BSNL: ಹೊಸ ಲೋಗೋ ಪರಿಚಯಿಸಿದ ಬಿಎಸ್​​ಎನ್​ಎಲ್​! ಏನು ವಿಶೇಷತೆ ಗೊತ್ತಾ?

ಸರ್ಕಾರಿ ಸ್ವಾಮ್ಯದ ಬಿಎಸ್​ಎನ್​ಎಲ್​ ಇದೀಗ ಹೊಸ ಲೋಗೋ ಪರಿಚಯಿಸಿದೆ. ಕಂಪನಿ ಈಗಾಗಲೇ 5G ಸೇವೆಯ ತಯಾರಿಯಲ್ಲಿದ್ದು, ಈ ಸಮಯದಲ್ಲಿ ನೂತನ ಲೋಗೋವನ್ನು ಅನಾವರಣಗೊಳಿಸಿದೆ. ಸದ್ಯದಲ್ಲೇ 5G ಸೇವೆಯನ್ನು ಭಾರತೀಯರಿಗೆ ಒದಗಿಸಲಿದೆ.

ಬಿಎಸ್​ಎನ್​ಎಲ್​ನ 4G ಸೇವೆ ಪ್ರಸ್ತುತ ಆಯ್ದ ವಲಯಗಳಲ್ಲಿ ಲಭ್ಯವಿದೆ. ಹೀಗಾಗಿ ಕಂಪನಿಯು ದೇಶದಾದ್ಯಂತ ರೋಲ್​ಔಟ್​​ ಪೂರ್ಣಗೊಳಿಸಿದೆ. ಇದರ ಜೊತೆ ಜೊತೆಗೆ ಟೆಲಿಕಾಂ ಕಂಪನಿಯು ಬಳಕೆದಾರರ ಅನುಭವ ಸುಧಾರಿಸುವ ಉದ್ದೇಶದಿಂದ ಹೊಸ ವೈಶಿಷ್ಟ್ಯಗಳನ್ನು ಗ್ರಾಹಕರಿಗೆ ನೀಡುತ್ತಿದೆ.

ಭಾರತ್​ ಸಂಚಾರ್​ ನಿಗಮ್​ ಲಿಮಿಟೆಡ್​​​ ತನ್ನ ಫೈಬರ್​ ಇಂಟರ್​ನೆಟ್​ ಗ್ರಾಹಕರಿಗಾಗಿ ವೈ-ಫೈ ರೋಮಿಂಗ್​ ಸೇವೆಯನ್ನು ಪ್ರಾರಂಭಿಸಿದೆ. ಇದರ ಮೂಲಕ ಹೆಚ್ಚಿನ ಶುಲ್ಕವಿಲ್ಲದೆ ಬಿಎಸ್​ಎನ್​ಎಲ್​ ಹಾಟ್​​ಸ್ಪಾಟ್​​ಗಳಲ್ಲಿ ವೇಗದ ಇಂಟರ್​​ನೆಟ್​ ಒದಗಿಸುತ್ತದೆ. ಅದರ ಮೂಲಕ ಡೇಟಾ ವೆಚ್ಚ ಕಡಿಮೆ ಮಾಡುತ್ತಿದೆ.

ಬಿಎಸ್​​ಎನ್​ಎಲ್ ಈಗಾಗಲೇ ಹೊಸ ಫೈಬರ್​ ಆಧಾರಿತ ಟಿವಿ ಸೇವೆಯನ್ನು ಘೋಷಿಸಿದೆ.​ 500ಕ್ಕೂ ಹೆಚ್ಚು ಲೈವ್​ ಚಾನೆಲ್​ಗಳನ್ನು ನೀಡುತ್ತಿದೆ. ಎಲ್ಲಾ ಫೈಬರ್​ ಇಂಟರ್​ನೆಟ್​​ ಚಂದಾದಾರರು ಯಾವುದೇ ಹೆಚ್ಚುವರಿ ವೆಚ್ಚವಿಲ್ಲದೆ ಬಳಸುವ ಅವಕಾಶ ನೀಡಿದೆ.

ಇದನ್ನೂ ಓದಿ: Cyclone Dana: ಸ್ಮಾರ್ಟ್​ಫೋನ್​​ನಲ್ಲಿ ಚಂಡಮಾರುತ ಚಲನೆಯನ್ನೇ ಟ್ರ್ಯಾಕ್​ ಮಾಡಿ! ಹೇಗೆ ಗೊತ್ತಾ?

ಆಟೋಮ್ಯಾಟಿಕ್​​ ಕಿಯೋಸ್ಕ್​​ಗಳನ್ನು ಬಿಎಸ್​ಎನ್​ಎಲ್​ ಪರಿಚಯಿಸಿದೆ. ಇದರ ಮೂಲಕ ತಮ್ಮ ಸಿಮ್​ ಕಾರ್ಡ್​ ಖರೀದಿಸುವುದನ್ನು ಮತ್ತು ಅಪ್​ಗ್ರೇಡ್​​ ಅಥವಾ ಬದಲಾಯಿಸುವುದನ್ನು ಸುಲಭಗೊಳಿಸಿದೆ.

ಬಿಎಸ್​ಎನ್​ಎಲ್​​ 5ಜಿ ನೆಟ್​ವರ್ಕ್​ ಅನ್ನು ಒದಗಿಸಲು C-DACನೊಂದಿಗೆ ಕೈಜೋಡಿಸಿದೆ. ಇದು ಹೊಸ ಸ್ವದೇಶಿ ತಂತ್ರಜ್ಞಾನ ಮತ್ತು ಸುಧಾರಿತ ನೆಟ್​ವರ್ಕ್​ ಒದಗಿಸಲು ಸಹಾಯ ಮಾಡುತ್ತದೆ.

ಇದನ್ನೂ ಓದಿ: ಹಬೀಬಿ.. ಉಬರ್​ನಲ್ಲಿ ಇನ್ಮುಂದೆ ಒಂಟೆ ರೈಡ್​​ ಮಾಡ್ಬೋದು!

ಇದಲ್ಲದೆ ಬಿಎಸ್​​ಎನ್​ಎಲ್​ ಭಾರತದ ಮೊದಲ ಡೈರೆಕ್ಟ್​-ಟು-ಡಿವೈಸ್​​ ಸಂಪರ್ಕವನ್ನು ಪ್ರಾರಂಭಿಸಿದೆ. ಇದು ಮೊಬೈಲ್​​ ನೆಟ್​ವರ್ಕ್​​ ಮತ್ತು ಉಪ​ಗ್ರಹದ ಸಂಯೋಜಿಸಿ ಕಾರ್ಯನಿರ್ಮಹಿಸುತ್ತದೆ. ಡಿಜಿಟಲ್​​ ಪಾವತಿಯಂತಹ ಸೇವೆಯನ್ನು ಒದಗಿಸುತ್ತದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ