ಟೀಮ್​​ ಇಂಡಿಯಾಗೆ ಬಿಗ್​ ಶಾಕ್​​; R ಅಶ್ವಿನ್​​ ಬೆನ್ನಲ್ಲೇ ನಿವೃತ್ತಿಗೆ ಮುಂದಾದ ಹಿರಿಯ ಆಟಗಾರರು!

3ನೇ ಟೆಸ್ಟ್​ ಪಂದ್ಯ ಮುಗಿದ ಬೆನ್ನಲ್ಲೇ ನಿರೀಕ್ಷೆಯಂತೆ ಟೀಮ್​ ಇಂಡಿಯಾ ಅನುಭವಿ ಆಟಗಾರ ಅಶ್ವಿನ್‌ ಅಂತಾರಾಷ್ಟ್ರೀಯ ಕ್ರಿಕೆಟ್‌ಗೆ ವಿದಾಯ ಘೋಷಿಸಿದ್ರು. ಹಿರಿಯರನ್ನು ಸೈಡ್​ಲೈನ್​ ಮಾಡಿದ್ದೇ ಆರ್​​. ಅಶ್ವಿನ್​​​ ನಿವೃತ್ತಿಗೆ ಕಾರಣವಾಗಿದೆ. ಇದು ಟೀಮ್​ ಇಂಡಿಯಾ ದೊಡ್ಡ ತಲೆನೋವಾಗಿ ಪರಿಣಮಿಸಿದೆ.

ಟೀಮ್​​ ಇಂಡಿಯಾ ಆಸ್ಟ್ರೇಲಿಯಾ ಪ್ರವಾಸದಲ್ಲಿ 5 ಟೆಸ್ಟ್‌ ಪಂದ್ಯ ಆಡಲಿದೆ. ಮೊದಲ ಟೆಸ್ಟ್‌ ಪಂದ್ಯದಲ್ಲಿ ಅಶ್ವಿನ್‌ ಅವರಿಗೆ ಪ್ಲೇಯಿಂಗ್​ ಎಲೆವೆನ್​ನಲ್ಲಿ ಅವಕಾಶ ನೀಡಿರಲಿಲ್ಲ. 2ನೇ ಟೆಸ್ಟ್‌ನಲ್ಲಿ ಆಡವ ಅವಕಾಶ ಸಿಕ್ರೂ ಅಶ್ವಿನ್​​ ವಿಶೇಷ ಸಾಧನೆಯೇನು ಮಾಡಲಿಲ್ಲ. ಹೀಗಾಗಿ 3ನೇ ಟೆಸ್ಟ್‌ ಪಂದ್ಯದಿಂದ ಇವರಿಗೆ ಕೊಕ್​ ನೀಡಲಾಯ್ತು. ಇದರಿಂದ ಬೇಸತ್ತ ಆರ್​​. ಅಶ್ವಿನ್​​​ ಅವರು ನಿವೃತ್ತಿ ಘೋಷಿಸಿದ್ರು.

ಅಶ್ವಿನ್​ ಬೆನ್ನಲ್ಲೇ ಯಾರಿಗೆ ಗೇಟ್​ಪಾಸ್​​

ಮುಂದಿನ ವರ್ಷ ಟೀಮ್​ ಇಂಡಿಯಾ ಇಂಗ್ಲೆಂಡ್ ಪ್ರವಾಸ ಕೈಗೊಳ್ಳಲಿದೆ. ಇಂಗ್ಲೆಂಡ್​ ಪ್ರವಾಸದಲ್ಲಿ 5 ಪಂದ್ಯಗಳ ಟೆಸ್ಟ್​ ಸರಣಿ ಆಡಲಿದೆ. ಈ ಮಹತ್ವದ ಪ್ರವಾಸಕ್ಕೆ ಟೀಮ್​ ಇಂಡಿಯಾದಲ್ಲಿ ಮೇಜರ್​ ಸರ್ಜರಿ ಆಗಲಿದೆ. ಬಾರ್ಡರ್ ಗವಾಸ್ಕರ್ ಟ್ರೋಫಿ ಬಳಿಕ ಟೀಮ್​ ಇಂಡಿಯಾದ ಅನೇಕ ಹಿರಿಯ ಆಟಗಾರರು ನಿವೃತ್ತಿ ಆಗಬಹುದು ಎಂದು ತಿಳಿದು ಬಂದಿದೆ.

ಮುಂದಿನ ಸರದಿ ಯಾರದು?

ಟೀಮ್ ಇಂಡಿಯಾದಲ್ಲಿ ಬದಲಾವಣೆ ಗಾಳಿ ಬೀಸಲಿದೆ. ವಿರಾಟ್ ಕೊಹ್ಲಿ, ಅಜಿಂಕ್ಯ ರಹಾನೆ, ಚೇತೇಶ್ವರ ಪೂಜಾರ, ರೋಹಿತ್ ಶರ್ಮಾ ಮತ್ತು ರವೀಂದ್ರ ಜಡೇಜಾ ಅವರು ಒಬ್ಬರಾದ ಮೇಲೆ ಒಬ್ಬರು ನಿವೃತ್ತಿ ಆಗಬಹುದು. ರಹಾನೆ, ಪೂಜಾರ, ಇಶಾಂತ್ ಶರ್ಮಾ ಮತ್ತು ಭುವನೇಶ್ವರ್ ಕುಮಾರ್ ಬಹುದಿನಗಳಿಂದ ತಂಡದ ಭಾಗವಾಗಿಲ್ಲ. ರೋಹಿತ್ ಶರ್ಮಾ ಫಾರ್ಮ್​ನಲ್ಲೇ ಇಲ್ಲ. ಹೀಗಾಗಿ ಮುಂದಿನ ನಂಬರ್ ಯಾರದ್ದು ಎಂಬ ಪ್ರಶ್ನೆಗಳು ಎದ್ದಿವೆ.

ಇದನ್ನೂ ಓದಿ:ಮಗನ ನಿವೃತ್ತಿ ಬಗ್ಗೆ ಮೌನಮುರಿದ R ಅಶ್ವಿನ್ ತಂದೆ​​; ರೋಹಿತ್​​, ಗಂಭೀರ್​ ವಿರುದ್ಧ ಆಕ್ರೋಶ ಹೊರಹಾಕಿದ್ರು!

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ