ಕೊಹ್ಲಿಯನ್ನ IPLನಲ್ಲಿ ಹೆಚ್ಚು ಬಾರಿ ಔಟ್ ಮಾಡಿದ ಬೌಲರ್ ಯಾರು.. ಯಾವ ಟೀಮ್​ನಲ್ಲಿದ್ದಾರೆ ಯುವ ಪೇಸರ್?

ರನ್​ ಮೆಷಿನ್ ಎಂದರೆ ಅದು ವಿರಾಟ್ ಕೊಹ್ಲಿ ಮಾತ್ರ. ಕೊಹ್ಲಿ ಕ್ರೀಸ್​ನಲ್ಲಿದ್ದರೆ ಸಾಕು ರನ್​ಗಳು ಹಾಗೆ ಹರಿದು ಬರುತ್ತಿರುತ್ತವೆ. ಭಾರತದ ಅದ್ಭುತವಾದ ಬ್ಯಾಟ್ಸ್‌ಮನ್ ಆಗಿರುವ ವಿರಾಟ್ ಕೊಹ್ಲಿ ಇದುವರೆಗೆ ಐಪಿಎಲ್​ನಲ್ಲಿ 252 ಪಂದ್ಯಗಳನ್ನು ಆಡಿದ್ದು ಒಟ್ಟು 8,004 ರನ್ ಗಳಿಸಿ ದಾಖಲೆ ಬರೆದಿದ್ದಾರೆ. ಇದೀಗ ಹೊಸ ಚರ್ಚೆ ಏನೆಂದರೆ, ವಿರಾಟ್ ಕೊಹ್ಲಿರನ್ನ ಐಪಿಎಲ್​​ನಲ್ಲಿ ಹೆಚ್ಚು ಬಾರಿ ಔಟ್ ಮಾಡಿದ ಬೌಲರ್ ಯಾರು?.

ಇದನ್ನೂ ಓದಿ:KPSC; ಗೆಜೆಟೆಡ್ ಪ್ರೊಬೇಷನರಿ 384 ಹುದ್ದೆಗಳ ಪೂರ್ವಭಾವಿ ಮರು ಪರೀಕ್ಷೆ ಯಾವಾಗ..? ಇಲ್ಲಿದೆ ಮಾಹಿತಿ

ಈ ಬಾರಿ ಇಂಡಿಯನ್ ಪ್ರೀಮಿಯರ್ ಲೀಗ್‌ನ 18ನೇ ಸೀಸನ್ 2025ರಲ್ಲಿ ಆರಂಭವಾಗಲಿದೆ. ಕಳೆದ ಸೀಸನ್​ನಲ್ಲಿ ವಿರಾಟ್ ಕೊಹ್ಲಿ ಹೆಚ್ಚು ರನ್ ಗಳಿಸಿದ್ದರು. ಐಪಿಎಲ್‌ನಲ್ಲಿ ಅತಿ ಹೆಚ್ಚು ಬಾರಿ ಅಧಿಕ ರನ್ ಗಳಿಸಿದ ಈ ದಿಗ್ಗಜ ಬ್ಯಾಟ್ಸ್‌ಮನ್‌ನನ್ನು ಭಾರತದ ಯುವ ಬೌಲರ್ ಹೆಚ್ಚು ಬಾರಿ ಔಟ್ ಮಾಡಿದ್ದಾರೆ. ರಾಜಸ್ಥಾನ್ ರಾಯಲ್ಸ್ ಟೀಮ್​​ನಲ್ಲಿ ಇರುವ ಮೀಡಿಯಂ ಪೇಸ್ ಬೌಲರ್ ಆಗಿರುವ ಸಂದೀಪ್ ಶರ್ಮಾ ಅವರು ಕೊಹ್ಲಿರನ್ನ ಹೆಚ್ಚು ಬಾರಿ ಔಟ್ ಮಾಡಿದ್ದಾರೆ.

ವಿರಾಟ್ ಕೊಹ್ಲಿಗೆ ಸಂದೀಪ್ ಶರ್ಮಾ ಬೌಲಿಂಗ್​ ಅನ್ನು ಸರಿಯಾಗಿ ಜಡ್ಜ್ ಮಾಡಲು ಬರುವುದಿಲ್ಲ ಎನ್ನಲಾಗಿದೆ. ಹೀಗಾಗಿ ಅವರ ಬೌಲಿಂಗ್​ನಲ್ಲೇ ಹೆಚ್ಚು ಬಾರಿ ಅಂದರೆ ಒಟ್ಟು 07 ಬಾರಿ ಔಟ್ ಆಗಿದ್ದಾರೆ. ಇವರ ನಂತರ ಟೀಮ್ ಇಂಡಿಯಾದ ಮಾಜಿ ಪೇಸ್ ಬೌಲರ್ ಆಶಿಶ್ ನೆಹ್ರಾ ಅವರ ಬೌಲಿಂಗ್​ನಲ್ಲಿ ವಿರಾಟ್​ ಕೊಹ್ಲಿ 06 ಬಾರಿ ಐಪಿಎಲ್​ನಲ್ಲಿ ಔಟ್ ಆಗಿದ್ದಾರೆ. ಇನ್ನು ಮುಂಬೈ ಟೀಮ್​ನ ಬೂಮ್ರಾ ಬೌಲಿಂಗ್​ಗೆ ಬ್ಯಾಟಿಂಗ್ ಮಾಡಲು ಕೊಹ್ಲಿ ತಡಬಡಿಸುತ್ತಾರೆ. ಹೀಗಾಗಿಯೇ ವಿರಾಟ್ ಕೊಹ್ಲಿರನ್ನ ಬೂಮ್ರಾ 5 ಸಲ ಔಟ್ ಮಾಡಿದ್ದಾರೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ