ಬಿಗ್‌ಬಾಸ್ ವಿನ್ನರ್ ಹನುಮಂತ ಹೊಸ ಗಾನ ಬಜಾನಾ.. ಶಾಸಕ ಪ್ರಭು ಚೌಹಾಣ್ ಜೊತೆ ಭರ್ಜರಿ ಸ್ಟೆಪ್​!

ಕನ್ನಡದ ಬಿಗ್ ರಿಯಾಲಿಟಿ ಶೋ ಬಿಗ್​ಬಾಸ್​ ಸೀಸನ್ 11ರ ವಿನ್ನರ್ ಹನುಮಂತ ಸಖತ್​ ಬ್ಯುಸಿಯಾಗಿದ್ದಾರೆ. ಬಿಗ್​ಬಾಸ್​ನಿಂದ ಟ್ರೋಫಿ ಪಡೆದುಕೊಂಡು ತಮ್ಮ ಊರಿಗೆ ಮರಳಿದ ಹನುಮಂತು ಸೆಲೆಬ್ರೇಷನ್ ಇನ್ನೂ ಕೂಡ ನಿಂತಿಲ್ಲ.

ಇದನ್ನೂ ಓದಿ:ರಮ್ಯಾ ಬಳಿ ಪ್ರೀತಿಯ ಮಗಳಿಗಾಗಿ ದುನಿಯಾ ವಿಜಿ ಕೇಳಿಕೊಂಡಿದ್ದು ಏನು ಗೊತ್ತಾ..? Video

ಬಿಗ್​ಬಾಸ್​ ಸೀಸನ್ 11 ಮುಕ್ತಾಯಗೊಂಡು ಮೂರ್ನಾಲ್ಕು ವಾರಗಳು ಕಳೆದಿವೆ. ಆದರೆ ಹನುಮಂತನನ್ನು ದಿನದಿಂದ ದಿನಕ್ಕೆ ​ಸೆಲೆಬ್ರೇಟ್​​ ಮಾಡ್ತಾನೆ ಇದ್ದಾರೆ ಅಭಿಮಾನಿಗಳು. ಇನ್ನೂ, ಹನುಮಂತ ಕಂಠದಿಂದ ಬರುವ ಧ್ವನಿಯಲ್ಲಿ ಹಾಡನ್ನು ಕೇಳೋದಕ್ಕೆ ಅಭಿಮಾನಿಗಳು ಕಾಯುತ್ತಲೇ ಇರುತ್ತಾರೆ. ಹೀಗಾಗಿ ಗಾಯಕನ ಜನಪ್ರಿಯತೆ ದುಪ್ಪಟ್ಟಾಗಿದೆ. ಇದೀಗ ಹನುಮಂತು ಬೀದರ್ ನಲ್ಲಿ ಶಾಸಕ ಪ್ರಭು ಚೌಹಾಣ್ ಜೊತೆ ಸಖತ್ ಡ್ಯಾನ್ಸ್ ಮಾಡಿದ್ದಾರೆ.

ವೇದಿಕೆ ಮೇಲೆ ಶಾಸಕರೊಂದಿಗೆ ಹಾಡು ಹಾಡುವುದರ ಜೊತೆಗೆ ಭರ್ಜರಿ ಡ್ಯಾನ್ಸ್​ ಮಾಡಿದ್ದಾರೆ ಹನುಮಂತ ಲಮಾಣಿ. ಹೌದು, ಇಂದು ಬೀದರ್ ಜಿಲ್ಲೆಯ ಔರಾದ್ ತಾಲೂಕಿನ ಬೋಂತಿ ತಾಂಡಾದ ಜಗದಂಬಾ ದೇವಿಯ ಜಾತ್ರಾ ಮಹೋತ್ಸವ ಆಯೋಜಿಸಲಾಗಿತ್ತು. ಇದೇ ಕಾರ್ಯಕ್ರಮದಲ್ಲಿ ಬಿಗ್​ಬಾಸ್ ಸೀಸನ್ 11ರ ವಿನ್ನರ್ ಹನುಮಂತ ಅವರು ಭಾಗಿ ಆಗಿದ್ದರು. ಜಾತ್ರಾ ಮಹೋತ್ಸವದ ಪ್ರಯುಕ್ತ ಆಯೋಜಿಸಲಾದ ಈ ಕಾರ್ಯಕ್ರಮದಲ್ಲಿ ಶಾಸಕ ಪ್ರಭು ಚೌಹಾಣ್ ಕೂಡ ಪಾಲ್ಗೊಂಡಿದ್ದರು. ಹನುಮಂತನ ಜೊತೆ ವೇದಿಕೆಯಲ್ಲಿ ಪ್ರಭು ಚೌಹಾಣ್ ಡ್ಯಾನ್ಸ್ ಮಾಡಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ