ಮೊದಲ ಸ್ಥಾನ ಪಡೆದವರಿಗೆ ಎಷ್ಟು ಹಣ ಕೊಡಲಾಗುತ್ತದೆ ಗೊತ್ತಾ..?

7ನೇ ತರಗತಿಯಲ್ಲಿ ವ್ಯಾಸಂಗ ಮಾಡುತ್ತಿರುವ ಬಾಲಕ ಬೃಹತ್​ ಸೋಮ

ಸ್ಪೆಲಿಂಗ್ ಬೀ ಸ್ಪರ್ಧೆಯಲ್ಲಿ ಒಟ್ಟು 8 ಸ್ಪರ್ಧಿಗಳು ಫೈನಲ್‌ಗೆ ಬಂದಿದ್ದರು

ಆಗಾಗ ಭಾರತೀಯರ ಸಾಧನೆ ಇಡೀ ವಿಶ್ವದ ಗಮನ ಸೆಳೆಯುತ್ತಿರುತ್ತದೆ. ಸದ್ಯ ಇಂತಹದ್ದೆ ಒಂದು ಮಹತ್ತರವಾದ ಸಾಧನೆಯನ್ನು ಭಾರತೀಯ ಮೂಲದ ಅಮೆರಿಕದ 12 ವರ್ಷದ ಬಾಲಕನೋರ್ವ ಮಾಡಿದ್ದಾನೆ. ಸದ್ಯ ಪ್ರಪಂಚದ್ಯಾಂತ ಈ ಬಾಲಕ ಯಾರು ಎಂಬುದು ಹುಡುಕಾಟ ಶುರುವಾಗಿದೆ. ರಾಷ್ಟ್ರೀಯ ಸ್ಪೆಲ್ಲಿಂಗ್ ಬೀ ಸ್ಪರ್ಧೆಯಲ್ಲಿ 7ನೇ ತರಗತಿಯಲ್ಲಿ ವ್ಯಾಸಂಗ ಮಾಡುತ್ತಿರುವ ಬಾಲಕ ಬೃಹತ್​ ಸೋಮ ಪ್ರಥಮ ಸ್ಥಾನ ಪಡೆದು ದೇಶಕ್ಕೆ ಹೆಮ್ಮೆ ತಂದಿದ್ದಾನೆ.

ಬೃಹತ್​ ಸೋಮನ ಪೋಷಕರು ಭಾರತದ ತೆಲಂಗಾಣ ಮೂಲದವರಾದರು ಅಮೆರಿಕದ ಫ್ಲೋರಿಡಾದಲ್ಲಿ ನೆಲೆಸಿದ್ದಾರೆ. 2024ರ ಸ್ಕ್ರಿಪ್ಸ್‌ ರಾಷ್ಟ್ರೀಯ ಸ್ಪೆಲಿಂಗ್ ಬೀ ಸ್ಪರ್ಧೆಯಲ್ಲಿ ಒಟ್ಟು 8 ಸ್ಪರ್ಧಿಗಳು ಫೈನಲ್‌ಗೆ ಹೋಗಿದ್ದರು. ಇದರಲ್ಲಿ ಬೃಹತ್ ಸೋಮ ಕೂಡ ಒಬ್ಬರಾಗಿದ್ದರು. ಬೃಹತ್ ಸೋಮ ಕೇವಲ 90 ಸೆಕೆಂಡ್ಸ್​​ನಲ್ಲಿ 29 ಪದಗಳ ಸ್ಪೆಲಿಂಗ್‌ ಅನ್ನು ತಪ್ಪಾಗದಂತೆ ನಿಖರವಾಗಿ ಹೇಳಿದ್ದಾನೆ. ಸೋಮನ ಪ್ರತಿಸ್ಪರ್ಧಿ ಫೈಜನ್ ಝಾಕಿ 90 ಸೆಕೆಂಡ್ಸ್​​ನಲ್ಲಿ 20 ಪದಗಳಿಗಷ್ಟೇ ತಪ್ಪಿಲ್ಲದೇ ಹೇಳಿದ್ದಾನೆ. ಹೀಗಾಗಿ ಬೃಹತ್ ಸೋಮ ಮೊದಲ ಸ್ಥಾನವನ್ನು ಪಡೆದು ಸಂಭ್ರಮಿಸಿದರು.

Indian-American Child Kicks B-U-T-T… At National Spelling Bee

12-year-old Bruhat Soma from Florida became the 29th winner from 35 Scripps National Spelling Bee tournaments to have Indian roots. His family come from Telangana.

Bruhat spelled 29 words correctly, nine more than… pic.twitter.com/fzqrRPwwgb

— RT_India (@RT_India_news) May 31, 2024

ಇನ್ನು ಪ್ರಥಮ ಸ್ಥಾನ ಪಡೆದ ಬೃಹತ್ ಸೋಮನಿಗೆ ₹41,69,500 (50000 USD) ಬಹುಮಾನವಾಗಿ ಪ್ರಶಸ್ತಿಯೊಂದಿಗೆ ನೀಡಲಾಗಿದೆ. 2ನೇ ಸ್ಥಾನ ಗಳಿಸಿದ ಫೈಜನ್ ಝಾಕಿಗೆ ₹20,82,499 ಬಹುಮಾನದ ಜೊತೆಗೆ ಪ್ರಶಸ್ತಿಯನ್ನು ನೀಡಿ ಗೌರವಿಸಲಾಗಿದೆ. ಈ ಇಬ್ಬರು ಆಡುವಾಗ ಟೈ ಬ್ರೇಕರ್ ಹಂತ ತಲುಪಿದ್ದ ಹಿನ್ನೆಲೆಯಲ್ಲಿ ಪಂದ್ಯ ರೋಚಕ ಹಂತ ತಲುಪಿ ಕೊನೆಗೆ ಬೃಹತ್ ಸೋಮ ಗೆಲುವಿನ ನಗಾರಿ ಬಾರಿಸಿದನು. 2024ರ ಸ್ಕ್ರಿಪ್ಸ್‌ ರಾಷ್ಟ್ರೀಯ ಸ್ಪೆಲಿಂಗ್ ಬೀ ಸ್ಪರ್ಧೆಯಲ್ಲಿ ಒಟ್ಟು 8 ಸ್ಪರ್ಧಿಗಳು ಫೈನಲ್‌ಗೆ ಬಂದಿದ್ದರು. ಇದರಲ್ಲಿ 5 ಜನ ಭಾರತೀಯ ಮೂಲದ ಅಮೆರಿಕ ನಿವಾಸಿಗಳು ಎನ್ನುವುದು ವಿಶೇಷವಾಗಿತ್ತು.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ