ವೀಕ್ಷಕರಿಗೆ ಬ್ಯಾಡ್​ ನ್ಯೂಸ್​.. ಮುಕ್ತಾಯದ ಹಂತದಲ್ಲಿ ಬಾಯ್ಸ್ vs ಗರ್ಲ್ಸ್ ರಿಯಾಲಿಟಿ ಶೋ

ಕಲರ್ಸ್​ ಕನ್ನಡದಲ್ಲಿ ಪ್ರಸಾರವಾಗುತ್ತಿರೋ ಬಾಯ್ಸ್ vs ಗರ್ಲ್ಸ್ (boys vrs girls) ಶೋ ಅಂತ್ಯ ಕಾಣುತ್ತಿದೆ. ಕನ್ನಡದ ಬಿಗ್​ಬಾಸ್​​ ಸೀಸನ್​ 11 ಮುಕ್ತಾಯವಾಗುತ್ತಿದ್ದಂತೆ ಈ ಶೋ ಪ್ರಸಾರ ಕಂಡಿತ್ತು. ಇದೀಗ ಬಾಯ್ಸ್ vs ಗರ್ಲ್ಸ್ ಗ್ರ್ಯಾಂಡ್ ಫಿನಾಲೆಗೆ ನಡೆಯುತ್ತಿದೆ.

ಇದನ್ನೂ ಓದಿ:ಕೊರಳಲ್ಲಿ ಹಾರ, ಕೈಯಲ್ಲಿ ಕೇಕ್ ಹಿಡಿದ ರಜತ್​ ಪತ್ನಿ ಅಕ್ಷಿತಾ.. ಈ ಖುಷಿಗೆ ಕಾರಣವೇನು?

ಹೌದು, ಅನುಪಮಾ ಗೌಡ ಅವರ ನಿರೂಪಣೆಯ ಸಾರಥ್ಯದಲ್ಲಿ ಮೂಡಿ ಬಂದಿತ್ತು ಬಾಯ್ಸ್ vs ಗರ್ಲ್ಸ್ ಶೋ. ಈ ಶೋನಲ್ಲಿ ಬಾಯ್ಸ್​ ತಂಡದ ನಾಯಕ ವಿನಯ್​ ಗೌಡ ಆಗಿದ್ದರೇ, ಗರ್ಲ್ಸ್​ ತಂಡದ ನಾಯಕಿ ಶುಭಾ ಪೂಂಜಾ ಆಗಿದ್ದರು. ಈ ಇಬ್ಬರು ತಮ್ಮ ತಮ್ ತಂಡವನ್ನು ಹ್ಯಾಂಡಲ್​ ಮಾಡುತ್ತಿದ್ದರು.

ಇನ್ನೂ, ಈ ತಂಡಗಳಲ್ಲಿ ಬಿಗ್​ಬಾಸ್​ ಸ್ಪರ್ಧಿಗಳಾದ ರಜತ್​ ಕಿಶನ್​, ಚೈತ್ರಾ ಕುಂದಾಪುರ, ಧನರಾಜ್ ಆಚಾರ್ಯ​, ಶೋಭಾ ಶೆಟ್ಟಿ, ಐಶ್ವರ್ಯ ಶಿಂಧೋಗಿ, ಕಾಮಿಡಿ ಕಿಲಾಡಿಗಳ ಖ್ಯಾತಿಯ ಸೂರಜ್, ಅಂತರಪಟ ಖ್ಯಾತಿಯ ಚಂದನಾ, ಕರಿಮಣಿ ನಾಯಕಿ ಸಾಹಿತ್ಯ ಪಾತ್ರಧಾರಿ ಸ್ಪಂದನಾ, ಗಿಚ್ಚಿಗಿಲಿಗಿಲಿ ಖ್ಯಾತಿಯ ಪ್ರಶಾಂತ್​​, ಮಂಜು ಪಾವಗಡ, ಸ್ಪೂರ್ತಿ ಗೌಡ, ಕೋಳಿ ರಮ್ಯಾ, ವಿವೇಕ್ ಸಿಂಹ ಸೇರಿದಂತೆ ಹಲವು ನಟ ನಟಿಯರು ಭಾಗಿಯಾಗಿದ್ದರು.

ಜಿಗರ್ ಇರೋ ಹುಡುಗ-ಹುಡುಗೀರ ಜಿದ್ದಾಜಿದ್ದಿ ಎಂಬ ಟ್ಯಾಗ್​ ಲೈನ್​ನ್ನೊಂದಿಗೆ ಫೆಬ್ರುವರಿ 1ರಿಂದ ಈ ಶೋ ತೆರೆಗೆ ಬಂದಿತ್ತು. ಇದೊಂದು ಸೆಲಿಬ್ರಿಟಿ ಶೋ ಆಗಿತ್ತು. ಸಿಕ್ಕಾಪಟ್ಟೆ ವಾಕ್​ ಸಮರ, ಜಬರ್ದಸ್ತ್​ ಮನರಂಜನೆ ನೀಡುತ್ತಿದ್ದರು. ಆದ್ರೇ ಇದೀಗ ಬಾಯ್ಸ್ vs ಗರ್ಲ್ಸ್ ಅಂತ್ಯ ಕಾಣುತ್ತಿದೆ. ಹೀಗಾಗಿ ಕೊನೆಯಲ್ಲಿ ಬಾಯ್ಸ್ vs ಗರ್ಲ್ಸ್ ಫಿನಾಲೆಯ ಗೆಲುವಿನ ಪಟ್ಟ ಯಾರ ತೆಕ್ಕೆಗೆ ಸೇರಲಿದೆ ಅಂತ ಕಾದು ನೋಡಬೇಕಿದೆ. ಸದ್ಯ ಕಲರ್ಸ್​ ಕನ್ನಡ ತನ್ನ ಇನ್​​ಸ್ಟಾಗ್ರಾಮ್​ ಪೇಜ್​ನಲ್ಲಿ ಒಂದೊಂದಾಗಿ ಗ್ರ್ಯಾಂಡ್ ಫಿನಾಲೆಯ ಪ್ರೋಮೋಗಳನ್ನು ರಿಲೀಸ್​ ಮಾಡುತ್ತಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ