ಫ್ಯಾನ್ಸ್​​​ಗೆ​ ಬಿಗ್​ ಶಾಕ್​; ಇನ್ಮುಂದೆ ಮೊಬೈಲ್​​ನಲ್ಲಿ ಐಪಿಎಲ್​​ ನೋಡಲು ದುಡ್ಡು ಕೊಡಲೇಬೇಕು

2025ರ ಇಂಡಿಯನ್​ ಪ್ರೀಮಿಯರ್​ ಲೀಗ್​ಗೆ ಇನ್ನೇನು ಒಂದು ತಿಂಗಳು ಮಾತ್ರ ಬಾಕಿ ಇದೆ. ಕಳೆದ ಸೀಸನ್​​​ ಐಪಿಎಲ್​​​ ಆಟವನ್ನು ಜನ ಮೊಬೈಲ್​ನಲ್ಲೇ ನೋಡುತ್ತಾ ಕಾಲ ಕಳೆದರು. ಅದು ಸಂಪೂರ್ಣ ಫ್ರೀ ಆಗಿತ್ತು. ಆದರೀಗ, ಅಭಿಮಾನಿಗಳ ಜೇಬಿಗೆ ಈಗ ಕತ್ತರಿ ಬಿದ್ದಿದೆ.

ಫ್ಯಾನ್ಸ್​ಗೆ ಬಿಗ್​ ಶಾಕ್​​

ಜಿಯೋ ಮತ್ತು ಹಾಟ್‌ ಸ್ಟಾರ್​ ಈಗ ಒಂದೇ. ಈ ಎರಡೂ ಫ್ಲಾಟ್‌ ಫಾರ್ಮ್‌ಗಳು ವಿಲೀನ ಆಗಿದ್ದು ಎಲ್ಲರಿಗೂ ಗೊತ್ತೇ ಇದೆ. ಇದು ಈಗ ಜಿಯೋ ಹಾಟ್‌ಸ್ಟಾರ್ ಆಗಿ ಮಾರ್ಪಟ್ಟಿವೆ. ಇಂದಿನಿಂದಲೇ ಈ ಸೇವೆ ಆರಂಭವಾಗಿದ್ದು, 50 ಕೋಟಿಗೂ ಹೆಚ್ಚು ಬಳಕೆದಾರರು ಇದ್ದಾರೆ. ಹಾಗಾಗಿ ಇನ್ಮುಂದೆ ಐಪಿಎಲ್​ ಫ್ರೀ ಆಗಿ ನೋಡಲು ಆಗುವುದಿಲ್ಲ. ಇದು ಈಗ ಫ್ಯಾನ್ಸ್​ಗೆ ಶಾಕಿಂಗ್​ ವಿಚಾರ.

ಕೈಗೆಟಕುವ ದರಗಳಲ್ಲಿ ಪ್ಲಾನ್​​

ಈ ಹಿಂದೆ ಜಿಯೋ ಸಿನೇಮಾದಲ್ಲಿ ಉಚಿತವಾಗಿ ಐಪಿಎಲ್​ ಬರುತ್ತಿತ್ತು. ಇನ್ಮುಂದೆ ಈ ಮೆಗಾ ಲೀಗ್​ ನೋಡಲು ದುಡ್ಡು ನೀಡಬೇಕು. ಬಳಕೆದಾರ ಅನುಕೂಲತಗೆ ತಕ್ಕಂತೆ ರಿಚಾರ್ಜ್‌ ಮಾಡಿಸಿಕೊಳ್ಳಬಹುದು. ಈ ಯೋಜನೆ 149 ರೂಪಾಯಿಯಿಂದ ಶುರುವಾಗುತ್ತದೆ ಎಂದು ತಿಳಿದು ಬಂದಿದೆ.

ಜಾಹಿರಾತಿನ ಕಿರಿಕಿರಿ ಇಲ್ಲದೆ ಐಪಿಎಲ್‌ ನೋಡಲು 499 ರೂ. ಪ್ಲಾನ್​​ ರೀಚಾರ್ಜ್​ ಮಾಡಿಸಬೇಕು. ಇದು ಅಭಿಮಾನಿಗಳಿಗೆ ಆಘಾತ ತಂದಿದೆ. ರಿಲಯನ್ಸ್‌ ಹಾಗೂ ಡಿಸ್ನಿ ದೇಶದಲ್ಲಿ 100ಕ್ಕೂ ಹೆಚ್ಚು ಡಿಜಿಟಲ್‌ ಫ್ಲಾಟ್‌ ಫಾರ್ಮ್‌ಗಳನ್ನು ನಿರ್ವಹಿಸುತ್ತವೆ. ಜಿಯೋ ಹಾಟಸ್ಟಾರ್‌ ವೇದಿಕೆಯಲ್ಲಿ ಐಪಿಎಲ್​ ನೋಡಬಹುದು.

ಇದನ್ನೂ ಓದಿ:ಕಠಿಣದಲ್ಲಿ ಅತೀ ಕಠಿಣ.. ಆರ್​ಸಿಬಿ ನಾಯಕ ರಜತ್​​ಗೆ ಎದುರಾಗಿದೆ 5 ಬಿಗ್​ ಚಾಲೆಂಜ್..!

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ ‘ರನ್ ಭೂಮಿ’ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್