ಬ್ಲಿಂಕಿಟ್​​ನಿಂದ ಹೊಸ ಆಫರ್​​; ಕೇವಲ 10 ನಿಮಿಷದಲ್ಲೇ ರಿಟರ್ನ್​​ ಅಂಡ್​ ಎಕ್ಸ್​ಚೇಂಜ್ ಮಾಡಬಹುದು​​

ಬೆಂಗಳೂರು: ಆನ್​ಲೈನ್​ನಲ್ಲಿ ದಿನಸಿಗಳನ್ನು ಡೆಲಿವರಿ ಮಾಡುವ ಬ್ಲಿಂಕಿಟ್​​ ​​ ಕಂಪನಿಯು ಗ್ರಾಯಕರನ್ನು ಗಮನದಲ್ಲಿಟ್ಟುಕೊಂಡು ಹೊಸ ಹೆಜ್ಜೆ ಇಟ್ಟಿದೆ. ಅದೇನೆಂದರೆ ವಿನಿಮಯವನ್ನು ಸುಲಭಗೊಳಿಸುವ ಸಲುವಾಗಿ ಹೊಸ ವೈಶಿಷ್ಟ್ಯವನ್ನು ಪರಿಚಯಿಸಿದೆ.

ಬ್ಲಿಂಕಿಟ್​​ ​​ವಿಶೇಷವಾಗಿ ಬಟ್ಟೆ ಮತ್ತು ಪಾದರಕ್ಷೆಗಳನ್ನು ಆರ್ಡರ್​ ಮಾಡಿದ ಬಳಿಕ ರಿಟರ್ನ್ ಮತ್ತು ಎಕ್ಸ್​ಚೇಂಜ್​​​ ಆಯ್ಕೆಯನ್ನು ನೀಡುತ್ತಿದೆ. ಬರೀ 10 ನಿಮಿಷದಲ್ಲಿ ಈ ಸೇವೆಯನ್ನು ಮಾಡುವುದಾಗಿ ಕಂಪನಿ ತಿಳಿಸಿದೆ. ಇದು ಗ್ರಾಹಕರಿಗೆ ಮತ್ತಷ್ಟು ಪ್ರಯೋಜನಕ್ಕೆ ಬರಲಿದೆ.

ದೆಹಲಿಯಲ್ಲಿ ಈ ಸೇವೆಯನ್ನು ಮೊದಲು ಪರೀಕ್ಷೆಗೆ ಒಳಪಡಿಸಲಾಗಿದೆ. ನಂತರ ಮುಂಬೈ, ಬೆಂಗಳೂರು, ಹೈದರಾಬಾದ್​​ ಮತ್ತು ಪುಣೆ ಸೇರಿದಂತೆ ಪ್ರಮುಖ ನಗರಗಳಲ್ಲಿ ಈ ಸೇವೆಯನ್ನು ಹೊರತಂದಿದೆ. ಶೀಘ್ರದಲ್ಲೇ ಹೆಚ್ಚಿನ ನಗರಗಳಲ್ಲಿ ಸೇವೆಯನ್ನು ಹೆಚ್ಚಿಸುವ ನಿರೀಕ್ಷೆಯಿದೆ.

ಬ್ಲಿಂಕಿಟ್​​ ​ಸಿಇಒ ಏನಂದ್ರು?

ಆರ್ಡರ್​ ಮಾಡಿದ ಬಟ್ಟೆ, ಪಾದರಕ್ಷೆಯಲ್ಲಿ ವ್ಯತ್ಯಾಸವಾದರೆ ಬರೀ 10 ನಿಮಿಷದಲ್ಲಿ ರಿಟರ್ನ್ ಮತ್ತು ಎಕ್ಸ್​ಚೇಂಜ್​ ಮಾಡುವ ಆಯ್ಕೆಯಿದೆ. ನಾವು ದೆಹಲಿಯಲ್ಲಿ ಪರೀಕ್ಷಿಸಿದ್ದೇವೆ. ಈಗ ಮುಂಬೈ, ಬೆಂಗಳೂರು, ಹೈದರಾಬಾದ್​, ಪುಣೆಗೂ ವೃದ್ಧಿಸಿದ್ದೇವೆ ಎಂದರು ಬ್ಲಿಂಕಿಟ್​ ಸಿಇಒ ಅಲ್ಬಿಂಧರ್​ ಧಿಂಡ್ಸಾ.

ಇನ್ನು, ಬ್ಲಿಂಕಿಟ್​​​ ನೂತನ ವೈಶಿಷ್ಟ್ಯವನ್ನು ಗ್ರಾಹಕರ ಆತಂಕವನ್ನು ಹೋಗಲಾಡಿಸಲು ಪರಿಚಯಿಸಿದೆ.​ ಆನ್​ಲೈನ್​ ಮೂಲಕ ಬಟ್ಟೆ ಮತ್ತು ಶೂ ಆರ್ಡರ್​​ ಮಾಡುವ ಗ್ರಾಹಕರಿಗಾಗಿ ತೆರೆದಿಟ್ಟ ಕಾಳಜಿಯಾಗಿದೆ ಎಂದು ಹೇಳಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ