BIGG BOSS: ಬಿಗ್​ಬಾಸ್​ ಮನೆಯಲ್ಲಿ ದಿಢೀರ್‌ ಕಾಣಿಸಿಕೊಂಡ ಮೊಬೈಲ್‌ ಚಾರ್ಜರ್? ವೀಕ್ಷಕರು ಫುಲ್​​ ಶಾಕ್!

ಕನ್ನಡದ ಜನಪ್ರಿಯ ರಿಯಾಲಿಟಿ ಶೋ ಬಿಗ್​ಬಾಸ್​​ ಮನೆಯಲ್ಲಿ ಮೊಬೈಲ್ ಬಳಕೆ ಮಾಡಲಾಗುತ್ತಿದ್ಯಾ ಎಂಬ ಪ್ರಶ್ನೆ ವೀಕ್ಷಕರಲ್ಲಿ ಎದುರಾಗಿದೆ. ಬಿಗ್​ಬಾಸ್ ಕೊಟ್ಟ ಟಾಸ್ಕ್​​ ವಿಚಾರಕ್ಕೆ ಸಂಗೀತಾ ಅವರು ಮೇಕಪ್ ರೂಮ್​​ನಲ್ಲಿ ನಮ್ರತಾ ಗೌಡ ಜೊತೆ ಮಾತನಾಡುತ್ತಿರುತ್ತಾರೆ. ಆಗ ಸಂಗೀತಾ ಅವರ ಪಕ್ಕದ ಗೋಡೆಯಲ್ಲಿ ಚಾರ್ಜರ್‌ವೊಂದು ಕ್ಯಾಮೆರಾ ಕಣ್ಣಿಗೆ ಸೆರೆ ಸಿಕ್ಕಿದೆ.

ಹೌದು, ಬಿಗ್​​ಬಾಸ್​ ಎಪಿಸೋಡ್​ನಲ್ಲಿ ಮೊಬೈಲ್ ಚಾರ್ಜರ್​ನಂತೆ ಕಾಣುವ ಚಾರ್ಜರ್‌ ಫೋಟೋ ಸಾಮಾಜಿಕ ಜಾಲತಾಣದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗುತ್ತಿದೆ. ಬಿಗ್​ಬಾಸ್​​ ನಿಯಮದ ಪ್ರಕಾರ ಬಿಗ್​ ಮನೆಯಲ್ಲಿ ಮೊಬೈಲ್, ವಾಚ್​​ ಬಳಕೆ ಮಾಡುವಂತಿಲ್ಲ. ಇಷ್ಟಾದರೂ ಬಿಗ್​ಬಾಸ್​ ಸ್ಪರ್ಧಿಗಳು ಮೊಬೈಲ್​​​ ಬಳಕೆ ಮಾಡುತ್ತಿದ್ದಾರಾ ಎಂಬ ಪ್ರಶ್ನೆ ವೀಕ್ಷಕರಲ್ಲಿ ಮನೆಮಾಡಿದೆ.

ಇದನ್ನು ಓದಿ: BIGG BOSS: ಕಾರ್ತಿಕ್​​ನನ್ನು 10 ರೂಪಾಯಿಗೂ ಖರೀದಿ ಮಾಡಲಿಲ್ಲ; ತನಿಷಾ, ಸಂಗೀತಾ ಕೊಟ್ಟ ಕಾರಣವೇನು?

ಯಾವುದೇ ಭಾಷೆಯ ಬಿಗ್​ಬಾಸ್ ಆಗಲಿ ಅಲ್ಲಿ ಇರುವುದು ಒಂದೇ ರೂಲ್ಸ್​​. ಮನೆಯಿಂದ ಹೊರಗಡೆ ನಡೆದ ವಿಷಯದ ಬಗ್ಗೆ ಬಿಗ್​​ಬಾಸ್ ಸ್ಪರ್ಧಿಗಳಿಗೆ ಗೊತ್ತಾಗಬಾರದು. ಸಮಯ ಎಷ್ಟು ಎನ್ನೋದು ಕೂಡ ಗೊತ್ತಾಗಬಾರದು. ಈ ಜಗತ್ತಿನ ಸಂಪರ್ಕವೇ ಇಲ್ಲದ ಹಾಗೇ ಬಿಗ್​​ಬಾಸ್​ ಮನೆಗೆ ಹೋದ ಸ್ಪರ್ಧಿಗಳು ಸೆರೆವಾಸ ಅನುಭವಿಸಬೇಕು ಎಂಬುವುದು ಬಿಗ್​​ಬಾಸ್ ಕಾರ್ಯಕ್ರಮದ ನಿಯಮ. ಹೀಗಾಗಿ ಮೊಬೈಲ್ ಫೋನ್, ವಾಚ್​​​ ಇನ್ನಿತರ ವಸ್ತುಗಳನ್ನು ಬಳಕೆ ಮಾಡುವುದಕ್ಕೆ ಅವಕಾಶ ಇರೋದಿಲ್ಲ. ಇದರ ನಡುವೆಯೂ ಹೀಗೆ ಮೊಬೈಲ್ ಚಾರ್ಜರ್ ಕ್ಯಾಮೆರ ಕಣ್ಣಿಗೆ ಬಿದ್ದಿದ್ದರಿಂದ ವೀಕ್ಷಕರು ಅಚ್ಚರಿಗೊಂಡಿದ್ದಾರೆ. ಕೆಲವರು ಈ ಫೋಟೋ ನೋಡಿ ಟ್ರಿಮ್ಮರ್ ಚಾರ್ಜರ್ ಇರಬಹುದು ಎಂದು ಕಾಮೆಂಟ್​ ಹಾಕುವ ಮೂಲಕ ತಮ್ಮ ಅಭಿಪ್ರಾಯವನ್ನು ವ್ಯಕ್ತಪಡಿಸಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ