BBK11; ಪ್ರೇಕ್ಷಕರ ಮುಂದೆ ತಮ್ಮ ಮನದಾಳ ಬಿಚ್ಚಿಟ್ಟ ಭವ್ಯ, ಮಂಜು, ರಜತ್ ಕಿಶನ್.. ಏನಂದ್ರು?

ಬಿಗ್‌ ಬಾಸ್‌ ಸೀಸನ್‌ 11 ಕೊನೆಯ ಘಟ್ಟಕ್ಕೆ ಬಂದು ನಿಂತಿದೆ. ನಾಳೆಯಿಂದ ಗ್ರ್ಯಾಂಡ್​ ಫಿನಾಲೆಯ ಎರಡು ಶೋಗಳು ನಡೆಯಲಿವೆ. ಇನ್ನೇನು 2 ದಿನಗಳಲ್ಲಿ ಬಿಗ್​ ರಿಯಾಲಿಟಿ ಶೋ ಮುಗಿಯಲಿದೆ ಇದರ ಮಧ್ಯೆ ಫಿನಾಲೆಯಲ್ಲಿ ವಿನ್ನರ್‌ ಯಾರಾಗ್ತಾರೆ ಎಂಬುದು ವೀಕ್ಷಕರಲ್ಲಿ ಚರ್ಚೆಯ ವಿಷಯವಾಗಿದೆ. ತ್ರಿವಿಕ್ರಮ್‌, ಮೋಕ್ಷಿತಾ, ಭವ್ಯ, ಹನುಮಂತು, ಮಂಜು, ರಜತ್‌ ಕಿಶನ್ ಇವರಲ್ಲಿ ಒಬ್ಬರು ಮಾತ್ರ ಟ್ರೋಫಿಗೆ ಮುತ್ತಿಡಲಿದ್ದಾರೆ.

ವೈಲ್ಡ್ ಕಾರ್ಡ್​ನಿಂದ ಎಂಟ್ರಿಯಾಗಿದ್ದ ಹನುಮಂತು ತಮ್ಮ ಜಾನಪದ ಹಾಡುಗಳು, ವರ್ತನೆ ಆಟದ ಶೈಲಿಯಿಂದ ಎಲ್ಲರ ಮನ ಸೆಳೆದಿದ್ದಾರೆ. ತ್ರಿವಿಕ್ರಮ್ ನೇರ ನುಡಿಗಳಿಂದ, ಟಾಸ್ಕ್​ಗಳಲ್ಲಿ ಒಳ್ಳೆಯ ಪರ್ಫಾಮೆನ್ಸ್​ನಿಂದ ಅಭಿಮಾನಿಗಳನ್ನು ಗಳಿಸಿದ್ದಾರೆ. ಮೋಕ್ಷಿತಾ ಯಾವುದೇ ಆತುರತೆ ಇಲ್ಲದ ಆಟ, ಒಳ್ಳಯೆ ಮಾತುಗಳಿಂದ ಪ್ರಾಮಾಣಿಕ ವ್ಯಕ್ತಿತ್ವದಿಂದ ಅವರು ಅಭಿಮಾನಿಗಳ ಮನ ಗೆದ್ದಿದ್ದಾರೆ. ಅಲ್ಲದೇ ಎಪಿಸೋಡ್​ನಲ್ಲಿ ನನಗೆ ವೋಟ್​ ಕೊಡಿ ಎಂದು ಮನವಿ ಮಾಡಿದ್ದರು.

ಇದೀಗ ಭವ್ಯ, ರಜತ್ ಹಾಗೂ ಉಗ್ರಂ ಮಂಜು ಕೂಡ ಪ್ರೇಕ್ಷಕರ ಬಳಿ ಮಾತನಾಡಿ, ಬಿಗ್​ಬಾಸ್​ ಜರ್ನಿ ಶೇರ್ ಮಾಡಿಕೊಳ್ಳುವುದರ ಜೊತೆಗೆ ತಮ್ಮದೇ ಶೈಲಿಯಲ್ಲಿ ಮತ ಕೇಳಿದ್ದಾರೆ. ಭವ್ಯ ಅವರನ್ನು ನೋಡಿದ ಪ್ರೇಕ್ಷಕರು ಹೋ.. ಎಂದು ಕೂಗಿದ್ದಾರೆ. ಈ ವೇಳೆ ಮಾತನಾಡಿದ ಭವ್ಯ, ನಾನು ಆಡಿರುವ ಆಟಗಳಿಂದ, ಮಾತುಗಳಿಂದ ಬೇಸರ ಆಗಿದ್ದಾರೆ ನಿಮಗೆಲ್ಲಾ ಕ್ಷಮೆ ಕೇಳುತ್ತೇನೆ ಎಂದು ಕೈ ಮುಗಿದು ವೋಟ್​ಗೆ ಮನವಿ ಮಾಡಿದ್ದಾರೆ.

ಉಗ್ರಂ ಮಂಜು ಅಂತೂ ಚೆನ್ನಾಗಿ ಮಾತಾಡಿದ್ದಾರೆ. ಕುಟುಂಬದಲ್ಲಿ ಇದ್ರೆ ಈ ತರ ಮಗ ಇರಬೇಕು. ಒಬ್ಬ ಅಣ್ಣನಾಗಿ ಇದ್ದರೇ ಈ ತರ ಬದುಕಬೇಕು. ಆ ರೀತಿಯಾಗಿ ಬದುಕುತ್ತೇನೆ ಎಂದು ಹೇಳಿದ್ದಾರೆ. ಇದಾದ ಮೇಲೆ ರಜತ್ ಮಾತನಾಡಿ, ನನ್ನಮ್ಮ ಯಾವಾಗಲೂ ಹೇಳೋರು. ಮಗನೇ ಹಿಂಗೆ ಇರಬೇಡ ಕಣೋ. ಯಾರು ಇಷ್ಟಪಡಲ್ಲ ಅಂತ. ನನ್ನ ಕ್ಯಾರೆಕ್ಟರ್​ ನಾನು ಚೇಂಜ್ ಮಾಡಿಕೊಳ್ಳಬೇಕಾ?. ತಪ್ಪುಗಳು ನನ್ನ ಕಡೆಯಿಂದಲೂ ಆಗಿದೆ. ತಪ್ಪು ಮಾಡೋದು ಸಹಜ ಕಣೋ, ತಿದ್ದಿ ನಡೆಯೋದು ರಜತ್ ಕಣೋ ಎಂದು ಸಖತ್ ಆಗಿಯೇ ಡೈಲಾಗ್ ಹೇಳಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ