ಬೆಂಗಳೂರು ವಿವಿ ಹೊಸ ಸಾಧನೆ; ಇತಿಹಾಸದಲ್ಲೇ ಮೊದಲ ಬಾರಿಗೆ BCA ಪ್ರಾಕ್ಟಿಕಲ್ಸ್​ ಕಂಪ್ಲೀಟ್ ಡಿಜಿಟಲೀಕರಣ​

ಬೆಂಗಳೂರು: ಪ್ರತಿಷ್ಠಿತ ವಿಶ್ವವಿದ್ಯಾಲಯ ಎಂದೇ ಖ್ಯಾತಿಯಾಗಿರೋ ಬೆಂಗಳೂರು ವಿವಿಯ ಇತಿಹಾಸದಲ್ಲೇ ಮೊದಲ ಬಾರಿಗೆ BCA Practical Allotment ಅನ್ನು ಕಂಪ್ಲೀಟ್​ ಡಿಜಿಟಲೀಕರಣ​​ ಮಾಡಲಾಗಿದೆ. ಈ ರೀತಿಯ ಪ್ರಯೋಗ ಇದುವರೆಗೂ ಕರ್ನಾಟಕದ ಯಾವುದೇ ವಿವಿಯಲ್ಲೂ ನಡೆದಿಲ್ಲ ಅನ್ನೋದು ವಿಶೇಷ. ಅದರಲ್ಲೂ ಜಿಯೋಟ್ಯಾಗ್ಡ್​​ ಫೋಟೋಗ್ರಾಫ್ಸ್​​ ಅನ್ನೋ ಹೊಸ ಫೀಚರ್​​ ಅಳವಡಿಸಿಕೊಂಡಿದ್ದು, ಇದು ಶೈಕ್ಷಣಿಕ ಪಾರದರ್ಶಕತೆಯನ್ನು ಹೆಚ್ಚಿಸಿದೆ.

ಇನ್ನು, ಬೆಂಗಳೂರು ವಿವಿಯ ಕಂಪ್ಯೂಟರ್​ ಸೈನ್ಸ್​ ವಿಭಾಗದ ಸೀನಿಯರ್​ ಪ್ರೊಫೆಸರ್​​ ಡಾ. ಮುರಳೀಧರ​ ಬಿ.ಎಲ್ ಅವರು ವಿವಿಯ ಹಳೆಯ ವಿದ್ಯಾರ್ಥಿ ಚಿಟ್ಟಿ ಬಾಬು ಎಂಬುವರ ಸಹಕಾರದೊಂದಿಗೆ ಈ ಸಾಫ್ಟ್​ವೇರ್​​ ಡೆವಲಪ್​ ಮಾಡಿದ್ದಾರೆ.

ಬೆಂಗಳೂರು ವಿವಿ ಅತ್ಯಂತ ದೊಡ್ಡ ಯೂನಿವರ್ಸಿಟಿ. ಇನ್ನೂ ಬೆಂಗಳೂರು ಗ್ರಾಮಾಂತರ ಮತ್ತು ಬೆಂಗಳೂರು ನಗರ ಜಿಲ್ಲೆಗಳ ವ್ಯಾಪ್ತಿಯಲ್ಲಿರೋ ದಾಬಸ್​ಪೇಟೆ, ನೆಲಮಂಗಲ, ಮಾಗಡಿ, ರಾಮನಗರ, ಚನ್ನಪಟ್ಟಣ, ಬಿಡದಿ, ಕನಕಪುರ, ಜಿಗಣಿ, ಬನ್ನೇರುಘಟ್ಟ, ಚಂದಾಪುರ, HSR ಲೇಔಟ್​​, ಹೆಬ್ಬಾಳ, ನಾಗಸಂದ್ರ ಹೀಗೆ ಹಲವು ಪ್ರದೇಶಗಳಲ್ಲಿರೋ ಕಾಲೇಜುಗಳು ಬೆಂಗಳೂರು ವಿವಿಗೆ ಸೇರುತ್ತವೆ. 128 ಕಾಲೇಜುಗಳಿದ್ದು, ವರ್ಷಕ್ಕೆ 9 ಬಾರಿ ಪ್ರಾಕ್ಟಿಕಲ್​ ಎಕ್ಸಾಂ ನಡೆಸಬೇಕಿತ್ತು. ಸುಮಾರು 15,500 BCA ವಿದ್ಯಾರ್ಥಿಗಳಿದ್ದಾರೆ. ಎಲ್ಲರಿಗೂ ಒಟ್ಟಿಗೆ ಪ್ರಾಕ್ಟಿಕಲ್​ ಎಕ್ಸಾಂ ಕಂಡಕ್ಟ್​ ಮಾಡಲು ಮ್ಯಾನ್​ ಪವರ್​ ಸೇರಿದಂತೆ ಸಾಕಷ್ಟು ಸಮಸ್ಯೆಗಳಿವೆ. ಹೀಗಾಗಿ ಹೊಸ ಸಾಫ್ಟ್​ವೇರ್​ ಡೆವಲಪ್​ ಮಾಡಿ ಕಂಪ್ಲೀಟ್​​ BCA Practical ಅಲಾಟ್​ಮೆಂಟ್​ ಡಿಜಿಟಲೈಜ್​ ಮಾಡಲಾಗಿದೆ.

ಇಷ್ಟೇ ಅಲ್ಲ ಈ ಕಾರ್ಯಕ್ಕೆ ಗೆಸ್ಟ್​ ಫ್ಯಾಕಲ್ಟಿಗಳಾದ ಪವಿತ್ರಾ, ಕರಣ್​​ ಮತ್ತು ರೀಸರ್ಚ್​​​ ಸ್ಕಾಲರ್ಸ್​ ಆದ ಮಾಯ ಮತ್ತು ಸರಳ ಅವರು ಕೂಡ ಕೈ ಜೋಡಿಸಿದ್ದಾರೆ. ಈ ಸಾಫ್ಟ್​ವೇರ್​​ ಅನ್ನು ಬೆಂಗಳೂರು ವಿವಿಗೆ ಸೇರೋ ಎಲ್ಲಾ ಕಾಲೇಜುಗಳಲ್ಲೂ ಇಂಪ್ಲೀಮೆಂಟ್​ ಮಾಡಿ ಎಂದು ಬೆಂಗಳೂರು ವಿವಿ ಉಪಕುಲಪತಿಗಳಿಗೆ ಪ್ರೊಫೆಸರ್​​ ಡಾ. ಮುರಳೀಧರ​ ಬಿ.ಎಲ್ ಅವರು ಪತ್ರ ಬರೆದಿದ್ದಾರೆ. ಇದು ಶೈಕ್ಷಣಿಕ ಪಾರದರ್ಶಕತೆಯನ್ನು ಹೆಚ್ಚಿಸಲಿದೆ ಅನ್ನೋ ಅಭಿಪ್ರಾಯವನ್ನು ವ್ಯಕ್ತಪಡಿಸಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ