ಇನ್ಮುಂದೆ Sim Card ಇಲ್ಲದೆಯೇ ಕರೆ ಮಾಡಬಹುದು ಗುರೂ

ಹೊತ ತಂತ್ರಜ್ಞಾನದತ್ತ ಕೆಲಸ ಮಾಡುತ್ತಿದೆ ಬಿಎಸ್​ಎನ್​ಎಲ್​

ಟವರ್​ ಇಲ್ಲದೆಯೇ ಹೇಗೆ ಕೆಲಸ ಮಾಡಲಿದೆ ಬಿಎಸ್​ಎನ್​ಎಲ್​

ಸರ್ಕಾರಿ ಸ್ವಾಮ್ಯದ ಬಿಎಸ್​​ಎನ್​ಎಲ್ ತನ್ನ ಗ್ರಾಹಕರಿಗಾಗಿ​ ಭಾರೀ ಬದಲಾವಣೆ ತರುತ್ತಿದೆ. ತ್ರಂತ್ರಜ್ಞಾನ ಕ್ಷೇತ್ರದಲ್ಲಿ ಹೊಸ ಅಲೆ ಮೂಡಿಸಲು ಸಜ್ಜಾಗಿದೆ. ಹೊಸ ಹೊಸ ಆವಿಷ್ಕಾರಗಳನ್ನು ತನ್ನಲ್ಲಿ ಪರಿಚಯಿಸಲು ಮುಂದಾಗಿದೆ. ಅದರಂತೆಯೇ ಇದೀಗ ಸಿಮ್​ ಕಾರ್ಡ್ ಇಲ್ಲದೆಯೇ ಕರೆ ಮಾಡುವಷ್ಟು ತಂತ್ರಜ್ಞಾನ ತರುವ ಬಗ್ಗೆ ಕಾರ್ಯನಿರ್ವಹಿಸುತ್ತಿದೆ.

ಭಾರತ್​ ಸಂಚಾರ್​ ನಿಗಮ ಲಿಮಿಡೆಟ್​​ ಜಾಗತಿಕ ಉಪಗ್ರಹ ಸಂವಹನ ಸಂಸ್ಥೆಯಾದ ವಿಯಸಾತ್​ (Viasat) ಸಹಯೋಗದೊಂದಿಗೆ ಡೈರೆಕ್ಟ್​-ಟು-ಡಿವೈಸ್​​ ತಂತ್ರಜ್ಞಾನದ ಪ್ರಯೋಗವನ್ನು ಪೂರ್ಣಗೊಳಿಸಿದೆ. ಇದರ ಮೂಲಕ ಸಿಮ್​ ಕಾರ್ಡ್​ ಇಲ್ಲದೆಯೇ ಮತ್ತು ಟ್ರೆಡಿಷನಲ್​ ನೆಟ್​ವರ್ಕ್​​​ ಇಲ್ಲದೆಯೇ ಆಡಿಯೋ ಮತ್ತು ವಿಡಿಯೋ ಕರೆಗಳನ್ನು ಮಾಡುವ ತಂತ್ರಜ್ಞಾನವನ್ನು ಪರಿಚಯಿಸುತ್ತಿದೆ.

ಹೊಸ ತಂತ್ರಜ್ಞಾನವು ಸದ್ಯ ಮಾರುಕಟ್ಟೆಯಲ್ಲಿರುವ ಸ್ಮಾರ್ಟ್​ವಾಚ್​​ ಇತರ ಸ್ಮಾರ್ಟ್​ಸಾಧನಗಳೊಂದಿಗೆ ಮತ್ತು ಆ್ಯಂಡ್ರಾಯ್ಡ್​​, ಐಒಎಸ್​ ಸ್ಮಾರ್ಟ್​ಫೊನ್​​ಗಳೊಂದಿಗೆ ಹೊಂದಿಕೊಳ್ಳುತ್ತದೆ ಎಂದು ವರದಿಯಾಗಿದೆ.

ಇದನ್ನೂ ಓದಿ: ಮತ್ತೆ ಸ್ಮಾರ್ಟ್​ಫೋನ್​​ ಮಾರುಕಟ್ಟೆಗೆ ಮರಳಲು ಸಜ್ಜಾದ LG.. ಈ ಬಾರಿ ಡಿಫರೆಂಟಾಗಿ ಎಂಟ್ರಿ ಕೊಡುತ್ತೆ ನೋಡಿ

ಮತ್ತೊಂದು ಅಚ್ಚರಿಯ ಸಂಗತಿ ಎಂದರೆ ನೆಟ್​​ವರ್ಕ್​ ಸ್ಥಗಿತದ ಸಮಯದಲ್ಲೂ ತಡೆರಹಿತ ಸಂಪರ್ಕವನ್ನು ನೀಡುವ ಗುರಿಯನ್ನು ಹೊಂದಿದೆ. ಇದು ನೆಟ್​ವರ್ಕ್​ ಸಮಸ್ಯೆ ಅನುಭವಿಸುವ ಗ್ರಾಹಕರಿಗೆ ಹೆಚ್ಚಿನ ಪ್ರಯೋಜನಕ್ಕೆ ಬರಲಿದೆ.

ಇದನ್ನೂ ಓದಿ: ಶತ್ರುಗಳ ಕಾಟ; ಕೌಟುಂಬಿಕ ಸಮಸ್ಯೆ; ಮನೆವರಿಗೆಲ್ಲಾ ಅವಮಾನ; ಇಲ್ಲಿದೆ ಇಂದಿನ ಭವಿಷ್ಯ

ವಯಸಾತ್​ ಪ್ರಕಾರ, ಬಿಎಸ್​ಎನ್ಎಲ್​ನ ಡೈರೆಕ್ಟ್​​-ಟು-ಡಿವೈಸ್​​ ಕನೆಕ್ಟಿವಿಟಿ ಎನ್ನುವುಡು ಸ್ಮಾರ್ಟ್​ಫೋನ್​, ಸ್ಮಾರ್ಟ್​ವಾಚ್​, ಕಾರುಗಳನ್ನು ನೇರವಾಗಿ ಉಪಗ್ರಹ ನೆಟ್​​ವರ್ಕ್​ಗೆ ಸಂಪರ್ಕಿಸಲು ಸಾಧ್ಯವಾಗುವ ಕ್ರಾಂತಿಕಾರಿ ತಂತ್ರಜ್ಞನಾವಾಗಿದೆ. ಇದರ ಮೂಲಕ ವೈಯ್ಯಕ್ತಿಕ ಮತ್ತು ಸಾಧನ ಸಂವಹನ ಬೆಳೆಸಲು ವಿನ್ಯಾಸಗೊಳಿಸಲಾಗಿದೆ. ವಿಶ್ವಾಸಾರ್ಹ ಸಂವಹನವನ್ನು ಏರ್ಪಡಿಸುವ ನೀರಿಕ್ಷೆಯಿದೆ’ ಎಂದು ಹೇಳಿದೆ.

ಮೊಬೈಲ್​ ಟವರ್​ ಬೇಡಾ! ತಂತಿಗಳ ಅವಶ್ಯಕತೆ ಇಲ್ಲ

ಡೈರೆಕ್ಟ್​ ಟು ಡಿವೈಸ್​​ ಸೇವೆ ಉಪಗ್ರಹವನ್ನು ಆಧರಿಸಿದೆ. ಯಾವುದೇ ಮೊಬೈಲ್​ ಟವರ್​ ನೆಟ್​​ವರ್ಕ್​ ಮತ್ತು ಇತರ ತಂತಿಗಳ ಮೂಲಕ ಸೇವೆಯನ್ನು ಅವಲಂಬಿಸದೆ ಇದು ನೇರವಾಗಿ ಸಂಪರ್ಕಿಸುವಲ್ಲಿ ಕೆಲ ಮಾಡುತ್ತದೆ.

ಬಿಎಸ್​​ಎನ್​ಎಲ್​ ಕಂಪನಿ ಈಗಾಗಲೇ ಆ್ಯಂಡ್ರಾಯ್ಡ್​ ಸ್ಮಾರ್ಟ್​ಫೋನ್​ ಮೂಲಕ ನಾನ್​​ ಟೆರೆಸ್ಟ್ರಿಯಲ್​​ ನೆಟ್​​ವರ್ಕ್​​ ಸಂಪರ್ಕವನ್ನು ಬಳಸಿಕೊಂಡು ಯಶಸ್ವಿಯಾಗಿ ಪರೀಕ್ಷೆ ನಡೆಸಿದೆ. ವಯಸಾತ್​ ಸಹಯೋಗದೊಂದಿಗೆ ದ್ವಿಮುಖ ಸಂದೇಶ ಮತ್ತು SOS ಸಂದೇಶ ಕಳುಹಿಸಿದೆ.

ಬಿಎಸ್​ಎನ್​ಎಲ್​ನ ಈಗ ಉಪಗ್ರಹ ಸಂಪರ್ಕ ಸೇವೆಗಳ ಓಟ ನಡೆಸಲು ಮುಂದಾಗಿದೆ. ಇದು ಖಾಸಗಿ ಟೆಲಿಕಾಂ ಕಂಪನಿಗಳಾದ ಏರ್​ಟೆಲ್​, ಜಿಯೋ, ವೊಡಾಫೋನ್​ ಐಡಿಯಾಗೆ ಪೈಪೋಟಿ ನೀಡಲಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ