ಬ್ಲಿಂಕಿಟ್​​​​ನಿಂದ ಭರ್ಜರಿ ಆಫರ್​​; ನಿಮ್ಮ ಬಳಿ ದುಡ್ಡು ಇಲ್ಲದಿದ್ರೂ ರೇಷನ್​ ಖರೀದಿ ಮಾಡಬಹುದು

ಶಿವರಾತ್ರಿ ಹಬ್ಬ ಹತ್ತಿರ ಬರುತ್ತಿದೆ. ಅನೇಕ ಕಂಪನಿಗಳು ಹಬ್ಬದ ಸಲುವಾಗಿ ಗ್ರಾಹಕರಿಗಾಗಿ ಕೊಡುಗೆಗಳನ್ನು ನೀಡುತ್ತಿದೆ. ಅದರಂತೆಯೇ ಆನ್​ಲೈನ್​ ದಿನಸಿ ಉತ್ಪನ್ನಗಳನ್ನು ಮನೆ ಬಾಗಿಲಿಗೆ ತಲುಪಿಸುವ ಬ್ಲಿಂಕಿಟ್​​ ಕಂಪನಿ ಇದೀಗ ಹೊಸ ಕೊಡುಗೆ ನೀಡಿದೆ. ಗ್ರಾಹಕರಿಗೆ ಇಎಮ್​ಐ ಸೌಲಭ್ಯ ನೀಡಿದ್ದು, ಅದರ ಮೂಲಕ ದಿನಸಿಗಳನ್ನು ಖರೀದಿಸಬಹುದಾಗಿದೆ.

ಬ್ಲಿಂಕಿಟ್​​ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಅಲ್ಬಿಂದರ್​​​ ದಿಂಡ್ಸಾ ಈ ಕುರಿತು ಮಾಹಿತಿ ನೀಡಿದ್ದಾರೆ. ಬ್ಲಿಂಕಿಟ್​​ ಗ್ರಾಹಕರಿಗೆ ಉತ್ತಮ ಯೋಜನೆಯನ್ನು ತಂದಿದೆ. ದಿನಸಿಗಳ ಖರೀದಿಯನ್ನು ಇದು ಸುಧಾರಿಸುತ್ತದೆ. ಅದಕ್ಕಾಗಿ ಮಾಸಿಕ ಕಂತು ರೂಪದಲ್ಲಿ ಸೌಲಭ್ಯ ನೀಡುತ್ತಿದೆ. 2,999ಕ್ಕಿಂತ ಹೆಚ್ಚಿನ ಎಲ್ಲಾ ಆರ್ಡರ್​ಗಳಿಗೆ ಇದು ಅನ್ವಯಿಸುತ್ತದೆ. ಆದರೆ ಈ ವೈಶಿಷ್ಟ್ಯದ ಮೂಲಕ ಚಿನ್ನ ಮತ್ತು ಬೆಳ್ಳಿ ನಾಣ್ಯವನ್ನು ಖರೀದಿಸಲು ಅನ್ವಯಿಸುದಿಲ್ಲ. ವಾರ್ಷಿಕವಾಗಿ 15 ಪ್ರತಿಶತ ಬಡ್ಡಿಯೊಂದಿಗೆ ನೋ-ಕಾಸ್ಟ್​ ಇಎಂಐ ಆಯ್ಕೆಯಲ್ಲಿ ಖರೀದಿಗೆ ಲಭ್ಯ ಎಂದಿದ್ದಾರೆ.

ನೋ-ಕಾಸ್ಟ್​​ ಇಎಂಐ ಹೇಗೆ?

ಬಳಕೆದಾರರು ಆನ್​ಲೈನ್​ನಲ್ಲಿ ದಿನಸಿಯನ್ನು ಖರೀದಿಸಿ ಪಾವತಿ ಆಯ್ಕೆಯ ಮಾಡುವ ಮುನ್ನ ಇಎಮ್​ಐ ಆಯ್ಕೆ ಮಾಡಬಹುದಾಗಿದೆ. ಇದನ್ನು ಸುಲಭ ಕಂತುಗಳಾಗಿ ಪಾವತಿ ಮಾಡಬಹುದಾಗಿದೆ. ಮಧ್ಯವರ್ತಿಗಳ ಅಗತ್ಯವಿಲ್ಲದೆ ಬ್ಲಿಂಕಿಟ್​ ತನ್ನ ಗ್ರಾಹಕರಿಗೆ ಈ ವೈಶಿಷ್ಟ್ಯವನ್ನು ಪರಿಚಯಿಸಿದೆ.

2013ರಲ್ಲಿ ಬ್ಲಿಂಕಿಟ್​​ ಕಂಪನಿ ಸ್ಥಾಪನೆಯಾಯಿತು. ಸದ್ಯ ಗ್ರಾಹಕರ ಮನಗೆದ್ದಿರುವ ಈ ಕಂಪನಿ 10 ನಿಮಿಷದಲ್ಲಿ ಐಫೋನ್ 16 ಸರಣಿಯನ್ನು ಮನೆ ಬಾಗಿಲಿಗೆ ತಂದು ಕೊಡುವ ಕೆಲಸ ಮಾಡುತ್ತಿದೆ.

ಇದನ್ನೂ ಓದಿ:ಟೀಮ್​ ಇಂಡಿಯಾಗೆ ಭರ್ಜರಿ ಗುಡ್​ನ್ಯೂಸ್​​; ಸ್ಟಾರ್​​ ಪ್ಲೇಯರ್​ ಎಂಟ್ರಿ ಬಗ್ಗೆ ಬಿಗ್​ ಅಪ್ಡೇಟ್​​