BIGG BOSS: ಬಿಗ್​ಬಾಸ್​ ಶುರುವಾಗೋ ಮುನ್ನವೇ ಲೀಕ್ ಆಯ್ತು ಸ್ಪರ್ಧಿಗಳ ಹೆಸರು.. ಪಟ್ಟಿ ಇಲ್ಲಿದೆ!

ಬಹುನಿರೀಕ್ಷಿತ ಹಿಂದಿ ಬಿಗ್​ಬಾಸ್​ ರಿಯಾಲಿಟಿ ಶೋ ಶುರುವಾಗುತ್ತಿದೆ. ಪ್ರತಿ ವರ್ಷದಂತೆ ಈ ವರ್ಷ ಕೂಡ ಬಿಗ್‌ಬಾಸ್ ಕಾರ್ಯಕ್ರಮ ಶುರುವಾಗೋ ಮುನ್ನವೇ ವೀಕ್ಷಕರಲ್ಲಿ ಸಾಕಷ್ಟು ಕುತೂಹಲ ಮೂಡಿದೆ.

ಆದ್ರೆ ಈ ಬಾರಿಯ ಬಿಗ್​ಬಾಸ್​ ಬೇರೆಯೇ ಕಾನ್ಸೆಪ್ಟ್ ಹೊತ್ತು ಬರ್ತಿದೆ. ಬಿಗ್​ಬಾಸ್ ಸೀಸನ್ 19 ಆರಂಭವಾಗಲು ಇನ್ನು ಹಲವು ದಿನ ಬಾಕಿ ಇರುವ ಹೊತ್ತಲ್ಲೇ ಯಾರೆಲ್ಲಾ ಸ್ಪರ್ಧಿಗಳು ಇರಲಿದ್ದಾರೆ ಎಂದು ಕೆಲವೊಂದು ಹೆಸರುಗಳು ಚಾಲ್ತಿಯಲ್ಲಿವೆ.

ಇದನ್ನೂ ಓದಿ: BBK12: ಕಿಚ್ಚ ಸುದೀಪ್​ ಫ್ಯಾನ್ಸ್​ಗೆ ಗುಡ್​ನ್ಯೂಸ್​.. ಬಿಗ್​ಬಾಸ್​ 12ಕ್ಕೆ ಕಂಬ್ಯಾಕ್ ಆಗೋ ಸುಳಿವು ಕೊಟ್ರಾ?

ಹೌದು, ಈ ಬಾರಿಯೂ ಎಂದಿನಂತೆ ಸಲ್ಮಾನ್ ಖಾನ್ ಬಿಗ್​ಬಾಸ್ ಸಾರಥ್ಯ ವಹಿಸಿಕೊಂಡಿದ್ದಾರೆ. ಈ ಬಾರಿ ಸಲ್ಮಾನ್ ಖಾನ್ ಬಿಗ್ ಬಾಸ್ ನಿರೂಪಣೆಯನ್ನು ಮಾಡಲು 300 ಕೋಟಿ ಸಂಭಾವನೆಯನ್ನು ಪಡೆಯಲಿದ್ದಾರೆ ಎಂಬ ಸುದ್ದಿಗಳು ವೈರಲ್ ಆಗುತ್ತಿವೆ. ಅಂದಹಾಗೇ ಇಲ್ಲಿಯವರೆಗೆ ಬಿಗ್​ಬಾಸ್ ಮೂರು ತಿಂಗಳು ನಡೆಯುತ್ತಿತ್ತು. 15 ರಿಂದ 20 ಸ್ಪರ್ಧಿಗಳಿಗೆ ವೇದಿಕೆಯನ್ನು ಕಲ್ಪಿಸಲಾಗುತ್ತಿತ್ತು.. ಸೆಪ್ಟೆಂಬರ್ ಅಥವಾ ಅಕ್ಟೋಬರ್ ವೇಳೆಗೆ ಕಾರ್ಯಕ್ರಮ ಶುರುವಾಗುತ್ತಿತ್ತು. ಆದರೆ ಈಗ ಈ ಕಾರ್ಯಕ್ರಮದಲ್ಲಿ ಭಾರೀ ಬದಲಾವಣೆಯಾಗಲಿದೆ. ವರದಿಯ ಪ್ರಕಾರ ಈ ಬಾರಿ ಬರೋಬ್ಬರಿ ಐದೂವರೆ ತಿಂಗಳುಗಳ ಕಾಲ ಬಿಗ್ ಬಾಸ್ ಕಾರ್ಯಕ್ರಮ ನಡೆಯಲಿದೆಯಂತೆ. 2025 ಜುಲೈ 30ರಿಂದ ಕಾರ್ಯಕ್ರಮ ಶುರುವಾಗಲಿದ್ದು, ಜನವರಿ 2026ರವರೆಗೆ ಕಾರ್ಯಕ್ರಮ ನಡೆಯಲಿದೆ ಎಂದು ವರದಿಯಾಗಿದೆ. ಈ ಮೂಲಕ ಬಿಗ್​ಬಾಸ್​ ಇತಿಹಾಸದಲ್ಲಿ ಅತಿ ಹೆಚ್ಚು ಕಾಲ ನಡೆಯುವ ಸೀಸನ್ ಆಗಿದೆ.

ಹೀಗಾಗಿ ಬಿಗ್​ಬಾಸ್​ ತಂಡ ತೆರೆ ಮೆರೆಹಿಂದೆ ಸ್ಪರ್ಧಿಗಳಿಗಾಗಿ ಹುಡುಕಾಟ ಶುರು ಮಾಡಿದ್ದಾರಂತೆ. ಅಲ್ಲದೇ ಇದರಲ್ಲಿ ಈ ಬಾರಿ ಯೂಟ್ಯೂಬರ್ ಆಗಿ ಹೆಸರು ಮಾಡಿರುವ ಗೌರವ್ ತನೇಜಾ ಬಿಗ್ ಬಾಸ್‌ ಮನೆಯ ಸ್ಫರ್ಧಿಯಾಗಿ ಆಯ್ಕೆಯಾಗಿದ್ದಾರಂತೆ. ಅಲ್ಲದೇ ಶಿಲ್ಪಾ ಶೆಟ್ಟಿಯ ಪತಿ ಮತ್ತು ಅಶ್ಲೀಲ ಚಿತ್ರಗಳ ನಿರ್ಮಾಣದ ಆರೋಪವನ್ನೊತ್ತು ಜೈಲಿಗೆ ಹೋಗಿ ಬಂದ ರಾಜ್ ಕುಂದ್ರಾ ಕೂಡ ಈ ಬಾರಿಯ ಬಿಗ್ ಬಾಸ್‌ ಮನೆಯನ್ನು ಪ್ರವೇಶಿಸಲಿದ್ದಾರಂತೆ. ಮಮತಾ ಕುಲಕರ್ಣಿ, ಕೃಷ್ಣಾ ಶ್ರಾಫ್, ದಿ ರೆಬೆಲ್ ಕಿಡ್ ಎಂದೂ ಕರೆಯಲ್ಪಡುವ ಅಪೂರ್ವ ಮುಖಿಜಾ, ಮಿಕ್ಕಿ ಮೇಕ್‌ ಓವರ್, ಫೈಸಲ್ ಶೇಖ್, ಧೀರಜ್ ಧೋಪರ್ ಕೂಡ ಬಿಗ್ ಬಾಸ್‌ ಮನೆಗೆ ಈ ಸಲ ಎಂಟ್ರಿ ಕೊಡಲಿದ್ದಾರೆ ಎಂದು ವರದಿಯಾಗಿದೆ.

ಸದ್ಯ ಬಿಗ್​ಬಾಸ್​ಗೆ ಪ್ರವೇಶಿಸಲಿರುವ ಈ ಸಂಭಾವ್ಯ ಪಟ್ಟಿಯಲ್ಲಿರೋ ಹೆಸರನ್ನು ಕೇಳಿ ಹಿಂದಿ ಪ್ರೇಕ್ಷಕರಲ್ಲಿ ಕುತೂಹಲ ಮನೆ ಮಾಡಿದೆ. ಸೋಶಿಯಲ್ ಮೀಡಿಯಾದಲ್ಲಿ ಈ ಕುರಿತು ಚರ್ಚೆ ವೀಕ್ಷಕರು ಹಾಗೂ ನೆಟ್ಟಿಗರು ಶುರು ಮಾಡಿಕೊಂಡಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ