಪ್ ಬಳಿ ಇಳಿದು ಬ್ಯಾಗ್​ನಿಂದ ಸ್ಕ್ರೂಡ್ರೈವರ್ ತೋರಿಸಿ ಬೆದರಿಸಿದ್ದಾನೆ.

ಯಾರೀತ?

ಸ್ಕ್ರೂ ಡ್ರೈವರ್​ ತೋರಿಸಿದ ಪ್ರಯಾಣಿಕ ಕೊನಪ್ಪನ ಅಗ್ರಹಾರದಲ್ಲಿ ಬಸ್ ಹತ್ತಿದ್ದಾನೆ. ಹೊಸ ರೋಡ್ ಬಸ್ ಸ್ಟ್ಯಾಂಡ್​​ನಲ್ಲಿ ಇಳಿದು ತನ್ನ ಬ್ಯಾಗ್​​ನಲ್ಲಿದ್ದ ಸ್ಕ್ರೂಡ್ರೈವರ್ ತೋರಿಸಿ ಚುಚ್ಚಿ ಬಿಡ್ತೀನಿ ಎಂದು ಬೆದರಿಸಿದ್ದಾನಂತೆ.

ಇದನ್ನೂ ಓದಿ: ಬಿಗ್​ ಬಾಸ್​ನಿಂದ ಚೈತ್ರಾರನ್ನು ಹೊರಗೆ ಹಾಕಿ, ಇಲ್ಲದಿದ್ರೆ ಕಾರ್ಯಕ್ರಮ ಸ್ಥಗಿತ ಮಾಡಿಸುತ್ತೇನೆ ಎಂದ ವಕೀಲ!

ಯಾವ ಕಾರಣಕ್ಕೆ ಹೀಗೆ ಮಾಡಿದ?

ಹೊಸ ರೋಡ್ ಬಸ್ ಸ್ಟ್ಯಾಂಡ್ ಗೆ ಹೋಗುವ ಮುನ್ನ ಕಂಡಕ್ಟರ್ ಬಸ್ ನಲ್ಲಿದ್ದ ಎಲ್ಲಾ ಪ್ರಯಾಣಿಕರಿಗೆ ಹಿಂದಿನ ಸ್ಟಾಪ್​ನಲ್ಲಿ ಟಿಕೆಟ್ ನೀಡಬೇಕಿತ್ತು. ಹಾಗಾಗಿ ಬಸ್ ನಿಲ್ಲಿಸಿ ಎಲ್ಲಾ ಪ್ರಯಾಣಿಕರಿಗೆ ಟಿಕೆಟ್ ನೀಡಲು ಕಂಡಕ್ಟರ್ ಮುಂದಾಗಿದ್ದನು. ಇದರಿಂದ ಆಕ್ರೋಶಗೊಂಡಿದ್ದ ಪ್ರಯಾಣಿಕ ಹೊಸ ರೋಡ್ ಬಸ್ ಸ್ಟಾಪ್ ನಲ್ಲಿ ಇಳಿದು ಸ್ಕ್ರೂಡ್ರೈವರ್ ತೋರಿಸಿ ಚುಚ್ಚುತ್ತೀನಿ ನಿಮ್ಮಬ್ಬರಿಗೂ ಎಂದು ಅವಾಜ್ ಹಾಕಿದ್ದಾನೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ