10 ವರ್ಷದ ಹಿಂದಿನ ರಹಸ್ಯ ಬಯಲು.. ಈತ ಮಾಡಿದ್ದೆಲ್ಲವೂ ಪ್ರೇಯಸಿಗಾಗಿ..!

ಬೆಂಗಳೂರು: ಲವ್ವರ್ ಜೊತೆ ಜಾಲಿ ರೈಡ್ ಹೋಗಲು ಬೈಕ್ ಕದ್ದು ಪೊಲೀಸರ ಕೈಗೆ ಲಾಕ್ ಆಗಿದ್ದಾನೆ. ಆಸೀಫ್ (32) ಬಂಧಿತ ಆರೋಪಿ.

ಅಂದ್ಹಾಗೆ ಇದು ಇತ್ತೀಚೆಗೆ ನಡೆದ ಪ್ರಕರಣ ಅಲ್ಲ. ಸುಮಾರು 10 ವರ್ಷಗಳ ಹಿಂದೆ ನಡೆದ ಪ್ರಕರಣವಾಗಿದೆ. 2014ರಲ್ಲಿ ಹಲಸೂರು ಗೇಟ್​ ಪೊಲೀಸ್ ಠಾಣೆಯಲ್ಲಿ ಬೈಕ್ ಕಳ್ಳತನದ ಪ್ರಕರಣವೊಂದು ದಾಖಲಾಗಿತ್ತು. ದೀರ್ಘಕಾಲದಿಂದ ಪತ್ತೆಯಾಗದ ಪ್ರಕರಣಗಳನ್ನ ಪತ್ತೆ ಹಚ್ಚಲು ಪೊಲೀಸರು ತಂಡ ರಚಿಸಿದ್ದರು. ಈ ವೇಳೆ ಆರೋಪಿ ಆಸೀಫ್ ಬಗ್ಗೆ ಪೊಲೀಸರು ಮಾಹಿತಿ ಕಲೆ ಹಾಕಿದ್ದರು.

ತನಿಖೆ ವೇಳೆ ಗೊತ್ತಾಗಿದ್ದು ಏನು?
ಸದ್ಯ ಆಸೀಫ್ ಮದುವೆಯಾಗಿ ಆಟೋ ಓಡಿಸಿಕೊಂಡು ಜೀವನ ನಡೆಸುತ್ತಿದ್ದ. ಮೆಜೆಸ್ಟಿಕ್​ನಲ್ಲಿ ಆಟೋ ಓಡಿಸುತ್ತಿರುವ ಬಗ್ಗೆ ಖಚಿತ ಮಾಹಿತಿ ಸಿಕ್ಕ ಬೆನ್ನಲ್ಲೇ, ಪೊಲೀಸರು ಅಲ್ಲಿಗೆ ದೌಡಾಯಿಸಿ ಬಂಧಿಸಿದ್ದಾರೆ. 10 ವರ್ಷದ ಹಿಂದೆ ಆರೋಪಿಗೆ ಪ್ರೇಯಸಿ ಇದ್ದಳು. ಆಕೆಯ ಜೊತೆ ಮಜಾ ಮಾಡಲು ಬೈಕ್​ಗಳನ್ನು ಕದಿಯುತ್ತಿದ್ದ. ಜಾಲಿ ರೈಡ್ ಮುಗಿದ ಮೇಲೆ ಬೇರೆ ಸ್ಥಳದಲ್ಲಿ ಬೈಕ್ ನಿಲ್ಲಿಸಿ ಎಸ್ಕೇಪ್ ಆಗ್ತಿದ್ದ. ಜೊತೆಗೆ ಮೋಜು ಮಸ್ತಿ ಮಾಡಲು ಸುಲಭವಾಗಿ ಹಣಗಳಿಸಲು ಕಳ್ಳತನ ಮಾಡುತ್ತಿದ್ದ ಅನ್ನೋದು ತಿಳಿದುಬಂದಿದೆ.

ಇದನ್ನೂ ಓದಿ:ಕಪೀಲ್ ದೇವ್ ಆಫರ್​​ಗೆ ಕಾಂಬ್ಳಿ ಲಾಕ್.. 15ನೇ ಬಾರಿಗೆ ರಿಹ್ಯಾಬ್ ಸೇರಲು ನಿರ್ಧಾರ.. ಮಾಜಿ ಕ್ರಿಕೆಟಿಗನಿಗೆ ಇದೆಂಥ ಸ್ಥಿತಿ?

ಬಂಧನದ ಬೆನ್ನಲ್ಲೇ ಆಸೀಫ್ ಹಲವು ಪ್ರಕರಣಗಳಲ್ಲಿ ಇರೋದು ಬೆಳಕಿಗೆ ಬಂದಿದೆ. ಕೆ.ಆರ್.ಮಾರ್ಕೆಟ್, ಉಪ್ಪಾರಪೇಟೆ, ಕಲಾಸಿಪಾಳ್ಯ ಠಾಣೆಗಳ ಕಳ್ಳತನ ಪ್ರಕರಣಗಳು ದಾಖಲಾಗಿವೆ. ಈ ಎಲ್ಲಾ ಪ್ರಕರಣಗಳಲ್ಲೂ ಆಸೀಫ್ ಇರೋದು ಪಕ್ಕಾ ಆಗಿದೆ ಎನ್ನಲಾಗಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ