2025ರ ಐಪಿಎಲ್​​: ರಿಂಕು ಸಿಂಗ್​ಗೆ ಬಿಗ್​ ಶಾಕ್​ ಕೊಟ್ಟ ಕೆಕೆಆರ್; ಅಸಲಿಗೆ ಆಗಿದ್ದೇನು?

ಇಂಡಿಯನ್ ಪ್ರೀಮಿಯರ್ ಲೀಗ್ 2025ರ ಮೆಗಾ ಹರಾಜಿನಲ್ಲಿ ಕೋಲ್ಕತ್ತಾ ನೈಟ್ ರೈಡರ್ಸ್ ಬಲಿಷ್ಠ ಆಟಗಾರರನ್ನು ಖರೀದಿ ಮಾಡಿದೆ. ಕಳೆದ ಸೀಸನ್​​ನಲ್ಲಿ ಕ್ಯಾಪ್ಟನ್​ ಆಗಿದ್ದ ಶ್ರೇಯಸ್​ ಅಯ್ಯರ್​ ಅವರನ್ನೇ ತಂಡದಿಂದ ಬಿಟ್ಟುಕೊಡಲಾಗಿದೆ. ಇವರು ಪಂಜಾಬ್​ ಪಾಲಾಗಿದ್ದು, ಕೆಕೆಆರ್​ ತಂಡದಲ್ಲಿ ಕ್ಯಾಪ್ಟನ್ಸಿಗಾಗಿ ಭಾರೀ ಪೈಪೋಟಿ ನಡೆಯುತ್ತಿದೆ.

ಮುಂದಿನ ಸೀಸನ್​ಗೆ ಕೆಕೆಆರ್​ ಹೊಸ ಕ್ಯಾಪ್ಟನ್​ ಹುಡುಕಾಟದಲ್ಲಿದೆ. ಕೆಕೆಆರ್​​ನಲ್ಲಿ ರಿಂಕು ಸಿಂಗ್​​, ವೆಂಕಟೇಶ್​ ಅಯ್ಯರ್​​, ಅಜಿಂಕ್ಯಾ ರಹಾನೆ ರೀತಿಯ ಸ್ಟಾರ್​ ಆಟಗಾರರ ದಂಡೇ ಇದೆ. ಈ ಪೈಕಿ ಯಾರಿಗೆ ಕೆಕೆಆರ್​​ ತಂಡದ ಕ್ಯಾಪ್ಟನ್ಸಿ ಸಿಗಲಿದೆ ಅನ್ನೋ ಬಗ್ಗೆ ಭಾರೀ ಚರ್ಚೆ ಆಗುತ್ತಿದೆ.

ಕ್ಯಾಪ್ಟನ್ಸಿಗಾಗಿ ಮೂವರ ಮಧ್ಯೆ ಪೈಪೋಟಿ

ಕೋಲ್ಕತ್ತಾ ನೈಟ್​ ರೈಡರ್ಸ್​ ತಂಡದ ಕ್ಯಾಪ್ಟನ್ಸಿಗಾಗಿ ಮೂವರ ಮಧ್ಯೆ ಭಾರೀ ಪೈಪೋಟಿ ಇದೆ. ಈ ಮೂವರು ಆಟಗಾರರು ಭಾರತೀಯರು ಎಂಬುದೇ ವಿಶೇಷ. ಅವರು ಮತ್ಯಾರು ಅಲ್ಲ ಅಜಿಂಕ್ಯ ರಹಾನೆ, ವೆಂಕಟೇಶ್ ಅಯ್ಯರ್ ಮತ್ತು ರಿಂಕು ಸಿಂಗ್. ಕೆಕೆಆರ್​​ ಮುಂದಿನ ವರ್ಷಗಳ ಕಾಲ ಕ್ಯಾಪ್ಟನ್​ ಆಗಬಲ್ಲ ಆಟಗಾರನಿಗಾಗಿ ಎದುರು ನೋಡುತ್ತಿದೆ.

ಕೆಕೆಆರ್​​ ಮೊದಲ ಆಯ್ಕೆ ಇವರೇ!

ಅಜಿಂಕ್ಯ ರಹಾನೆ ಕೆಕೆಆರ್​ ತಂಡದ ಕ್ಯಾಪ್ಟನ್​ ಆಗಲು ಮೊದಲ ಆಯ್ಕೆ. ಇವರು ಭಾರತದ ಅನುಭವಿ ಬ್ಯಾಟರ್ ಹಾಗೂ ಟೀಮ್​ ಇಂಡಿಯಾ ಕ್ಯಾಪ್ಟನ್​ ಕೂಡ ಆಗಿದ್ರು. ಈ ಹಿಂದೆ ಐಪಿಎಲ್​ನಲ್ಲಿ ರಾಜಸ್ಥಾನ್​ ರಾಯಲ್ಸ್​ ತಂಡವನ್ನು ಲೀಡ್​ ಮಾಡಿದ್ರು. ಈಗ ಕೆಕೆಆರ್​ ತಂಡದ ಕ್ಯಾಪ್ಟನ್​ ಆಗೋ ಅವಕಾಶ ಒದಗಿ ಬಂದಿದೆ.

2ನೇ ಆಯ್ಕೆ ವೆಂಕಟೇಶ್ ಅಯ್ಯರ್

ಈ ಬಾರಿ ಮೆಗಾ ಹರಾಜಿನಲ್ಲಿ ವೆಂಕಟೇಶ್ ಅಯ್ಯರ್ ಬಿಡ್ ಮಾಡಲು ಕೆಕೆಆರ್ ಸಾಕಷ್ಟು ಕಸರತ್ತು ಮಾಡಿತ್ತು. ಆರ್​​ಸಿಬಿ ತಂಡದ ಪೈಪೋಟಿ ಮಧ್ಯೆಯೂ ಕೆಕೆಆರ್​ ಆರ್​​ಟಿಎಂ ಮೂಲಕ 23.75 ಕೋಟಿ ನೀಡಿ ವೆಂಕಟೇಶ್ ಅಯ್ಯರ್ ಅವರನ್ನು ಬಿಡ್ ಮಾಡಿತ್ತು. ಹೀಗಾಗಿ ಕೆಕೆಆರ್ ನಾಯಕನ ಸ್ಥಾನಕ್ಕೆ ವೆಂಕಟೇಶ್ ಅಯ್ಯರ್ ಹೆಸರು ಕೇಳಿ ಬರುತ್ತಿದೆ.

ರಿಂಕು ಸಿಂಗ್​​ಗೂ ಅವಕಾಶ

ಕೆಕೆಆರ್​ ರಿಂಕು ಸಿಂಗ್ ಅವರನ್ನು ನಾಯಕನ ಸ್ಥಾನಕ್ಕೆ 3ನೇ ಆಯ್ಕೆಯಾಗಿ ನೋಡುತ್ತಿದೆ. ರಿಂಕು ಟೀಮ್ ಇಂಡಿಯಾ ಪರ ಕೂಡ ಮಿಂಚಿದ್ದು, ಯುಪಿ ಟಿ20 ಲೀಗ್‌ನಲ್ಲಿ ನಾಯಕರಾಗಿದ್ರು. ಇವರನ್ನು ಕೆಕೆಆರ್​ 13 ಕೋಟಿ ನೀಡಿ ಉಳಿಸಿಕೊಂಡಿದೆ.

ಇದನ್ನೂ ಓದಿ:ರೋಹಿತ್​​ ಕೆಟ್ಟ ಫಾರ್ಮ್​​ನಲ್ಲಿದ್ರೂ ಆಡಿಸಬೇಕಿತ್ತು; ತಂಡದಿಂದ ಕೈ ಬಿಟ್ಟಿದ್ದಕ್ಕೆ BCCI ವಿರುದ್ಧ ಆಕ್ರೋಶ

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ