ಕೊಹ್ಲಿ ಸೀಕ್ರೆಟ್ ಸಾಮಾನ್ಯ ಬಸ್​ ಡ್ರೈವರ್​​ಗೂ ಗೊತ್ತು.. ಬೇಡದ ವಿಚಾರಕ್ಕೆ ವಿರಾಟ್ ಟ್ರೆಂಡ್..!

ಟೀಮ್​ ಇಂಡಿಯಾ ಬ್ಯಾಟ್ಸ್​​ಮನ್​​ ವಿರಾಟ್​​ ಕೊಹ್ಲಿ ವಿಶ್ವದ ದಿಗ್ಗಜ ಬೌಲರ್​​ಗಳನ್ನ ನಿದ್ದೆಯಲ್ಲೂ ಕಾಡಿದ ಕಲಾಕಾರ. ಕೊಹ್ಲಿಯನ್ನ ಔಟ್​ ಮಾಡೋಕೆ ಆಗದೇ ವಿಶ್ವ ಶ್ರೇಷ್ಠ ಬೌಲರ್ಸ್​, ಲೆಜೆಂಡರಿ ಕ್ಯಾಪ್ಟನ್​ಗಳೇ​​​ ಪರದಾಡಿದ ಹಲವು ಕಥೆಗಳನ್ನ ಇತಿಹಾಸ ಹೇಳುತ್ತೆ. ಈಗ ಕೊಹ್ಲಿ ಖದರ್​ ಮಾಯವಾಗಿದೆ. ಸಾಮಾನ್ಯ ಬಸ್​​​ ಡ್ರೈವರ್​​ಗೂ ಕೂಡ ವಿಶ್ವವನ್ನೇ ಗೆದ್ದ ವಿರಾಟನ ಔಟ್​ ಮಾಡೋ ಕಲೆ ಗೊತ್ತಾಗಿದೆ.

ಬಸ್​​ ಡ್ರೈವರ್​​ಗೂ ಗೊತ್ತಾಯ್ತು ಹಣೆ ಬರಹ

ವಿರಾಟ್​ ಕೊಹ್ಲಿ.. ಮಾರ್ಡ್ರನ್​ ಡೇ ಕ್ರಿಕೆಟ್​ ಕಂಡ ಗ್ರೆಟೆಸ್ಟ್​ ಲೆಜೆಂಡ್​.. ಕ್ರಿಕೆಟ್​ನಲ್ಲಿ ತನ್ನದೇ ಸಾಮ್ರಾಜ್ಯ ಕಟ್ಟಿಕೊಂಡು ಮೆರೆದಾಡ್ತಿರೋ ಸಾಮ್ರಾಟ. ಕೊಹ್ಲಿ ಪ್ಯಾಡ್​​ ಕ್ರಿಸ್​ಗಳಿದ್ರೆ, ಎದುರಾಳಿಗಳ ಎದೆಯಲ್ಲಿ ಢವ ಢವ ಶುರುವಾಗ್ತಿತ್ತು. ಕ್ಯಾಪ್ಟನ್​ಗೆ ಫೀಲ್ಡ್​​ ಸೆಟ್​ ಮಾಡೋ ತಲೆಬಿಸಿಯಾದ್ರೆ, ಬೌಲರ್​ಗೆ ಹೇಗಪ್ಪಾ ಬೌಲಿಂಗ್​ ಮಾಡ್ಲಿ ಅನ್ನೋ ಭಯ ಕಾಡ್ತಿತ್ತು. ಈಗ ಕೊಹ್ಲಿಯನ್ನ ಕಟ್ಟಿ ಹಾಕೋದು ದೊಡ್ಡ ಸವಾಲೇ ಅಲ್ಲ. ಪ್ರೊಫೆಶನಲ್​​ ಕ್ರಿಕೆಟರ್ಸ್​ ಬಿಡಿ. ಒಬ್ಬ ಸಾಮಾನ್ಯ ಬಸ್​ ಡ್ರೈವರ್​​​​ಗೂ ಕೊಹ್ಲಿ ಹಣೆಬರಹ ಗೊತ್ತಾಗಿದೆ.

ಕಳಪೆ ಫಾರ್ಮ್ ಸುಳಿಗೆ ಸಿಲುಕಿ ಪರದಾಡ್ತಿರೋ ಕೊಹ್ಲಿ, ಬಿಸಿಸಿಐ ಬಾಸ್​​ಗಳ ಖಡಕ್​ ಸೂಚನೆ ಮೇರೆ ರಣಜಿ ಟ್ರೋಫಿ ಪಂದ್ಯವನ್ನಾಡಿದ್ರು. ಕೊಹ್ಲಿಯಂತಹ ವಿಶ್ವ ಶ್ರೇಷ್ಠ ಬ್ಯಾಟ್ಸ್​​ಮನ್​ ಅಖಾಡಕ್ಕೆ ಇಳಿದಿದ್ದು ರಣಜಿ ಟೂರ್ನಿಯ ರಂಗೇರಿಸಿತ್ತು. ಫುಲ್​ ಎಕ್ಸೈಟ್​​ಮೆಂಟ್​ನಲ್ಲಿ ಫ್ಯಾನ್ಸ್​​ ಮೈದಾನಕ್ಕೆ ದೌಡಾಯಿಸಿದ್ರೆ, ಎದುರಾಳಿ ರೈಲ್ವೇಸ್​ ತಂಡದಲ್ಲಿ ಕೊಹ್ಲಿಯನ್ನ ಔಟ್​ ಮಾಡೋದು ಹೇಗೆ ಅನ್ನೋ ಚಿಂತೆ ಕಾಡ್ತಿತ್ತು. ಹೀಗೆ ಟೆನ್ಶನ್​​ನಲ್ಲಿದ್ದ ವೇಳೆ ತಂಡದ ವೇಗಿ ಹಿಮಾಂಶು​ ಸಂಗ್ವಾನ್​ಗೆ ಟೀಮ್​ ಬಸ್​ನ ಡ್ರೈವರ್​ ಒಂದು ಟಿಪ್ಸ್​​ ಕೊಟ್ಟಿದ್ರಂತೆ. 5 ಅಥವಾ 6ನೇ ಸ್ಟಂಪ್​ ಲೈನ್​ನಲ್ಲಿ ಬಾಲಿಂಗ್​ ಹಾಕಿ ಸಾಕಿ. ಕೊಹ್ಲಿ ತಾನಾಗೇ ಔಟ್​ ಆಗ್ತಾರೆ ಎಂದು.

ಇದನ್ನೂ ಓದಿ: ಇಂಗ್ಲೆಂಡ್ ವಿರುದ್ಧದ ಮೊದಲ ODI ಪಂದ್ಯ ಯಾವಾಗ? ಈ ಚಾನೆಲ್​​ನಲ್ಲಿ ಫ್ರೀಯಾಗಿ ನೋಡಬಹುದು..

ಬಸ್​​ಡ್ರೈವರ್​ ನೀಡಿದ ಟಿಪ್ಸ್​ನ ಆನ್​ಫೀಲ್ಡ್​ನಲ್ಲಿ ರೈಲ್ವೇಸ್​​ ಟೀಮ್​ ಸಖತ್​ ಆಗಿ ವರ್ಕೌಟ್​ ಮಾಡಿತು. ಕೊಹ್ಲಿ ಬ್ಯಾಟಿಂಗ್​​ ಬಂದ ಬಳಿಕ ಆಫ್​​ ಸ್ಟಂಪ್​ ಲೈನ್​ಲ್ಲಿ ಸತತವಾಗಿ ಎಸೆತಗಳನ್ನ ಹಾಕಿ ಕೆಣಕಲು ಟ್ರೈ ಮಾಡ್ತು. ಸಿಕ್ಕಾಪಟ್ಟೆ conscious ಆಗಿದ್ದ ಕೊಹ್ಲಿ ಎಲ್ಲಾ ಎಸೆತ ಬಿಟ್ರು. ಇದ್ರ ನಡುವೇ ಹಿಮಾಂಶು ಸಂಗ್ವಾನ್​ ಒಂದು ಎಸೆತವನ್ನ ಒಳಗೆ ಹಾಕಿದ್ರು ಅಷ್ಟೇ. ಬಾಲ್​ ಬಡಿದ ರಭಸಕ್ಕೆ ಆಫ್​ ಸ್ಟಂಪ್​ ಒಂದು ರೌಂಡ್​ ವಾಕಿಂಗ್​ಗೆ ಹೋಯ್ತು.

ಟೆಸ್ಟ್​ನಲ್ಲೂ​, ರಣಜಿಯಲ್ಲೂ ಫ್ಲಾಪ್​​..!

ಟೆಸ್ಟ್​ನಲ್ಲಿ ಅಟ್ಟರ್​ ಫ್ಲಾಪ್​ ಪ್ರದರ್ಶನ ನೀಡಿದ ವಿರಾಟ್​​ ಕೊಹ್ಲಿ, ರಣಜಿ ಅಖಾಡದಲ್ಲೂ ಮಕಾಡೆ ಮಲಗಿದ್ದಾಯ್ತು. ಇದೀಗ 8 ತಿಂಗಳ ಅಂತರದ ಬಳಿಕ ಏಕದಿನ ಫಾರ್ಮೆಟ್​ ಕಮ್​ಬ್ಯಾಕ್​ ಮಾಡ್ತಿದ್ದಾರೆ. ವೈಟ್​​ಬಾಲ್​ ಫಾರ್ಮೆಟ್​ನಲ್ಲಾದ್ರೂ ಕೊಹ್ಲಿ ಫಾರ್ಮ್​​ಗೆ ಮರಳ್ತಾರಾ ಎಂಬ ಪ್ರಶ್ನೆ ಅಭಿಮಾನಿಗಳನ್ನ ಕಾಡ್ತಿದೆ. ಮಹತ್ವದ ಐಸಿಸಿ ಚಾಂಪಿಯನ್ಸ್​ ಟ್ರೋಫಿ ಸವಾಲು ಮುಂದಿರೋದ್ರಿಂದ, ಇಂಗ್ಲೆಂಡ್​ ಸರಣಿಯಲ್ಲಿ ಕೊಹ್ಲಿ ಪರ್ಫಾಮೆನ್ಸ್​ ಮೇಲೆ ಎಲ್ಲರ ಹದ್ದಿನ ಕಣ್ಣಿದೆ.

ಉಳಿದ ಫಾರ್ಮೆಟ್​ಗೆ ಹೋಲಿಸಿದ್ರೆ ಏಕದಿನ ಮಾದರಿಯಲ್ಲಿ ಕೊಹ್ಲಿ ಉತ್ತಮ ಫಾರ್ಮ್​ನಲ್ಲಿದ್ದಾರೆ. ಕಳೆದ 2 ವರ್ಷದ ಅವಧಿಯಲ್ಲಿ ಸಾಲಿಡ್​ ಆಟವಾಡಿದ್ದಾರೆ. ಈ ಟ್ರ್ಯಾಕ್​ ರೆಕಾರ್ಡ್​ ಸದ್ಯಕ್ಕೆ ಸಮಾಧಾನ ತರಿಸಿದೆ. ಆದ್ರೀಗ ಕೊಹ್ಲಿಯನ್ನ ಔಟ್​ ಮಾಡೋ ಕಲೆ ಸಾಮಾನ್ಯ ಬಸ್​​ ಡ್ರೈವರ್​ಗೂ ಗೊತ್ತಾಗಿದೆ. ಇಂಗ್ಲೆಂಡ್​ ಏಕದಿನ ಸರಣಿ ಹಾಗೂ ಚಾಂಪಿಯನ್ಸ್​ ಟ್ರೋಫಿ ಟೂರ್ನಿಯಲ್ಲಿ ​​ ಬೌಲರ್ಸ್​​ ಕೊಹ್ಲಿ ವೀಕ್​ನೆಸ್​ ಮೇಲೆ ದಾಳಿ ನಡೆಸೋದು ಕನ್​ಫರ್ಮ್​. ಆ ವೀಕ್​ನೆಸ್​ನ ಕೊಹ್ಲಿ ಮೆಟ್ಟಿ ನಿಲ್ತಾರಾ ಅನ್ನೋದೇ ದೊಡ್ಡ ಪ್ರಶ್ನೆ.

ಇದನ್ನೂ ಓದಿ: Pushpalatha: ಕಳಚಿದ ಮತ್ತೊಂದು ಹಿರಿಯ ಕೊಂಡಿ.. ಖ್ಯಾತ ನಟಿ ಪುಷ್ಪಲತಾ ನಿಧನ

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ 'ರನ್ ಭೂಮಿ' ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್