ಭರ್ಜರಿ ಬ್ಯಾಚುಲರ್ 2 ವಿನ್ನರ್ ಸುನೀಲ್​ಗೆ ಸಿಕ್ಕ ಹಣ ಎಷ್ಟು..?

ಭರ್ಜರಿ ಬ್ಯಾಚುಲರ್ಸ್ ಸೀಸನ್ 2​ ಅದ್ಧೂರಿಯಾಗಿ ಮುಕ್ತಾಯಗೊಂಡಿದೆ. ಶನಿವಾರ ಮತ್ತು ಭಾನುವಾರ ಭರ್ಜರಿ ಬ್ಯಾಚುಲರ್ಸ್ ಸೀಸನ್ 2 ಗ್ರ್ಯಾಂಡ್​ ಫಿನಾಲೆ ನಡೆದಿತ್ತು. 10 ಬ್ಯಾಚುಲರ್ಸ್​ಗಳಲ್ಲಿ ಒಬ್ಬರು ವಿನ್ನರ್​ ಆಗಿದ್ದಾರೆ. ಮತ್ತಿಬ್ಬರಿಗೆ ರನ್ನರ್​ ಪಟ್ಟ ಸಿಕ್ಕಿದೆ.

ಇದನ್ನೂ ಓದಿ:ಮಹಿಳೆಯರಿಗಾಗಿ ಸರ್ಕಾರದ ಯೋಜನೆ.. ಆದ್ರೆ ಕೋಟಿ ಕೋಟಿ ಹಣ ನುಂಗಿದ ರಾಜ್ಯದ ಪುರುಷರು!

ಹೌದು, ಈ ಬಾರಿಯ ಭರ್ಜರಿ ಬ್ಯಾಚುಲರ್ಸ್ ಸೀಸನ್ 2 ವಿನ್ನರ್​ ಆಗಿದ್ದಾರೆ ಸುನೀಲ್​​. ಫಸ್ಟ್​ ರನ್ನಪ್​ ರಕ್ಷಕ್​ ಬುಲೆಟ್​ ಆಗಿದ್ದು, 2ನೇ ರನ್ನರ್ ಅಪ್​ ಡ್ರೋನ್​ ಪ್ರತಾಪ್ ಆಗಿದ್ದಾರೆ. ಇನ್ನೂ, ಸುನೀಲ್ ಅವರು ವಿನ್ನರ್ ಎಂದು ರವಿಚಂದ್ರನ್ ಘೋಷಣೆ ಮಾಡಿದರು. ಈ ಮೂಲಕ ಸುನೀಲ್ ಹಾಗೂ ಅಮೃತಾ ಜೋಡಿ ಅಂತಿಮವಾಗಿ ವಿನ್ ಆಗಿದ್ದಾರೆ. ಸುನೀಲ್​ಗೆ ಟ್ರೋಫಿ ಜೊತೆಗೆ 15 ಲಕ್ಷ ರೂಪಾಯಿ ಕ್ಯಾಶ್ ಪ್ರೈಜ್ ಸಿಕ್ಕಿದೆ.

ಅದರಂತೆ ಡ್ರೋನ್ ಪ್ರತಾಪ್​ ಹಾಗೂ ಗಗನಾ ಜೋಡಿಗೆ ಎರಡನೇ ರನ್ನರ್ ಅಪ್ ಸ್ಥಾನ ಹಾಗೂ ರಕ್ಷಕ್ ಮತ್ತು ರಮೋಲಾ ಜೋಡಿಗೆ ಮೊದಲ ರನ್ನರ್ ಅಪ್ ಸ್ಥಾನ ಸಿಕ್ಕಿದೆ. ಪ್ರತಾಪ್​ಗೆ 3 ಲಕ್ಷ ರೂಪಾಯಿ ಸಿಕ್ಕಿತು. ಅದರಲ್ಲಿ ಅರ್ಧ ಹಣವನ್ನು ಗಗನಾಗೆ ನೀಡೋದಾಗಿ ಪ್ರತಾಪ್ ವೇದಿಕೆ ಮೇಲೆ ಹೇಳಿದರು. ರಕ್ಷಕ್​​ಗೆ 10 ಲಕ್ಷ ರೂಪಾಯಿ ನೀಡಲಾಯಿತು. ವಿಶೇಷ ಎಂದರೆ ಈ ಸೀಸನ್​ ಸ್ಪೆಷಲ್​ ಸ್ಪರ್ಧಿ ಸೂರ್ಯಗೆ 1 ಲಕ್ಷ ರೂಪಾಯಿ ನೀಡಲಾಗಿದೆ.

ಸದ್ಯ ಭರ್ಜರಿ ಬ್ಯಾಚುಲರ್ಸ್ ಸೀಸನ್ 2 ಮುಕ್ತಾಯಗೊಳ್ಳುತ್ತಿದ್ದಂತೆ ನಾವು ನಮ್ಮವರು ಎಂಬ  ಶೋ ಬರುತ್ತಿದೆ. ಇದಕ್ಕೆ ತೀರ್ಪುಗಾರರಾಗಿ ಅಮೂಲ್ಯ, ಶರಣ್ ಹಾಗೂ ತಾರಾ ಅವರು ಜಡ್ಜ್​ ಸ್ಥಾನವನ್ನು ಅಲಂಕರಿಸಲಿದ್ದಾರೆ. ಇದೇ ಆಗಸ್ಟ್ 2ರಿಂದ ಶನಿವಾರ ಹಾಗೂ ಭಾನುವಾರ ರಾತ್ರಿ 9ಕ್ಕೆ ಪ್ರಸಾರ ಕಾಣಲಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ