RCB ಮ್ಯಾಚ್​ ವೀಕ್ಷಿಸಿದ ಬಿಗ್​ಬಾಸ್​ ಕುಚುಕುಗಳು​​.. ಬೌಂಡರಿ, ಸಿಕ್ಸ್​ ಬಾರಿಸಿದಾಗೆಲ್ಲ ಹನು-ಧನು ಫುಲ್ ಖುಷ್

author-image
Veena Gangani
Updated On
RCB ಮ್ಯಾಚ್​ ವೀಕ್ಷಿಸಿದ ಬಿಗ್​ಬಾಸ್​ ಕುಚುಕುಗಳು​​.. ಬೌಂಡರಿ, ಸಿಕ್ಸ್​ ಬಾರಿಸಿದಾಗೆಲ್ಲ ಹನು-ಧನು ಫುಲ್ ಖುಷ್
Advertisment
  • ಚೆನ್ನೈ ಸೂಪರ್​ ಕಿಂಗ್ಸ್​ ವಿರುದ್ಧ ಜಯಭೇರಿ ಬಾರಿಸಿದ ಆರ್​ಸಿಬಿ
  • ನಿನ್ನೆ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಡೆದ RCB VS CSK ಮ್ಯಾಚ್​
  • RCB VS CSK ಮ್ಯಾಚ್​ ವೀಕ್ಷಿಸಿ ಖುಷಿಪಟ್ಟ ಬಿಗ್​ಬಾಸ್ ದೋಸ್ತ್​​ಗಳು

RCB ಅಭಿಮಾನಿಗಳ ಬಗ್ಗೆ ಹೆಚ್ಚು ಹೇಳಬೇಕಾಗಿಲ್ಲ.. ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಮೊದಲ ಸೀಸನ್​ನಿಂದಲೂ ಈ ಸೀಸನ್​ವರೆಗೂ ಐಪಿಎಲ್​ ಟ್ರೋಫಿ ಗೆದ್ದಿಲ್ಲ. ಫೈನಲ್​ವರೆಗೆ ಬಂದಿದ್ದರೂ ಟ್ರೋಫಿಯನ್ನು ಪಡೆಯುವಲ್ಲಿ ಸತತ ವಿಫಲವಾಗಿದೆ. ಆ ನೋವು ಮಾತ್ರ ತಂಡದಲ್ಲಿ ಇದೆ.. ಆದರೆ ಅಭಿಮಾನಿಗಳು ಎಂದಿಗೂ ಆರ್​ಸಿಬಿಯನ್ನು ಕೈ ಬಿಟ್ಟಿಲ್ಲ.. ಬಿಡೋದು ಇಲ್ಲ.. ಅಷ್ಟರ ಮಟ್ಟಿಗೆ ಅಭಿಮಾನಿಗಳು ಆರ್​ಸಿಬಿ ತಂಡದ ಮೇಲೆ ನಂಬಿಕೆ ಇಟ್ಟುಕೊಂಡಿದ್ದಾರೆ.

ನಿನ್ನೆ ಬೆಂಗಳೂರಿನ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಚೆನ್ನೈ ಸೂಪರ್​ ಕಿಂಗ್ಸ್​ ವಿರುದ್ಧದ ಪಂದ್ಯದಲ್ಲಿ ರಾಯಲ್​ ಚಾಲೆಂಜರ್ಸ್ ಜಯಭೇರಿ ಬಾರಿಸಿದೆ. ಕೇವಲ 2 ರನ್​ಗಳಿಂದ ರಜತ್ ಪಡೆ ಗೆಲುವು ಸಾಧಿಸಿದೆ. ಈ ಮೂಲಕ ಪಾಯಿಂಟ್ ಪಟ್ಟಿಯಲ್ಲಿ ಆರ್​ಸಿಬಿ 16 ಅಂಕಗಳಿಂದ ಅಗ್ರಸ್ಥಾನವನ್ನು ಪಡೆದುಕೊಂಡಿದೆ. ಇದೇ ಖುಷಿಯಲ್ಲಿ ಅಭಿಮಾನಿಗಳು ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಕುಳಿದು ಕಪ್ಪಳಿಸಿದ್ದಾರೆ.

ಇದನ್ನೂ ಓದಿ:ರಶ್ಮಿಕಾ ಮಂದಣ್ಣಗೆ ಇನ್ನೂ ಕಾಡುತ್ತಿದೆ ಆ ನೋವು.. ಈಗ ಹುಷಾರಾಗಿರಿ ಅಂತ ಹೇಳಿದ್ದೇಕೆ?

publive-image

ಇನ್ನೂ, ನಿನ್ನೆ ಬೆಂಗಳೂರಿನ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಡೆದ ಚೆನ್ನೈ ಸೂಪರ್​ ಕಿಂಗ್ಸ್​ ವಿರುದ್ಧದ ಪಂದ್ಯ ವೀಕ್ಷಿಸಲು ಬಿಗ್​ಬಾಸ್​ ಸೀಸನ್​ 11ರ ವಿನ್ನರ್​ ಹನುಮಂತ ಹಾಗೂ ಧನರಾಜ್ ಆಚಾರ್ಯ್ ಹೋಗಿದ್ದಾರೆ. ಅಲ್ಲಿ RCB ತಂಡದ ಮೂವರು ಬ್ಯಾಟರ್ಸ್ ಭರ್ಜರಿ ಅರ್ಧಶತಕಗಳನ್ನ ಸಿಡಿಸುತ್ತಿದ್ದಂತೆ ಇತ್ತ ಹನುಮಂತ ಹಾಗೂ ಧನರಾಜ್​ ಆಚಾರ್ಯ ಕುಣಿದು ಖುಷಿಪಟ್ಟಿದ್ದಾರೆ. ಜೊತೆಗೆ ಧನರಾಜ್​ ಅವರು ತಮ್ಮ ಇನ್​ಸ್ಟಾಗ್ರಾಮ್​ ಖಾತೆಯಲ್ಲಿ ಫೋಟೋಗಳನ್ನು ಶೇರ್ ಮಾಡಿಕೊಂಡಿದ್ದಾರೆ. ಜೊತೆಗೆ ಕಣಕಣದಲ್ಲೂ RCB.. ಜೈ RCB ಅಂತ ಬರೆದುಕೊಂಡಿದ್ದಾರೆ.

ಇದೇ ಫೋಟೋಗಳನ್ನು ನೋಡಿದ ಅಭಿಮಾನಿಗಳು, ಅಂತು ಇಂತೂ ಹೋಗಿ RCB ಗೆಲ್ಸಿದ್ರಿ, ನಮ್ಮ ಹನುಮಂತು ಹೋದಮೇಲೆ ಅದು ಹೇಗೆ ಸೋಲುತ್ತೆ ನಮ್ಮ ಟೀಂ ಅಂತ ಕಾಮೆಂಟ್ಸ್​ ಹಾಕಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ

Advertisment