Jio, Airtelಗೆ ಮಾಸ್ಟರ್ ಸ್ಟ್ರೋಕ್ ಕೊಟ್ಟ BSNL; ಗ್ರಾಹಕರು ಹಳೇ ಸ್ನೇಹಿತನ ಮೊರೆ ಹೋಗಿದ್ದೇಕೆ?

ಭಾರತದ ಪ್ರಮುಖ ಟೆಲಿಕಾಂ ಆಪರೇಟರ್​ಗಳಾದ ಜಿಯೋ, ಏರ್​ಟೆಲ್​ ಮತ್ತು ವೊಡಾಫೋನ್​ ಐಡಿಯಾ ರೀಚಾರ್ಜ್​ ಪ್ಲಾನ್​ಗಳ ಬೆಲೆಯನ್ನು ಏರಿಸಿಕೊಂಡಿದೆ. ಬೆಲೆ ಏರಿಕೆಯಿಂದ ಕಂಗಾಲಾದ ಗ್ರಾಹಕರು ಅತ್ತ ಸರ್ಕಾರಿ ಸ್ವಾಮ್ಯದ ಬಿಎಸ್​ಎನ್​ನತ್ತ ಮುಖ ಮಾಡುತ್ತಿದ್ದಾರೆ. ಅಚ್ಚರಿಯ ಸಂಗತಿ ಎಂದರೆ ಆಂಧ್ರಪ್ರದೇಶದಲ್ಲಿ ಕಳೆದ 23 ದಿನಗಳಲ್ಲಿ 1 ಲಕ್ಷದಷ್ಟು ಸಿಮ್​ ಆ್ಯಕ್ಟಿವೇಶನ್​ ಆಗಿದೆ.

ಖಾಸಗಿ ಟೆಲಿಕಾಂ ಆಪರೇಟರ್​ಗಳ ಸುಂಕ ಶೇ.15ರಷ್ಟು ಹೆಚ್ಚಾಗಿದೆ. ಇದರಿಂದ ಕಂಗೆಟ್ಟ ಗ್ರಾಹಕರು ಅತಿ ಕಡಿಮೆ ಬೆಲೆಯ ರೀಚಾರ್ಜ್​ ಪ್ಲಾನ್​​ಗಳತ್ತ ಮೊರೆ ಹೋಗುತ್ತಿದ್ದಾರೆ. ಅದರಂತೆಯೇ ಬಿಎಸ್​ಎನ್​ಎಲ್​ನತ್ತ ಹಲವು ಗ್ರಾಹಕರು ದಿಕ್ಕು ಬದಲಾಯಿಸಿದ್ದಾರೆ. ಇನ್ನು ಹಲವರು ಪೋರ್ಟ್​ ಮಾಡುತ್ತಿದ್ದಾರೆ.

BSNLಗೆ ಪೋರ್ಟ್​ ಮಾಡುವುದು ಹೇಗೆ? ಇಲ್ಲಿದೆ ಮಾಹಿತಿ

ಹಂತ 1: ಪೋರ್ಟ್ ಮಾಡಲು ಬಯಸಿದರೆ, ಮೊದಲಿಗೆ 1900ಗೆ SMS ಕಳುಹಿಸಬೇಕು. ಕಳುಹಿಸುವ ಮುನ್ನ ಪೋರ್ಟಿಂಗ್ ಕೋಡ್ (UPC) ಪಡೆದು 10 ಅಂಕಿಗಳ ಮೊಬೈಲ್ ಸಂಖ್ಯೆ ನಮೂದಿಸಬೇಕು.

ಉದಾಹರಣೆಗೆ: PORT 8888888888 ಎಂದು ಬರೆಯುವ ಮೂಲಕ SMS ಕಳುಹಿಸಿ. ಜಮ್ಮು ಮತ್ತು ಕಾಶ್ಮೀರದಲ್ಲಿ ಪ್ರಿಪೇಯ್ಡ್ ಮೊಬೈಲ್ ಚಂದಾದಾರರಾಗಿದ್ದರೆ, 1900 ಗೆ ಕರೆ ಮಾಡಿ. ಗ್ರಾಹಕರು ಸ್ವೀಕರಿಸುವ UPC ಕೋಡ್​ ಜಮ್ಮು ಮತ್ತು ಕಾಶ್ಮೀರ, ಅಸ್ಸಾಂ ಮತ್ತು ಈಶಾನ್ಯ ಪರವಾನಗಿ ಪ್ರದೇಶಗಳನ್ನು ಹೊರತುಪಡಿಸಿ ಹೆಚ್ಚಿನ ಪ್ರದೇಶಗಳಲ್ಲಿ 15 ದಿನಗಳವರೆಗೆ ಮಾನ್ಯವಾಗಿರುತ್ತದೆ. ಉಳಿದೆಡೆ ಮೂವತ್ತು ದಿನಗಳವರೆಗೆ ಮಾನ್ಯವಾಗಿರುತ್ತದೆ.

ಇದನ್ನೂ ಓದಿ: ಕಾವೇರಿಗೇಕೆ ಬಾಗಿನ? ಒಡಲು ತುಂಬಿದ ಜೀವನದಿಗೆ ಮನದಿಂದ ಅರ್ಪಣೆ

ಹಂತ 2: ಬಿಎಸ್​ಎನ್​ಎಲ್​ ಸಿಮ್​ ಪೋರ್ಟ್​ ಮಾಡಲು BSNL CSC (ಗ್ರಾಹಕ ಸೇವಾ ಕೇಂದ್ರ) / ಅಧಿಕೃತ ಫ್ರ್ಯಾಂಚೈಸಿ/ಚಿಲ್ಲರೆ ವ್ಯಾಪಾರಿಗಳನ್ನು ಭೇಟಿ ಮಾಡಬೇಕು.

ಹಂತ 3: ಗ್ರಾಹಕರ ಅರ್ಜಿ ನಮೂನೆಯನ್ನು (CAF) ಪೂರ್ಣಗೊಳಿಸಬೇಕು. ನಂತರ ಅಗತ್ಯ ಪೋರ್ಟಿಂಗ್ ಶುಲ್ಕವನ್ನು ಪಾವತಿಸಬೇಕು. ಪ್ರಸ್ತುತ, BSNL ತಮ್ಮ ನೆಟ್‌ವರ್ಕ್‌ಗೆ ಪೋರ್ಟ್ ಮಾಡಲು ಯಾವುದೇ ಶುಲ್ಕವನ್ನು ವಿಧಿಸುತ್ತಿಲ್ಲ.

ಇದನ್ನೂ ಓದಿ: ಸಾವಿನಲ್ಲೂ ಸಾರ್ಥಕತೆ ಮೆರೆದ 12 ವರ್ಷದ ಹೆಣ್ಣು ಮಗು.. 6 ಮಕ್ಕಳಿಗೆ ಅಂಗಾಂಗ ದಾನ ಮಾಡಿದ ಪುಟಾಣಿ

ಹಂತ 4: ಪೋರ್ಟ್​ ಪ್ರಕ್ರಿಯೆ ಅರ್ಜಿ ಸಲ್ಲಿಸಿದ ಬಳಿಕ ಹೊಸ BSNL ಸಿಮ್ ಕಾರ್ಡ್ ಸ್ವೀಕರಿಸುತ್ತೀರಿ. ಈ ವೇಳೆ BSNL ನಿಮಗೆ ಪೋರ್ಟ್ ಮಾಡುವ ದಿನಾಂಕ ಮತ್ತು ಸಮಯವನ್ನು ತಿಳಿಸುತ್ತದೆ. ನೀವು ನಿರ್ದಿಷ್ಟ ಸಮಯದಲ್ಲಿ ನಿಮ್ಮ ಸಿಮ್ ಕಾರ್ಡ್ ಅನ್ನು ಬದಲಾಯಿಸಬೇಕು.

ಒಂದು ವೇಳೆ ಈ ಪ್ರಕ್ರಿಯೆಯಲ್ಲಿ ಅಡಚಣೆ ಯಾದರೆ ಟೋಲ್-ಫ್ರೀ ಸಂಖ್ಯೆ 1800-180-1503ಗೆ ಸಂಪರ್ಕಿಸಿ ಅಥವಾ 1503 ಗೆ ಕರೆ ಮಾಡಿ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ