ಏರ್ ಇಂಡಿಯಾ​ ಶೋ ಹೋಗೋರಿಗೆ BMTC ಗುಡ್​ನ್ಯೂಸ್.. ನಿಮ್ಮ ಪ್ರಯಾಣ ಫ್ರೀ ಫ್ರೀ..!

ಏರ್ ​ಶೋಗಾಗಿ ಬಿಎಂಟಿಸಿ ಸ್ಪೇಷಲ್ ಸರ್ವಿಸ್​ ನೀಡುತ್ತಿದೆ. ನಗರದ ಪ್ರಮುಖ ಬಸ್​ಸ್ಟ್ಯಾಂಡ್​ಗಳಿಂದ ಏರ್​ಶೋಗೆ ಡೈರೆಕ್ಟ್ ಬಸ್​ ಸೇವೆ ನೀಡಲಾಗುತ್ತಿದೆ. ಏರ್​ಶೋ ಪಾಸ್ ಇದ್ದವರಿಗೆ ಉಚಿತ ಪ್ರಯಾಣದ ಸೌಲಭ್ಯವನ್ನು ಕಲ್ಪಿಸಿಕೊಡಲಾಗುತ್ತಿದೆ. ಐದು ದಿನಗಳ ಕಾಲ ಈ ಸೌಲಭ್ಯವಿದ್ದು. ಏರ್​ಶೋ ಟಿಕೆಟ್​ ತೋರಿಸಿ ಫ್ರೀಯಾಗಿ ಪ್ರಯಾಣ ಮಾಡಬಹುದು.

ಉದ್ಘಾಟನೆಯ ದಿನ ಅಂದ್ರೆ ಫೆಬ್ರವರಿ 10 ರಂದು ಬಸ್ ಸೌಲಭ್ಯ ಇರುವುದಿಲ್ಲ. ಫೆಬ್ರವರಿ 11ರಿಂದ 14ರವರೆಗೂ ಫ್ರೀ ಬಸ್ ಸೇವೆ ಇದೆ. ಹೆಬ್ಬಾಳ ಕೋರಮಂಗಲ, ಮೆಜೆಸ್ಟಿಕ್, ಶಿವಾಜಿನಗರ, ಬನಶಂಖರಿ, ವಿಜಯನಗರ, ಕೆಂಗೇರಿ, ಒರಿಯಾನ್ ಮಾಲ್​, ಎಲೆಕ್ಟ್ರಾನಿಕ್ ಸಿಟಿ, ಐಟಪಿಎಲ್​ನಿಂದ ಏರ್​ಶೋಗೆ ಬಸ್​ ವ್ಯವಸ್ಥೆ ಮಾಡಲಾಗಿದೆ.

ಇದನ್ನೂ ಓದಿ: Aero India! ಭದ್ರತೆಗೆ AI ಆಧಾರಿತ ಕ್ರಮ, ಬೆಂಗಳೂರಲ್ಲಿ ಯಾವುದೆಲ್ಲ ನಿಷೇಧ..?

ಜಿಕೆವಿಕೆಯಿಂದಲೂ ವಿಶೇಷ ಬಸ್ ಸೌಲಭ್ಯವಿದೆ. ಬಿಎಂಟಿಸಿಯಿಂದಲೇ ಉಚಿತ ಬಸ್​ ಪ್ರಯಾಣ ವ್ಯವಸ್ಥೆ ಮಾಡಲಾಗಿದ್ದು. ಇದನ್ನು ಸದುಪಯೋಗಪಡಿಸಿಕೊಳ್ಳಲು ಬಿಎಂಟಿಸಿ ಸಾರ್ವಜನಿಕರಲ್ಲಿ ಮನವಿ ಮಾಡಿದೆ.

ಭಾರತೀಯ ರಕ್ಷಣಾ ವಲಯದ ಅಭಿವೃದ್ಧಿ ಆತ್ಮ ನಿರ್ಭರ್ ಭಾರತದ ಮಾದರಿಗಳು ಏರ್​ಶೋನಲ್ಲಿ ಗಮನ ಸೆಳೆಯಲಿವೆ. ತಂತ್ರಜ್ಞಾನದ ಪ್ರದರ್ಶನಕ್ಕೆ ಅತಿದೊಡ್ಡ ವೇದಿಕೆ ಬೆಂಗಳೂರು ಸಜ್ಜಾಗಿದ್ದು, ವಿವಿಧ ಯುದ್ಧ ವಿಮಾನಗಳು, ರಫೆಲ್, ಚಾಪರ್​ಗಳು ಬಾನಂಗಳದಲ್ಲಿ ರಂಗು ರಂಗಿನ ಚಿತ್ತಾರ ಮೂಡಿಸಲಿವೆ. ಒಟ್ಟು 5 ದಿನಗಳ ಕಾಲ ಆಗಸದಲ್ಲಿ ಉಕ್ಕಿನ ಹಕ್ಕಿಗಳ ಅಬ್ಬರವೇ ಕೇಳಿಸಲಿದೆ.

ಇದನ್ನೂ ಓದಿ: ಬೆಂಗಳೂರಿನ 21 ಕೆರೆಗಳಲ್ಲಿ ಮೀನುಗಾರಿಕೆ ನಿಷೇಧ.. ಇದಕ್ಕೂ ಏರ್​​ ಶೋಗೂ ಏನು ಸಂಬಂಧ..?

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ