ಹಬೀಬಿ.. ಉಬರ್​ನಲ್ಲಿ ಇನ್ಮುಂದೆ ಒಂಟೆ ರೈಡ್​​ ಮಾಡ್ಬೋದು!

ಉಬರ್, ಓಲಾ, ರ್ಯಾಪಿಡೋ ಮುಂತಾದ ಟ್ರಾನ್ಸ್​ಫರ್​ ಕಂಪನಿಗಳು ಒದಗಿಸುವ ಸೇವೆಯಿಂದ ಜನಸಾಮಾನ್ಯರ ಸಂಚಾರ ಸುಲಭವಾಗಿದೆ​. ಸ್ಮಾರ್ಟ್​ಫೋನ್​ ಕೈಗೆತ್ತಿಕೊಂಡು ಒಂದೇ ಕ್ಲಿಕ್​ನಲ್ಲಿ ಮನೆ ಬಾಗಿಲಿನಿಂದ ಬೇಕಾದ ಸ್ಥಳಕ್ಕೆ ಈ ಕಂಪನಿಗಳು ವರ್ಗಾವಣೆಯ ಸೇವೆಯನ್ನು ಒದಗಿಸುತ್ತದೆ. ಬೆಂಗಳೂರಿನಂತಹ ಬೃಹತ್​ ಸಿಟಿಗಳಲ್ಲಿ ಓಲಾ, ಉಬರ್​ ಸೇವೆಗಳು ಹೆಚ್ಚು ಬಳಕೆಯಲ್ಲಿರೋದನ್ನ ಗಮನಿಸಬಹುದು. ಆದರೆ ವಿಚಾರ ಅದಲ್ಲ ಮರುಭೂಮಿಯಲ್ಲೂ ಇದೀಗ ಉಬರ್​ ಸೇವೆ ಶುರುವಾಗಿದೆ ಎಂದರೆ ನಂಬುತ್ತೀರಾ? ಒಂಟೆಯನ್ನು ಬಳಸಿ ಉಬರ್​ ಸೇವೆ ನೀಡುತ್ತಿರುವ ವಿಚಾರ ಗೊತ್ತಾ? ಹಾಗಿದ್ರೆ ಈ ಸ್ಟೋರಿ ಓದಿ.

ದುಬೈನಲ್ಲಿ ಒಂಟೆಯನ್ನು ಮರುಭೂಮಿಯ ಹಡಗು ಎಂದು ಕರೆಯುತ್ತಾರೆ. ಮರುಭೂಮಿಯಲ್ಲಿ ಸಂಚರಿಸಲು ಅಲ್ಲಿಯವರು ಒಂಡೆಯನ್ನು ಬಳಸುತ್ತಾರೆ. ಅದರ ಮೂಲಕ ಪ್ರಯಾಣಿಸುತ್ತಾರೆ. ಆದರೆ ಅಚ್ಚರಿ ಸಂಗತಿ ಎಂದರೆ ಕಾರು, ಆಟೋದಂತೆಯೇ ಇದೀಗ ಮರುಭೂಮಿಯಲ್ಲಿ ಸಂಚರಿಸಲು ಒಂಟೆಯನ್ನು ಬುಕ್​ ಮಾಡಬಹುದಾಗಿದೆ. ಉಬರ್​ ಆ್ಯಪ್​ ಮೂಲಕ ಒಂಟೆಯನ್ನು ಬುಕ್​ ಮಾಡಿ ಸವಾರಿ ಮಾಡಬಹುದಾಗಿದೆ.

ಇದನ್ನೂ ಓದಿ: ಪತಿಯ ಗುಟ್ಕಾ ಸೇವನೆಯಿಂದ ನೊಂದ ಪತ್ನಿ.. ನೇ*ಣಿಗೆ ಕೊರಲೊಡ್ಡಿದ ಹೆಂಡತಿ 

ಹೌದು. ಪ್ರವಾಸಿಗರೊಬ್ಬರು ಮರುಭೂಮಿಯಲ್ಲಿ ಉಬರ್​ ಮೂಲಕ ಒಂಟೆ ಸವಾರಿಯನ್ನು ಬುಕ್​ ಮಾಡಿದ್ದಾರೆ. ಬುಕ್​ ಮಾಡಿದ ಸುಮಾರು 20 ಸೆಕೆಂಡುಗಳ ನಂತರ ಒಂಟೆ, ಮಹಿಳೆ ಬುಕ್​ ಮಾಡಿದ್ದ ಸ್ಥಳಕ್ಕೆ ಬಂದಿದೆ. ಉಬರ್​ ಮೂಲಕ ಬುಕ್​ ಮಾಡಿರುವ ಒಂಟೆಯನ್ನು ಕಂಡು ಮಹಿಳೆ ಶಾಕ್ ಆಗಿದ್ದಾರೆ. ನಂತರ ಒಂಟೆಯ ಮೇಲೆ ಮಹಿಳೆ ಏರಿ ಅಲ್ಲಿಂದ ಪ್ರಯಾಣ ಬೆಳೆಸಿದ್ದಾರೆ.

ಇದನ್ನೂ ಓದಿ: ಜೈಲಿನಿಂದಲೇ ಖ್ಯಾತ ನಿರ್ದೇಶಕನಿಗೆ ಪತ್ರ! ನನ್ಮ ಮೇಲಿನ ಎಲ್ಲಾ ಪ್ರಕರಣ ರಾಜಕೀಯ ಪ್ರೇರಿತ ಎಂದು ಉಲ್ಲೇಖ!

ಕಾಲ ಬದಲಾಗಿದೆ. ಮನುಷ್ಯನಿಗೆ ಬೇಕಾಗುವ ಎಲ್ಲಾ ಸವಲತ್ತುಗಳು ನಿಮಿಷಾರ್ಧದಲ್ಲೇ ಸಿಗುತ್ತದೆ. ಸ್ಮಾರ್ಟ್​ಫೋನ್​ ಬಂದ ನಂತರವಂತೂ ಮನೆ ಬಾಗಿಲಿಗೆ ಎಲ್ಲಾ ವಸ್ತುಗಳು ತಲುಪುತ್ತದೆ. ಇದೀಗ ಕಾರು, ಆಟೋದಂತೆ ಒಂಟೆ ಮೇಲೆ ಕೂಡ ಪ್ರಯಾಣ ಮಾಡಬಹುದಾಗಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ