ಸುಮ್ನೆ ಈ ಕುರ್ಚಿಯಲ್ಲಿ ಕೂತ್ರೆ ಸಾಕು ಯಮನ ಪಾದ.. 300 ವರ್ಷದ ಚರಿತ್ರೆ ಹೇಳುತ್ತಿದೆ ಈ ಸಿಂಹಾಸನ!

ಪಟ್ಟಕ್ಕಾಗಿ ಚರಿತ್ರೆಯುದ್ಧಕ್ಕೂ ಯುದ್ಧಗಳೇ ನಡೆದಿವೆ. ಇಂದಿಗೂ ರಾಜಕಾರಣದಲ್ಲಿ ಕುರ್ಚಿಗಾಗಿ ಕುಸ್ತಿ ನಡೀತಾನೇ ಇದೆ. ತೀರಾ ಬಸ್​​ನಲ್ಲೂ ಸೀಟ್​ಗಾಗಿ ಜಗಳ ಆಗುತ್ತದೆ. ಆದರೇ, ಇಲ್ಲೊಂದು ಕುರ್ಚಿ ಇದೆ. ಆ ಕುರ್ಚಿ ಮೇಲೆ ಕುಳಿತುಕೊಳ್ಳೋದಕ್ಕೆ ಜನ ಅಕ್ಷರಶಃ ಬೆಚ್ಚಿಬೀಳ್ತಾರೆ. ಇದೊಂದು ಕುರ್ಚಿ ನೋಡಿದ ಕೂಡಲೇ ಜನ ಬೆವೆತು ಹೋಗುತ್ತಾರೆ.

ಬರೀ ಕುರ್ಚಿ ಅಲ್ಲ.. 

ಇದು ಸಾಮಾನ್ಯ ಕುರ್ಚಿ ಅಲ್ಲ. ಒಂದು ಕಾಲಕ್ಕೆ ಅವನೊಬ್ಬನ ಅಚ್ಚುಮೆಚ್ಚಿನ ಆರಾಮಾದ ಚೇರ್ ಆಗಿತ್ತು. ಆ ಚೇರ್​ ಮೇಲೆ ಯಾರೂ ಕೂರದಂತೆ ನೋಡಿಕೊಳ್ಳುತ್ತಿದ್ದ. ಇದೇ ಕುರ್ಚಿಗಾಗಿಯೇ ಕೊಲೆಯನ್ನು ಮಾಡಿದ. ಆ ಬಳಿಕ ಕೊಲೆಯ ಅಪರಾಧ ಸಾಬೀತಾಗಿ ಕೋರ್ಟ್​ ಮರಣದಂಡನೆ ವಿಧಿಸಿತ್ತು. ಇದೇ ಕುರ್ಚಿಗಾಗಿ ಪ್ರಾಣವನ್ನೂ ಕಳೆದುಕೊಂಡ. ಆ ಬಳಿಕ ಯಾರೇ ಈ ಕುರ್ಚಿ ಮೇಲೆ ಕುಳಿತರೂ ಕ್ಷಣಾರ್ಧದಲ್ಲಿ ಸಾಯುತ್ತಿದ್ದಾರೆ.. ಅತ್ಯಂತ ಭೀಕರ ಅನಿಸೋ ಚರಿತ್ರೆಯನ್ನು ಈ ಸಾವಿನ ಸಿಂಹಾಸನ ಹೇಳುತ್ತಿದೆ.

ಥಾಮಸ್​ ಬಿಸ್ಪಿ ಕುರ್ಚಿಗಾಗಿ ಜೀವ ತೆಗೆದಿದ್ದ

ಇದು 17ನೇ ಶತಮಾನದ ಅತ್ಯಂತ ಹಳೆಯ ಕುರ್ಚಿ. ಬ್ರಿಟನ್​​ನ ಉತ್ತರ ಯಾರ್ಕ್​ಶೈರ್​ನ ಥ್ರಿಷ್ಕ್ ಪಟ್ಟಣದಲ್ಲಿ ಥಾಮಸ್ ಬಸ್ಬಿ ಅನ್ನೋ ನಕಲಿ ನಾಣ್ಯ ತಯಾರಕ ಇದ್ದ. ಇವನಿಗೆ ಹೆಂಡ್ತಿ ಮಕ್ಕಳಿಗಿಂತ್ಲೂ ಹೆಚ್ಚಾಗಿ ಇವನ ಆರಾಮ್ ಚೇರ್​ ಮೇಲೆ ಪ್ರೀತಿ ಇತ್ತು. ಮತ್ತೊಬ್ಬರು ತನ್ನ ಕುರ್ಚಿ ಮೇಲೆ ಕೂರದಂತೆ ನೋಡಿಕೊಳ್ಳುತ್ತಿದ್ದ. ಒಮ್ಮೆ ಇವನ ಮಾವ ಡೇನಿಯಲ್ ಆ್ಯಟಿ ಸುಸ್ತಾಯ್ತು ಅಂತ ಇದೇ ಕುರ್ಚಿ ಮೇಲೆ ಕುಳಿತಿದ್ದ. ಆ ದೃಶ್ಯ ನೋಡಿ ಕೂಡಲೇ ಬಸ್ಬಿ ಮಾವನನ್ನು ಅಕ್ಷರಶಃ ಜೀವ ತೆಗೆದಿದ್ದ. ಕೋರ್ಟ್​ ಮರಣ ದಂಡನೆ ವಿಧಿಸಿತ್ತು.

ಇದನ್ನೂ ಓದಿ: 13 ವರ್ಷದ ವಿದ್ಯಾರ್ಥಿ ಜತೆ ಮಲಗಿ ಮಗು ಮಾಡಿಕೊಂಡ ಶಿಕ್ಷಕಿ; ಬೆಡ್​ರೂಮ್​​ನಲ್ಲಿ ಸಿಕ್ಕಿಬಿದ್ದಿದ್ದು ಹೇಗೆ? 

10ಕ್ಕೂ ಅಧಿಕ ಮಂದಿ ಜೀವ ಕಳೆದುಕೊಂಡಿದ್ದರು 

1704ರಲ್ಲಿ ಥಾಮಸ್ ಬಸ್ಪಿಯನ್ನು ಗಲ್ಲಿಗೇರಿಸಲಾಯಿತು. ಆ ದಿನದಿಂದ ಇಲ್ಲಿಯ ತನಕ ಸುಮಾರು 10ಕ್ಕೂ ಅಧಿಕ ಮಂದಿ ಈ ಕುರ್ಚಿ ಮೇಲೆ ಕೂತರೇ ಏನಾಗುತ್ತದೆ ಅನ್ನೋ ಹುಂಬ ಧೈರ್ಯ ಮಾಡಿ ಪರೀಕ್ಷಿಸೋದಕ್ಕೆ ಹೋಗಿ ಪ್ರಾಣ ಕಳೆದುಕೊಂಡಿದ್ದಾರೆ. ಬಸ್ಬಿಯ ಅತೃಪ್ತ ಆತ್ಮದಿಂದಾಗಿಯೇ ಇದೆಲ್ಲಾ ನಡೀತಿದೆ ಅಂತ ಜನ ಮಾತಾಡಿಕೊಳ್ಳುತ್ತಿದ್ದಾರೆ. 1967ರಲ್ಲೂ ಸಹ ರಾಯಲ್ ಏರ್​ ಫೋರ್ಸ್​​ನ ಬ್ರಿಟಿಷ್​ ಸೈನಿಕರಿಬ್ಬರು ಈ ಕುರ್ಚಿ ಮೇಲೆ ಕುಳಿತ ಕೂಡಲೇ ಪ್ರಾಣ ಬಿಟ್ಟರು. ಇದೇ ಕಾರಣಕ್ಕೆ ಈ ಕುರ್ಚಿಯನ್ನ ಜನ ಜೀವ ತೆಗೆಯುವ ಸಿಂಹಾಸನ ಅಂತಿದ್ದಾರೆ. ಇಂದಿಗೂ ಬ್ರಿಟನ್​ನ ಥ್ರಿಷ್ಕ್ ಮ್ಯೂಸಿಯಂನಲ್ಲಿರೋ ಈ ಕುರ್ಚಿ ಬೆಚ್ಚಿ ಬೀಳಿಸುತ್ತಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ