ಮಧ್ಯಮ ವರ್ಗದ ಕೈಗೆಟುಕುವ ಬೆಲೆಗೆ ಹೊಚ್ಚ ಹೊಸ ಕಾರು.. ಸ್ಕೋಡಾ ಕೈಲಾಕ್ ರೇಟ್ ಎಷ್ಟು? ಇದರ ವಿಶೇಷತೆಗಳೇನು?

ಸ್ಕೋಡಾ ಇಂಡಿಯಾ ತನ್ನ ಬಹುನಿರೀಕ್ಷಿತ ಕೈಲಾಕ್ ಕಾರ್​ನ್ನು ಲಾಂಚ್ ಮಾಡಿದೆ. ಕೇವಲ 7.89 ಲಕ್ಷ ಶೋರೂಮ್ ಬೆಲೆಗೆ ಈ ಕಾರು ಗ್ರಾಹಕರಿಗೆ ಸಿಗಲಿದೆ.ಈ ಒಂದು ಕಾರ್​ನ ಬುಕ್ಕಿಂಗ್ ಪ್ರಕ್ರಿಯೆ ಡಿಸೆಂಬರ್ 2 ರಿಂದ ಆರಂಭವಾಗಲಿದೆ. ಜನವರಿ 27 2025ರಿಂದ ಡಿಲೆವರಿ ಕಾರ್ಯಗಳು ಶುರುವಾಗಲಿವೆ ಎಂದು ಹೇಳಲಾಗಿದೆ. ಈ ಒಂದು ಕಾರ್​ ಮುಂದೆ ಮಾರುಕಟ್ಟೆಯಲ್ಲಿ ಹುಂಡೈ ವೆನ್ಯು, ಟಾಟಾ ನೆಕ್ಷಾನ್, ಮಾರುತಿ ಸುಜುಕಿ ಬ್ರೆಜ್ಜಾ ಇವುಗಳಿಗೆ ಟಕ್ಕರ್ ಕೊಡಲಿದೆ ಎಂದೇ ಹೇಳಲಾಗಿದೆ. ಅತ್ಯಾಧುನಿಕ ಫೀಚರ್ಸ್ ಹಾಗೂ ಐಷಾರಾಮಿ ಲುಕ್ ಇರುವ ಈ ಕಾರ್ ಗ್ರಾಹಕರ ಕೈಗೆಟುಕುವ ದರದಲ್ಲಿ ದಕ್ಕಲಿದೆ.

ಸ್ಕೋಡಾ ಕೈಲಾಕ್ ಗೋಲ್ಡ್​ ಗ್ರಿಲ್​ನಲ್ಲಿ ಸಿಗ್ನೇಚರ್ ಸ್ಟೈಲ್​ನಲ್ಲಿ ವಿನ್ಯಾಸಗೊಳಿಸಲಾಗಿದೆ. ಸ್ಪ್ಲಿಟ್ ಎಲ್​ಇಡಿ ಹೆಡ್​ಲೈಟ್​ಗಳನ್ನು ಈ ಕಾರ್ ಹೊಂದಿದೆ. ಡಿಸೈನ್​ನಲ್ಲಿ ಹೊಸತನ ಕಂಡರು ಕೂಡ ಸ್ಕೋಡಾದ ಕುಷಕ್ ಮಾಡೆಲ್​ನ ವರ್ಷನ್​ನ್ನೇ ಇ ಕಾರ್ ಹೊಂದಿದೆ. ಸದ್ಯ ಈ ಒಂದು ಕಾರ್​​ನ್ನು ಆರಂಭದಲ್ಲಿ ಒಲಿವಾ ಗೋಲ್ಡ್ ಕಲರ್​ನೊಂದಿಗೆ ಡೆಬ್ಯು ಮಾಡಲಾಗುತ್ತದೆ.

ಇದನ್ನೂ ಓದಿ:ಹಳೇ ಫೋನ್ ಮಾರಾಟ ಮಾಡ್ತಿದ್ದೀರಾ? ಕ್ಷಣದಲ್ಲೇ ನಿಮ್ಮ ಅಕೌಂಟ್ ಖಾಲಿ ಆಗುತ್ತೆ ಹುಷಾರ್​..!

ಸ್ಕೋಡಾ MQB-AO-IN ಪ್ಲಾಟಫಾರ್ಮ್​ನಲ್ಲಿ ಈ ಕೈಲಾಕ್​ ಸಿದ್ಧಗೊಂಡಿದ್ದು . ಕಾರ್​ನ ಒಳಾಂಗಣ ಹಲವು ವೈಶಿಷ್ಟ್ಯಗಳನ್ನು ಹೊಂದಿದೆ. 10.0 ಇಂಚ್​​ನ ಆ್ಯಪಲ್​ನ ಮತ್ತು ಆಂಡ್ರಾಯ್ಡ್​ನ ಟಚ್​ಸ್ಕ್ರೀನ್ ಇದೆ. ಡಿಜಿಟಲ್ ಇನ್​ಸ್ಟ್ರೈಮೆಂಟ್ ಕ್ಲಸ್ಟರ್ ಹಿಂದಿರುವ ಕೈಲಾಕ್. ರಿಯರ್ ಎಸಿ ವೆಂಟ್ಸ್​ ಕೂಡ ಹೊಂದಿದೆ. ಸದ್ಯ ಇಂಡಿಯನ್ ಮಾರುಕಟ್ಟೆಯಲ್ಲಿ ಬಂದಿರುವ ಕಾರುಗಳು ಹೊಂದಿರುವಂತಹ ಸಿಂಗಲ್ ಪಾನ್​ ಸನ್​ರೂಫ್ ಹಾಗೂ ಕೀಲೆಸ್ ಎಂಟ್ರಿ, ವೈರ್​ಲೆಸ್​ ಫೋನ್ ಚಾರ್ಜಿಂಗ್ ವ್ಯವಸ್ಥೆ ಸಿಕ್ಸ್ ಸ್ಪೀಕರ್ ಇರುವ ಕ್ಯಾಂಟೋನ್ ಸಿಸ್ಟಮ್​ಗಳನ್ನು ಕೂಡ ಹೊಂದಿದೆ

ಇದನ್ನೂ ಓದಿ: ಅಂಬಾನಿ, ನಾರಾಯಣಮೂರ್ತಿ ಮಾತು ನಂಬಬೇಡಿ.. ಬೆಂಗಳೂರಿಗರಿಗೆ ₹95 ಲಕ್ಷ ಪಂಗನಾಮ; ಆಗಿದ್ದೇನು?

ಸುರಕ್ಷತೆಯ ವಿಚಾರದಲ್ಲಿ ಇಲ್ಲಿ ಒಟ್ಟು ಆರು ಏರ್​ಬ್ಯಾಗ್​​ಗಳನ್ನು ನೀಡಲಾಗಿದೆ. ಇನ್ನು ಕಾರ್​ನಲ್ಲಿ ಪ್ರಯಾಣಿಸುವ ಎಲ್ಲ ಪ್ರಯಾಣಿಕರಿಗು ಸಾಕಾಗುವಂತೆ ಥ್ರೀಪಾಯಿಂಟ್ ಸೀಟ್​ಬೆಲ್ಟ್​ನ ವ್ಯವಸ್ಥೆಯೂ ಇದೆ. ಪೆಟ್ರೋಲ್ ಎಂಜಿನ್ ಹೊಂದಿರುವ ಈ ಕಾರ್ ಕೇವಲ ಹತ್ತು ಸೆಕೆಂಡ್​ಗಳಲ್ಲಿ ಸೊನ್ನೆಯಿಂದ 100 ಗಂಟೆಗೆ ನೂರು ಕಿಲೋ ಮೀಟರ್​ ವೇಗ ಪಡೆದುಕೊಳ್ಳುವ ತಾಕತ್ತು ಇದೆ. ಮುಂದಿನ ಎರಡು ವರ್ಷಗಳಲ್ಲಿ 1 ಲಕ್ಷ ಯುನಿಟ್​ಗಳನ್ನ ಸೇಲ್ ಮಾಡುವ ಗುರಿಯನ್ನು ಸ್ಕೋಡಾ ಕಂಪನಿ ಇಟ್ಟುಕೊಂಡಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ