QR ಕೋಡ್​​ನಲ್ಲಿ ಒಂದು ದಿನಕ್ಕೆ ಹುಡುಗ ಸಿಗುತ್ತಾನೆ; ವ್ಯಾಲೆಂಟೈನ್ಸ್ ಡೇ ಬೆಂಗಳೂರಲ್ಲಿ ಹೊಸ ಸಂಚಲನ

ಪ್ರೇಮಿಗಳು ಇವತ್ತು ಪ್ರೇಮೋಲ್ಲಾಸದಲ್ಲಿದ್ದಾರೆ. ತಮ್ಮ ದಿನವನ್ನ ಸ್ವಂತವಾಗಿಸಿಕೊಳ್ಳಲು ಪ್ರೇಮ ಲೋಕಕ್ಕೆ ಜಾರಿದ್ದಾರೆ. ಆದರೆ ಕೆಲವು ಸಂಗಾತಿ ಇಲ್ಲದೇ ಕೊರಗುತ್ತಿರೋರೂ ಇದ್ದಾರೆ. ಅವರಲ್ಲಿ ಹುಡುಗ, ಹುಡುಗಿ ಇಬ್ಬರೂ ಸೇರಿದ್ದಾರೆ. ವಿಷಯ ಹೀಗಿರುವಾಗ ಬೆಂಗಳೂರಿನ ವಿವಿಧ ಭಾಗಗಳಲ್ಲಿ ಕೆಲವು ಪೋಸ್ಟರ್​​ಗಳು ರಾರಾಜಿಸುತ್ತಿದ್ದು ಸಂಚಲನ ಸೃಷ್ಟಿಸಿವೆ.

ಏನು ಪೋಸ್ಟರ್​​..?

‘Rent a BOYFRIEND’ ಹೆಸರಲ್ಲಿ ಕ್ಯೂ-ಆರ್ ಕೋಡ್​ ಸೃಷ್ಟಿಸಿ ಸಂಗಾತಿ ಇಲ್ಲದವರ ಎದೆಬಡಿತ ಹೆಚ್ಚಿಸಿದ್ದಾರೆ. ನಿಮಗೆ ಯಾರೂ ಬಾಯ್​​ ಫ್ರೆಂಡ್ ಇಲ್ವಾ? ಹಾಗಿದ್ದರೆ ಯಾಕೆ ಚಿಂತೆ ಮಾಡ್ತೀರಿ. ಇಲ್ಲಿರುವ QR ಕೋಡ್​​ಗೆ ಸ್ಕ್ಯಾನ್ ಮಾಡಿ ಕೇವಲ 389 ರೂಪಾಯಿ ಪೇ ಮಾಡಿ. ಒಂದು ದಿನ ಸೆಲೆಬ್ರೇಟ್ ಮಾಡೋಕೆ ಹುಡುಗ ಸಿಗ್ತಾನೆ ಎಂದು ಪೋಸ್ಟರ್ ಹೇಳ್ತಿದೆ.

ಇದನ್ನೂ ಓದಿ: Valentine’s Day: ಒಂದೇ ಒಂದು ಅಪ್ಪುಗೆ, ದೇಹಕ್ಕೆ ಅದ್ಭುತ ಲಾಭ.. ಪ್ರೇಮಿಗಳೇ ನಿಮಗೆ ಈ 5 ಶಕ್ತಿ ಗೊತ್ತಿರಲಿ..!

ಅಸಲಿ ಕತೆ ಏನು..?

ಈ QR ಕೋಡ್​ ಸ್ಕ್ಯಾನ್ ಮಾಡಿದ್ರೆ ಗೆಳೆಯ ಸಿಗಲ್ಲ. ಇದೊಂದು ಮಾರ್ಕೆಟಿಂಗ್ ತಂತ್ರಗಾರಿಕೆ. ಪ್ರೇಮಿಗಳ ದಿನವನ್ನು ಬಂಡವಾಳವನ್ನಾಗಿಸಿಕೊಂಡ ಕಿಡಿಗೇಡಿಗಳು ಈ ರೀತಿಯ ಪೋಸ್ಟರ್ ಅಂಟಿಸುತ್ತಿದ್ದಾರೆ. ಒಂದು ವೇಳೆ QR ಕೋಡ್ ಸ್ಕ್ಯಾನ್ ಮಾಡಿದ್ರೆ, ಹೆಣ್ಮಕ್ಕಳಿಗೆ ಬೇಕಾಗಿರುವ ಬ್ಯೂಟಿ ಪ್ರಾಡೆಕ್ಟ್​​ಗಳ ಕುರಿತ ಮಾಹಿತಿ ಸಿಗಲಿದೆ. ಇಷ್ಟವಾದರೆ ಖರೀದಿ ಮಾಡಬಹುದಾಗಿದೆ.

ಎಲ್ಲೆಲ್ಲಿ ಪೋಸ್ಟರ್​..?

ಜಯನಗರ, ಬನಶಂಕರಿ ಏರಿಯಾದ ಗೋಡೆಗಳ ಮೇಲೆ ವಿಚಿತ್ರ ಪೋಸ್ಟರ್ ಅಂಟಿಸಿದ್ದಾರೆ. ಇದನ್ನು ಗಮನಿಸಿರುವ ಸಾರ್ವಜನಿಕರು ಕಿಡಿಗೇಡಿಗಳ ವಿರುದ್ಧ ಕ್ರಮ ತೆಗೆದುಕೊಳ್ಳಬೇಕು ಎಂದು ಆಗ್ರಹಿಸಿದ್ದಾರೆ.

ಇದನ್ನೂ ಓದಿ: ‘ಪ್ರೀತಿ ಅಂದರೆ..’ ಪ್ರೇಮಿಗಳಿಗಾಗಿ ಸ್ಪೆಷಲ್ಲಾಗಿ ಕವಿತೆ ಬರೆದ ಸಿಂಗಾರ ಸಿರಿಯೇ ಖ್ಯಾತಿಯ ಪ್ರಮೋದ್ ಮರವಂತೆ

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ