ರಕ್ಷಕ್​ ಹಾಗೂ ಕಾರ್ತಿಕ್​ ಜೊತೆ ರೀಲ್ಸ್​ ಮಾಡೋದು ಬಾಕಿ ಇದೆ

ಟೆಂಪಲ್​ ರನ್ ಶುರು ಮಾಡಿಕೊಂಡ ಬಿಗ್​ಬಾಸ್​ ವಿನಯ್ ಗೌಡ ಟೀಮ್

ದೇವಸ್ಥಾನಕ್ಕೆ ಬಂದಿದ್ದೇವೆ ಒಳ್ಳೆ ಮಾತಾಡೋಣ ಎಂದ ನಮ್ರತಾ ಗೌಡ

ಕನ್ನಡದ ಬಿಗ್​ ರಿಯಾಲಿಟಿ ಶೋ ಬಿಗ್​ಬಾಸ್​ ಸೀಸನ್​ 10 ಸ್ಪರ್ಧಿಗಳ ಹವಾ ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಿದೆ. ಬಿಗ್​ಬಾಸ್​​ ಮುಗಿದ ಬಳಿಕ ಎಲ್ಲಾ ಸ್ಪರ್ಧಿಗಳು ಒಂದೆಡೆ ಸೇರಿಕೊಂಡು ಸಖತ್​ ಪಾರ್ಟಿ ಮಾಡಿ ಎಂಜಾಯ್ ಮಾಡಿದ್ದರು. ಬಿಗ್​ಬಾಸ್ ಮನೆಯಲ್ಲಿ ಆನೆ ಎಂದೇ ಕರೆಸಿಕೊಂಡು ಫೇಮಸ್ ಆಗಿದ್ದ ವಿನಯ್ ಗೌಡ ಟೀಮ್‌​ ಟೆಂಪಲ್​ ರನ್ ಶುರು ಮಾಡಿದ್ದಾರೆ.

ಇದನ್ನು ಓದಿ: BBK10: ಚಾಮುಂಡಿ ಬೆಟ್ಟದಲ್ಲಿ ಬಿಗ್‌ಬಾಸ್ ವಿನಯ್, ನಮ್ರತಾ, ಮೈಕಲ್, ರಕ್ಷಕ್‌ ನೋಡಲು ಮುಗಿಬಿದ್ದ ಫ್ಯಾನ್ಸ್‌!

ಹೌದು, ಬಿಗ್​ಬಾಸ್​ ಸ್ಪರ್ಧಿಗಳಾದ ನಮ್ರತಾ ಗೌಡ, ವಿನಯ್​​ ಗೌಡ, ರಕ್ಷಕ್​ ಬುಲೆಟ್​ ಹಾಗೂ ಮೈಕಲ್ ಈ ನಾಲ್ವರು ಚಾಮುಂಡಿ ಬೆಟ್ಟಕ್ಕೆ ಭೇಟಿ ನೀಡಿ ನಾಡದೇವತೆ ಚಾಮುಂಡೇಶ್ವರಿ ದರ್ಶನ ಪಡೆದಿದ್ದಾರೆ. ಇವರ ಜೊತೆಗೆ ವಿನಯ್​ ಗೌಡ ಅವರ ಪತ್ನಿ ಅಕ್ಷತಾ ಗೌಡ ಹಾಗೂ ಮಗ ರುಷಬ್ ಗೌಡ ಕೂಡ ಆಗಮಿಸಿದ್ದರು. ಇನ್ನೂ ಬಿಗ್​​ಬಾಸ್​ ಸ್ಪರ್ಧಿಗಳು ಚಾಮುಂಡಿ ಬೆಟ್ಟಕ್ಕೆ ಆಗಮಿಸುತ್ತಿದ್ದಂತೆ ಸಾಕಷ್ಟು ಅಭಿಮಾನಿಗಳು ದೌಡಾಯಿಸಿ ಫೋಟೋ ಕ್ಲಿಕ್ಕಿಸಿಕೊಂಡಿದ್ದಾರೆ.

ಆದರೆ ಈ ತಂಡದಲ್ಲಿ ಓರ್ವ ಸ್ಪರ್ಧಿ ಮಾತ್ರ ಮಿಸ್​ ಆಗಿದ್ದರು. ಅವರೇ ಸ್ನೇಹಿತ್​ ಗೌಡ. ಬಿಗ್​ಬಾಸ್​ನಿಂದ ಆಚೆ ಬಂದ ಬಳಿಕ ಸ್ನೇಹಿತ್​ ನಮ್ರತಾಗೆ ಮೀಟ್​​ ಆಗಿಲ್ಲ. ಇದೇ ವಿಚಾರವಾಗಿ ನ್ಯೂಸ್​ ಫಸ್ಟ್​ನೊಂದಿಗೆ ನಮ್ರತಾ ಗೌಡ ಪ್ರತಿಕ್ರಿಯೆ ನೀಡಿದ್ದಾರೆ.

ಸ್ನೇಹಿತ್ ಬಗ್ಗೆ ಮಾತಾಡಿದ ನಮ್ರತಾ, ಬಿಗ್​ಬಾಸ್​ನಿಂದ ಆಚೆ ಬಂದ ಬಳಿಕ ಇದೇ ಮೊದಲ ಬಾರಿಗೆ ಇಷ್ಟು ಜನರನ್ನು ಭೇಟಿ ಆಗಿದ್ದೇನೆ. ಸಾಕಷ್ಟು ಸಿನಿಮಾ ಆಫರ್​ಗಳು ಬರ್ತಾ ಇದೆ. ತುಂಬಾ ಖುಷಿ ಆಗುತ್ತಿದೆ ನಮ್ಮ ಟೀಮ್​ ಜೊತೆ ಬಂದಿದ್ದೇನೆ. ಇನ್ನು ರಕ್ಷಕ್​ ಜೊತೆ ಹಾಗೂ ಕಾರ್ತಿಕ್​ ಜೊತೆ ರೀಲ್ಸ್​ ಮಾಡೋದು ಬಾಕಿ ಇದೆ. ಈ ವೇಳೆ ಸ್ನೇಹಿತ್​ ಅವರ ಹೆಸರು ಹೇಳುತ್ತಿದ್ದಂತೆ ನಗು ನಗುತ್ತಾ ದೇವಸ್ಥಾನಕ್ಕೆ ಬಂದಿದ್ದೇವೆ. ಒಳ್ಳೆ ಮಾತಾಡೋಣ ಅಂತಷ್ಟೇ ಹೇಳಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ