ಡಿಕೆಶಿ ಔತಣ ಕೂಟಕ್ಕೆ ಬಿಜೆಪಿ ಶಾಸಕರೂ ಬಂದಿದ್ದರು, ಆದರೆ ನಾಲ್ವರು ಸಚಿವರು ಗೈರು..!

ರಾಜಕಾರಣ ಅಂದ್ರೆ ಇಬ್ಬರ ನಡುವಿನ ಕುಸ್ತಿ ಅಲ್ಲ, ಬ್ಯಾಟ್​​-ಬಾಲ್​​​ ಹಿಡಿದು ಬಡಿದಾಡೋ ಕ್ರಿಕೆಟ್​​​ ಅಲ್ಲ, ಕಾಲಲ್ಲಿ ಒದ್ದು ಗುರಿಮುಟ್ಟಿಸೋ ಫುಟ್ಬಾಲ್​​​ ಅಲ್ವೇ ಅಲ್ಲ. ರಾಜಕಾರಣ ಅನ್ನೋದು ಪಕ್ಕಾ ಚದುರಂಗ. ತಲೆ ನಾನ್​​ಸ್ಟಾಪ್​​ ಆಗಿ ರನ್ ಆಗಬೇಕು. ನಿನ್ನೆ ಡಿಸಿಎಂ ಡಿಕೆ ಶಿವಕುಮಾರ್, ಔತಣಕೂಟ ಆಯೋಜಿಸಿ ಸೈಲೆಂಟ್​​​ ಆಗೇ ಕೆಲವರಿಗೆ ಟಕ್ಕರ್​​​ ಕೊಟ್ಟಿದ್ದಾರೆ. ಕಾಂಗ್ರೆಸ್​ನಲ್ಲಿ ಆಫ್ಟರ್​​​ ಸಿದ್ದು ನಾನೇ ಕ್ಯಾಪ್ಟನ್​​ ಅನ್ನೋ ಸಂದೇಶ ದಾಟಿಸುವಲ್ಲಿ ಸದ್ಯಕ್ಕೆ ಸಕ್ಸಸ್​ ಆಗಿದ್ದಾರೆ. ಆದ್ರೆ, ಪಿಕ್ಚರ್​​ ಅಭಿ ಬಾಕಿ ಇದೆ.

2020.. ಜುಲೈ2.. ಕಾಂಗ್ರೆಸ್​​ ಹೈಕಮಾಂಡ್​​ ದಿಟ್ಟ ಹೆಜ್ಜೆ ಇಟ್ಟಿತ್ತು. ಸೊರಗಿದ್ದ ಕಾಂಗ್ರೆಸ್​ನ ನಿರ್ಧಾರ, ಅಧಿಕಾರದ ಗದ್ದುಗೆ ಏರಿಸಿತ್ತು. ಸಂಘಟನೆಗೆ ಬಲ ತುಂಬಿದ ಪುನಶ್ಚೇತನ ನೀಡಲು ಬಲಿಷ್ಠ ಆಟಗಾರನಿಗೆ ಹೈಕಮಾಂಡ್​​ ಜವಾಬ್ದಾರಿ ವಹಿಸಿತ್ತು. ಸಿದ್ದರಾಮಯ್ಯಗೆ ಜೋಡೆತ್ತು ಕಲ್ಪಿಸಿದ ವರಿಷ್ಠರ ದಾಳದ ಆ ಪರಿಣಾಮ ಕರ್ನಾಟಕದ ಉತ್ತರದಿಂದ ದಕ್ಷಿಣದವರೆಗೆ ಕಾಂಗ್ರೆಸ್​​ ಪತಾಕೆ ಫಳಫಳಿಸಿತ್ತು. ಆ ದಿನದ ಸವಿ ನೆನಪಿಗಾಗಿ ನಿನ್ನೆ ಡಿಸಿಎಂ ಡಿಕೆ ಶಿವಕುಮಾರ್ ಔತಣಕೂಟ ಆಯೋಜಿಸಿದ್ದರು. ಆದ್ರೆ, ಗಳಿಗೆಗೆ ಇನ್ನೂ ಮೂರುವರೆ ತಿಂಗಳು ಬಾಕಿ. ಡಿಕೆ ಶಿವಕುಮಾರ್ ಔತಣ ರಾಜಕಾರಣ ಚರ್ಚೆ ಹುಟ್ಟುಹಾಕಿದೆ.

ಪಕ್ಷದ ಶಾಸಕರಿಗೆ ಭೋಜನ.. ಡಿಸಿಎಂ ಡಿಕೆಶಿ ರಾಜಕಾರಣ!

ಡಿಸಿಎಂ ಡಿಕೆ ಶಿವಕುಮಾರ್ ಡಿನ್ನರ್​ ಪಾಲಿಟಿಕ್ಸ್​, ಕಾಂಗ್ರೆಸ್​​ನ ಆಚೆಗೂ ಸಂಚಲನ ಎಬ್ಬಿಸಿದೆ. ಕೆಪಿಸಿಸಿ ಅಧ್ಯಕ್ಷರಾಗಿ 5 ವರ್ಷ ಪೂರ್ಣ ಅನ್ನೋ ಕಾರಣ ನೆಪಮಾತ್ರ. ಆದ್ರೆ, ಶಾಸಕರಿಗೆ ಭೋಜನ ಆಯೋಜಿಸಿ, ಶಾಸಕರ ವಿಶ್ವಾಸ ಗಳಿಸುವ ಲೆಕ್ಕಾಚಾರ ಅನ್ನೋ ಚರ್ಚೆ ಇದೆ. ಈ ಚದುರಂಗದ ಮಹತ್ವಾಕಾಂಕ್ಷೆ ಅರಿತ ಕೆಲ ಸಚಿವರು, ಈ ಡಿನ್ನರ್​​ ಕೂಟಕ್ಕೆ ಚಕ್ಕರ್​ ಹಾಕಿ ಚರ್ಚೆ ಹುಟ್ಟುಹಾಕಿದ್ದಾರೆ.

ಡಿಸಿಎಂ ಔತಣಕೂಟಕ್ಕೆ ಸಿಎಂ ಸಿದ್ದರಾಮಯ್ಯ ಸೇರಿ ಬಹುತೇಕ ಸಿದ್ದು ಕ್ಯಾಂಪ್​​​ನ ಬಳಗ ಹಾಜರಿತ್ತು. ಆದ್ರೆ, ಸಿದ್ದರಾಮಯ್ಯ ಫ್ರಂಟ್​​​ಲೈನ್​​​ ಟೀಂ ಮಾತ್ರ ಗೈರಾಗಿ ಶಾಕ್​​​ ನೀಡಿದೆ.

ಡಿಕೆ ಶಿವಕುಮಾರ್ ಔತಣಕ್ಕೆ ಗೈರು

• ಡಾ.ಜಿ.ಪರಮೇಶ್ವರ್, ಗೃಹ ಸಚಿವ
• ಹೆಚ್.ಸಿ ಮಹದೇವಪ್ಪ, ಸಮಾಜ ಕಲ್ಯಾಣ ಸಚಿವ
• ಕೆ.ಎನ್. ರಾಜಣ್ಣ, ಸಹಕಾರ ಸಚಿವ
• ಜಮೀರ್ ಅಹ್ಮದ್, ವಸತಿ ಸಚಿವ

ಇದನ್ನೂ ಓದಿ: ಕಾಡು ಉಳಿಸೋ ಶೃಂಗಸಭೆ, ಆದ್ರೆ ಸಾವಿರಾರು ಮರಗಳನ್ನೇ ಕಡಿದರು; Amazon ಅಲ್ಲಿ ಅರಣ್ಯರೋಧನ!

ತಿಂಗಳ ಹಿಂದೆ ಅವರು ಡಿನ್ನರ್​​​ ಪಾರ್ಟಿ ಆಯೋಜಿಸಿದ್ದರು. ಆಯೋಜಿಸಿದ್ದು ದಲಿತ ಸಚಿವರು. ಸಮುದಾಯದ ಅಭಿವೃದ್ಧಿ ಚರ್ಚೆಯ ಕಾರಣ ಕೊಟ್ಟಿದ್ದರು. ಆದ್ರೆ, ಅದರಲ್ಲಿ ರಪ್ಪ ಅಂತ ರಾಜಕೀಯ ಇಣುಕಿತ್ತು. ಆವತ್ತು ಅಪೋಸ್​​ ಮಾಡಿ ಅದನ್ನ ರದ್ದು ಮಾಡಿಸಿ ಗಡ್ಡ ಸವರಿದ್ದ ಡಿಸಿಎಂ ಡಿಕೆ ಶಿವಕುಮಾರ್, ತಮ್ಮ ಎದುರಾಳಿಗಳಿಗೆ ಚೆಕ್​​ಮೇಟ್​​​ ಇಟ್ಟಿದ್ದರು. ಈಗ ಸ್ವತಃ ತಾವೇ ಇಡೀ ಕೈಪಡೆಗೆ ಔತಣ ಕೊಟ್ಟು, ಕೆಪಿಸಿಸಿ ಪಟ್ಟಾಭಿಷೇಕಕ್ಕೆ ಪಂಚ ವರ್ಷ ಅಂತ ಕಾರಣ ಕೊಟ್ಟು, ಮತ್ತೊಮ್ಮೆ ಮೇಲುಗೈ ಸಾಧಿಸಿದ್ದಾರೆ.

ಇಂಟ್ರಸ್ಟಿಂಗ್​ ಅಂದ್ರೆ, ಡಿಕೆ ಶಿವಕುಮಾರ್​​ಗೆ ಸಚಿವರು, ಶಾಸಕರು ಶುಭಾಶಯ ಕೋರಿದ್ದಾರೆ. ಅಚ್ಚರಿ ಎಂದ್ರೆ, ಭೋಜನದಲ್ಲಿ ಇಬ್ಬರು ಬಿಜೆಪಿ ಶಾಸಕರು ಪಾಲ್ಗೊಂಡಿದ್ದರು. ಯಾರು ಅನ್ನೋದು ಎಲ್ಲರಿಗೂ ಗೊತ್ತಿದ್ದಿದ್ದೆ. ಬಿಜೆಪಿಯಲ್ಲಿರುವ ಮಾಜಿ ಸಚಿವರಾದ ಸೋಮಶೇಖರ್​ ಮತ್ತು ಹೆಬ್ಬಾರ್​​, ಮಾತೃ ಪಕ್ಷ ಕಾಂಗ್ರೆಸ್​​ಗೆ ನಿಷ್ಠೆ ತೋರಿದ್ದಾರೆ. ಡಿಕೆ ಶಿವಕುಮಾರ್ ಔತಣಕೂಟ ಕಾಂಗ್ರೆಸ್​ನಲ್ಲಿ ಹೊಸ ಸಂಘರ್ಷ ಸೃಷ್ಟಿ ಆಗಲಿದೆ. ದಲಿತ ಸಚಿವರು, ಶಾಸಕರ ನಡೆ ಏನಾಗಿರಲಿದೆ ಅನ್ನೋ ಕುತೂಹಲ ಇದೆ.

ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ