IND vs AUS ರೋಚಕ ಘಟ್ಟ ತಲುಪಿದ ಟೆಸ್ಟ್; ಗೆಲುವಿನ ಭರವಸೆ ಮೂಡಿಸಿದ ಯಶಸ್ವಿ ಜೈಸ್ವಾಲ್..!

ಬಾಕ್ಸಿಂಗ್ ಡೇ ಟೆಸ್ಟ್​ ರೋಚಕ ಘಟ್ಟ ತಲುಪಿದೆ. ಎರಡೂ ತಂಡಗಳು ಗೆಲುವಿಗಾಗಿ ಜಿದ್ದಾಜಿದ್ದಿನ ಪೈಪೋಟಿ ನಡೆಸ್ತಿದ್ದು, ವಿಜಯಲಕ್ಷ್ಮಿ ಯಾರಿಗೆ ಒಲಿಯಲಿದೆ ಎಂಬ ಕುತೂಹಲ ಹೆಚ್ಚಾಗಿದೆ.

ಟೀಂ ಇಂಡಿಯಾಗೆ ಆಸರೆಯಾದ ಜೈಸ್ವಾಲ್..!

ಟೀಂ ಇಂಡಿಯಾಗೆ ಯಶಸ್ವಿ ಜೈಸ್ವಾಲ್ ಹೊಸ ಭರವಸೆ ಮೂಡಿಸಿದ್ದಾರೆ. ಕ್ರೀಸ್​​ ಕಚ್ಚಿ ನಿಂತಿದ್ದು, ಗೆಲ್ಲಿಸಿಕೊಡುವ ಭರವಸೆ ಮೂಡಿಸಿದ್ದಾರೆ. ಈಗಾಗಲೇ 137 ಬಾಲ್​ಗಳನ್ನು ಎದುರಿಸಿರುವ ಜೈಸ್ವಾಲ್ 7 ಬೌಂಡರಿಗಳೊಂದಿಗೆ 57 ರನ್​ಗಳಿಸಿ ಆಡುತ್ತಿದ್ದಾರೆ. ಜೈಸ್ವಾಲ್​​ಗೆ ರಿಷಬ್ ಪಂತ್ ಸಾಥ್ ನೀಡಬೇಕಿದೆ.

ಇದನ್ನೂ ಓದಿ: 181 ಮಂದಿಯಲ್ಲಿ ಬದುಕಿದ್ದು ಇಬ್ಬರು ಮಾತ್ರ! ಪ್ರಜ್ಞೆ ಬರ್ತಿದ್ದಂತೆ ವೈದ್ಯರಿಗೇ ಗಾಯಾಳು ಆಘಾತಕಾರಿ ಪ್ರಶ್ನೆ

ಅಚ್ಚರಿ ಎನ್ನುವಂತೆ ಪಂತ್ 55 ಬಾಲ್​ಗಳನ್ನು ಎದುರಿಸಿ 17 ರನ್​ಗಳಿಸಿ ಕ್ರೀಸ್​ನಲ್ಲಿದ್ದಾರೆ. ಪಂತ್ ಹಾಗೂ ಸೈಸ್ವಾಲ್ ಜವಾಬ್ದಾರಿಯತವಾಗಿ ಬ್ಯಾಟ್ ಬೀಸಿದ್ರೆ 4ನೇ ಟೆಸ್ಟ್​ ಸುಲಭವಾಗಿ ಗೆಲ್ಲಬಹುದು. ಈ ಮಧ್ಯೆ ಭಾರತ ತಂಡ ಪ್ರಮುಖ ಮೂರು ವಿಕೆಟ್ ಕಳೆದುಕೊಂಡಿದೆ. ಕ್ಯಾಪ್ಟನ್ ರೋಹಿತ್ ಶರ್ಮಾ 9 ರನ್​ಗಳಿಗೆ ಆಟ ಮುಗಿಸಿದ್ರೆ, ಕೆ.ಎಲ್.ರಾಹುಲ್ ಸೊನ್ನೆ ಸುತ್ತಿದ್ದಾರೆ. ಇನ್ನು ವಿರಾಟ್ ಕೊಹ್ಲಿ 5 ರನ್​ಗಳಿಸಿ ನಿರಾಸೆ ಮೂಡಿಸಿದರು.

ಹಿರಿಯ ಆಟಗಾರರು ಜವಾಬ್ದಾರಿ ಮರೆತು ಪೆವಿಲಿಯನ್​ ಪರೇಡ್ ನಡೆಸ್ತಿರುವಾಗ, ಜೈಸ್ವಾಲ್ ಹಾಗೂ ಪಂತ್ ಗೆಲುವಿನ ಭರವಸೆ ಮೂಡಿಸಿದ್ದಾರೆ. ಹೀಗಾಗಿ ಇವತ್ತಿನ ಪಂದ್ಯ ತುಂಬಾನೇ ಕುತೂಹಲ ಮೂಡಿಸಿದೆ. ಇನ್ನು ಟೀಂ ಇಂಡಿಯಾಗೆ ಗೆಲ್ಲಲು 245 ರನ್​ಗಳ ಅಗತ್ಯ ಇದೆ.

ಇದನ್ನೂ ಓದಿ:ಸುದೀಪ್ ಬಳಿ ವಿಶೇಷ ಮನವಿ ಮಾಡಿದ ಐಶ್ವರ್ಯ.. ‘ಡನ್’ ಎಂದ ಕಿಚ್ಚ..!

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ