ಆ ತಾಯಿಯ ಮಹಾದಾಸೆ ಈಡೇರಿಸಿದ​ ಸುಕೃತಾ ನಾಗ್​; ವೇದಿಕೆ ಮೇಲೆ ಕಣ್ಣೀರಿಟ್ಟ ಪ್ರವೀಣ್‌

ಜೀ ಕನ್ನಡದಲ್ಲಿ ಪ್ರಸಾರವಾಗುತ್ತಿರುವ ಜನಪ್ರಿಯ ರಿಯಾಲಿಟಿ ಶೋ ಭರ್ಜರಿ ಬ್ಯಾಚುಲರ್ಸ್ ಸೀಸನ್ 2 ವೀಕ್ಷಕರಿಗೆ ಮನರಂಜನೆ ನೀಡುತ್ತಿದೆ. ಇದೇ ಶೋನಲ್ಲಿ 10 ಮಂದಿ ಬ್ಯಾಚುಲರ್ಸ್ ಗಳಿಗೆ 10 ಸುಂದರಿಯರು ಮೆಂಟರ್ಸ್ ಆಗಿದ್ದಾರೆ. ವಾರದಿಂದ ವಾರಕ್ಕೆ ಬ್ಯಾಚುಲರ್ಸ್​ಗಳು ಚೇಂಚ್​ ಆಗ್ತಿದ್ದಾರೆ.

ಇದನ್ನೂ ಓದಿ:ಸ್ನೇಹಿತರೇ ಸೇರಿ ಯುವತಿಗೆ ಮಾಡಿಸಿದ್ರು ಡೆಲಿವರಿ.. ಬಾಳಿ ಬದುಕಬೇಕಾಗಿದ್ದ ಶಿಶು ಕಸದ ಬುಟ್ಟಿಗೆ..

ಕಳೆದ ವಾರ ಬ್ಯಾಚುಲರ್ಸ್​ಗಳಿಗೆ ಲವ್​ ಕೆಮಿಸ್ಟ್ರಿ ರೌಂಡ್ ಇತ್ತು. ಆದ್ರೆ ಈ ವಾರ ಏಂಜಲ್ಸ್​ಗಳಿಗೆ ಹೊಸ ಚಾಲೆಂಜ್​ ಎದುರಾಗಿದೆ. ಏಂಜಲ್‌ಗಳು ಕೊಟ್ಟ ಭಾವನಾತ್ಮಕ ಸರ್​ಪ್ರೈಸ್​ಗೆ ಬ್ಯಾಚುಲರ್ಸ್ ಭರ್ಜರಿಯಾಗಿ ಮನಸೋತ್ತಿದ್ದಾರೆ.

ಅದರಲ್ಲೂ ರಿಲೀಸ್​ ಆದ ಪ್ರೋಮೋದಲ್ಲಿ ನಟಿ ಸುಕೃತಾ ನಾಗ್ ಪ್ರವೀಣ್​ ಊಹಿಸಲಾಗದಂತಹ​ ಸರ್​ಪ್ರೈಸ್​ವೊಂದನ್ನು ಕೊಟ್ಟಿದ್ದಾರೆ. ಪ್ರವೀಣ್ ಅವರ ತಾಯಿಯನ್ನು ಊರಿಂದ ವಿಮಾನದಲ್ಲಿ ಕರೆದುಕೊಂಡು ಬಂದಿದ್ದಾರೆ. ಅಷ್ಟೇ ಅಲ್ಲದೇ ಅವರಿಗೆ ಇಷ್ಟವಾಗೋ ಕೆಲಸ ಮಾಡಿದ್ದಾರೆ.

ಇದಾದ ಬಳಿಕ ಪ್ರವೀಣ್ ಇದ್ದ ಜಾಗಕ್ಕೆ ಕರೆದುಕೊಂಡು ಬಂದು ಸರ್​ಪ್ರೈಸ್​ ಕೊಟ್ಟಿದ್ದಾರೆ. ಅಮ್ಮನನ್ನು ನೋಡಿದ ಕೂಡಲೇ ಪ್ರವೀಣ್ ಭಾವುಕರಾದರು. ನಂತರ ಕ್ರೇಜಿಸ್ಟಾರ್ ರವಿಚಂದ್ರನ್ ಹಾಗೂ ನಟಿ ರಚಿತಾ ರಾಮ್ ವೇದಿಕೆ ಬಂದು ಡ್ಯಾನ್ಸ್​ ಮಾಡಿ ಖುಷಿ ಪಡಿಸಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ