BSNL Foundation Day: ವಾರೆವ್ಹಾ! ಚಂದಾದಾರರಿಗೆ 24GB ಉಚಿತ ಡೇಟಾ ನೀಡಿದ ಟೆಲಿಕಾಂ ಕಂಪನಿ

ಸರ್ಕಾರಿ ಸ್ವಾಮ್ಯದ ಬಿಎಸ್​ಎನ್​ಎಲ್ (BSNL)​ 24 ವರ್ಷವನ್ನು ಪೂರ್ಣಗೊಳಿಸಿದೆ. ಹೀಗಾಗಿ ಇದೇ ತಿಂಗಳು ಸಂಸ್ಥಾಪನಾ ದಿನವನ್ನು ಆಚರಿಸುತ್ತಿದೆ. ಈ ಸಂತಸದ ಸಂಭ್ರಮದಲ್ಲಿ ಬಿಎಸ್​​ಎನ್​ಎಲ್​ ತನ್ನ ಚಂದಾದಾರರಿಗೆ 24GB ಉಚಿತ ಡೇಟಾ (Data) ನೀಡುತ್ತಿದೆ.

ಬಿಎಸ್​​ಎನ್​ಎಲ್​​ ಹೆಚ್ಚುವರಿ ಡೇಟಾವಾಗಿ 24GB ನೀಡುತ್ತಿದೆ. ಆದರೆ ಅದಕ್ಕಾಗಿ 500ಕ್ಕಿಂತ ಹೆಚ್ಚುವರಿ ಮೌಲ್ಯದ ರೀಚಾರ್ಜ್​​ ಮಾಡಿದರೆ ಈ ವೋಚರ್​ ಸಿಗಲಿದೆ. ಅಕ್ಟೋಬರ್​ 1 ಮತ್ತು ಅಕ್ಟೋಬರ್​ 24ರ ನಡುವೆ ಈ ರೀಚಾರ್ಜ್​ ಮಾಡಬೇಕು.

ಇದನ್ನೂ ಓದಿ: iPhone: ಅಪ್ಡೇಟ್​​ ಮಾಡಿದ ಬಳಿಕ ಕಾಣಿಸಿಕೊಂಡ ಬ್ಯಾಟರಿ ಸಮಸ್ಯೆ.. ಐಫೋನ್​ ಬಳಕೆದಾರರಿಗೆ ಸಂಕಷ್ಟ

ಗ್ರಾಹಕರಿಗೆ ಈ ಆಫರನ್ನು ಬಿಎಸ್​​ಎನ್​ಎಲ್​​ ತೆರೆದಿಟ್ಟಿದ್ದು, ಎಕ್ಸ್​ನಲ್ಲಿ ಪೋಸ್ಟ್​ ಹಂಚಿಕೊಂಡಿದೆ. ‘24 ವರ್ಷಗಳ ನಂಬಿಕೆ, ಸೇವೆ ಮತ್ತು ನಾವೀನ್ಯತೆ. BSNL 24 ವರ್ಷಗಳಿಂದ ಕನೆಕ್ಟಿಂಗ್‌ಇಂಡಿಯಾವನ್ನು ಹೊಂದಿದೆ ಮತ್ತು ನೀವು ಇಲ್ಲದೆ ನಾವು ಏನನ್ನು ಮಾಡಲು ಸಾಧ್ಯವಿಲ್ಲ. ಈ ಮೈಲಿಗಲ್ಲನ್ನು ನಮ್ಮೊಂದಿಗೆ ಆಚರಿಸಿ ಮತ್ತು ₹ 500/- ಕ್ಕಿಂತ ಹೆಚ್ಚಿನ ರೀಚಾರ್ಜ್ ವೋಚರ್‌ಗಳಲ್ಲಿ 24 GB ಹೆಚ್ಚುವರಿ ಡೇಟಾವನ್ನು ಆನಂದಿಸಿ’ ಎಂದು ಬರೆದುಕೊಂಡಿದೆ.

ಇದನ್ನೂ ಓದಿ: 1 ರೂಪಾಯಿಯಲ್ಲಿ ಇಡೀ ಬೆಂಗಳೂರು ಸುತ್ತಬಹುದು! ಫ್ಲಿಪ್​ಕಾರ್ಟ್​ ನೀಡಿದ ಹೊಸ ಆಫರ್ ಏನು?

ಭಾರತ್ ಸಂಚಾರ್ ನಿಗಮ್ ಲಿಮಿಟೆಡ್ ಅನ್ನು ಸೆಪ್ಟೆಂಬರ್ 15, 2000 ರಂದು ಸ್ಥಾಪಿಸಲಾಯಿತು. ಸದ್ಯ ಭಾರತದಲ್ಲಿ ಬಹುತೇಕ ಜನರು ಬಿಎಸ್​​ಎನ್​ಎಲ್​ ನೆಟ್​ವರ್ಕ್​ ಬಳಸುತ್ತಿದ್ದಾರೆ. ಮಾತ್ರವಲ್ಲದೆ ಇತ್ತೀಚಿನ ಬೆಲೆ ಏರಿಕೆ ಬಳಸಿ ಖಾಸಗಿ ಕಂಪನಿ ಗ್ರಾಹಕರು ಬಿಎಸ್​ಎನ್​ಎಲ್​ ಮೊರೆ ಹೋಗುತ್ತಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ