ಮಾತಿನಿಂದ ತೊಂದರೆ, ಈ ರಾಶಿಯ ಮನೆಯಲ್ಲಿ ಕಿರಿಕಿರಿ ಸಾಧ್ಯತೆ; ಇಲ್ಲಿದೆ ಇಂದಿನ ಭವಿಷ್ಯ

ಉಜ್ವಲ ಬದುಕಿಗೆ ಒಂದು ಕನಸು.. ಆ ಸುಂದರ ಕನಸಿಗೆ ಉತ್ತಮ ಭವಿಷ್ಯ ಇರಬೇಕು. ರಾಶಿ ಯಾವುದಾಗಿದ್ದರೇನು? ಕನಸು ನನಸು ಮಾಡಿಕೊಂಡು ಬದುಕಿನ ಸಾರ್ಥಕತೆಯ ಫಲ ಅನುಭವಿಸಬೇಕು ಅಂದರೆ ಅದಕ್ಕೆ ಪರಿಶ್ರಮ ಬೇಕೇಬೇಕು. ಈ ಪರಿಶ್ರಮಕ್ಕೆ ಒಂದಷ್ಟು ಒಳ್ಳೆಯ ಕೆಲಸಗಳ ಅನಿವಾರ್ಯತೆ ಬೆಸೆದುಕೊಂಡು ಬರುತ್ತವೆ. ವ್ಯಾಪಾರ, ಉದ್ಯೋಗ, ಹಣ, ಮದುವೆ, ಸಮಾರಂಭ, ಪ್ರವಾಸ, ಪ್ರೀತಿ, ಪ್ರೇಮ ಸೇರಿದಂತೆ ಸುಂದರ ಕನಸಿನ ಸಾಕಾರಕ್ಕಾಗಿ ಅದೆಷ್ಟೋ ಮಂದಿ ರಾಶಿ ಭವಿಷ್ಯ ನೋಡುವ ವಾಡಿಕೆ ಇದೆ. ಆ ನಿಮ್ಮ ಭವಿಷ್ಯದ ರಾಶಿಫಲ ಇಲ್ಲಿದೆ. ಖ್ಯಾತ ತಾಳೇಗರಿ ತಜ್ಞರು ಹಾಗೂ ಜ್ಯೋತಿಷಿಯಾಗಿರುವ ಡಾ.ಬೆಳವಾಡಿ ಹರೀಶ ಭಟ್ಟರು ನೀಡಿರುವ ನಿಮ್ಮ ರಾಶಿ ಭವಿಷ್ಯ ಈ ಕೆಳಗಿನಂತಿದೆ.

ಶ್ರೀ ವಿಶ್ವಾವಸುನಾಮ ಸಂವತ್ಸರ, ದಕ್ಷಿಣಾಯಣ, ವರುಷ ಋತು, ಶ್ರಾವಣ ಮಾಸ, ಶುಕ್ಲಪಕ್ಷ, ಅಷ್ಟಮಿ ತಿಥಿ, ಸ್ವಾತಿ ನಕ್ಷತ್ರ, ರಾಹುಕಾಲ ಶನಿವಾರ ಬೆಳಗ್ಗೆ 9.00 ರಿಂದ 10.30 ರವರೆಗೆ ಇರಲಿದೆ.

ಮೇಷ ರಾಶಿ

• ಮಾತಿನಿಂದ ತೊಂದರೆಯಾಗಿ ಕುಟುಂಬದ ಮೇಲೆ ಪರಿಣಾಮ ಬೀರಲಿದೆ
• ವೃತ್ತಿ ಮತ್ತು ವ್ಯಾಪಾರದಲ್ಲಿ ಅನುಕೂಲವಿದೆ
• ಮನೆ ಬದಲಾಯಿಸುವುದು ಸಧ್ಯಕ್ಕೆ ಬೇಡ
• ಮನೆಯಲ್ಲಿ ಕಿರಿಕಿರಿ ಆಗಬಹುದು
• ಆರೋಗ್ಯ, ಹಣ ಉತ್ತಮವಾಗಿರುತ್ತದೆ
• ಇಂದು ವಿದ್ಯಾರ್ಥಿಗಳಿಗೆ ಶುಭವಿದೆ
• ಸರಸ್ವತಿಯನ್ನು ಪ್ರಾರ್ಥಿಸಿ

ವೃಷಭ

• ಮಾನಸಿಕ ನೆಮ್ಮದಿ ಸಿಕ್ಕರೆ ಉಳಿದೆಲ್ಲಾ ನಿಮ್ಮ ವಶವಾಗಬಹುದು
• ನಿಮ್ಮ ಧಾರಾಳತೆಯಿಂದ ಬೇರೆಯವರಿಗೆ ಅನುಕೂಲವಿದೆ
• ಹಿರಿಯರ ಆಶ್ರಯದಿಂದ ಸಮಾಧಾನ ಸಿಗಲಿದೆ
• ಇಂದು ಯಾವುದೇ ವಿವಾದಗಳು ಬೇಡ
• ಕ್ರೀಡಾಪಟುಗಳು ವಿಶೇಷ ಎಚ್ಚರಿಕೆ ವಹಿಸಬೇಕು
• ಈ ದಿನ ಮಾನಸಿಕ ಶಾಂತಿ ಕಡಿಮೆ ಇರಲಿದೆ
• ಗರ್ಭಿಣಿ ಸ್ತ್ರೀಯರು ಎಚ್ಚರವಹಿಸಬೇಕು
• ಕೃಷ್ಣನನ್ನು ತುಳಸಿಯಿಂದ ಪೂಜಿಸಿ

ಮಿಥುನ

• ಅಪರಿಚಿತ ವ್ಯಕ್ತಿಯೊಂದಿಗೆ ವಿವಾದ ಆಗಬಹುದು
• ಆರ್ಥಿಕ ತೊಂದರೆಯಿಲ್ಲ, ಮಕ್ಕಳ ಬಗ್ಗೆ ಎಚ್ಚರಿಕೆಯಿರಲಿ
• ಕೇವಲ ಹಣದಿಂದ ಏನೂ ಸಾಧಿಸಲಾಗದು ಎಂದು ತಿಳಿಯಬೇಕಾದ ದಿನ
• ಮನೆಯ ಸಮಸ್ಯೆಗಳಿಂದ ಉದ್ವೇಗಗೊಳ್ಳುತ್ತೀರಿ
• ಮಾನಸಿಕ ಧೈರ್ಯ ಕಡಿಮೆ ಆಗುವುದರಿಂದ ಬೇಸರ
• ಊಹಾಪೋಹಗಳಿಂದ ಮಾನಸಿಕ ಖಿನ್ನತೆ ಉಂಟಾಗಲಿದೆ
• ಗೋವಿಗೆ ಅಕ್ಕಿಬೆಲ್ಲ ನೀಡಿ

ಕಟಕ

• ಕೌಟುಂಬಿಕ ಸಾಮರಸ್ಯದಿಂದ ಸಂತೋಷ ಅನುಭವಿಸಿ
• ನಿಮ್ಮ ವ್ಯವಹಾರದಿಂದ ಬೇರೆಯವರಿಗೆ ಲಾಭ
• ಯಾರನ್ನೂ ಹೆಚ್ಚು ಹಚ್ಚಿಕೊಳ್ಳಬೇಡಿ ದುಃಖ ಆಗಬಹುದು
• ಇಂದು ಮಕ್ಕಳಿಂದ ಖುಷಿ ಸಿಗಲಿದೆ
• ಆಹಾರ ವ್ಯತ್ಯಯ ಆಗುವುದರಿಂದ ಆರೋಗ್ಯ ವ್ಯತ್ಯಾಸ ಆಗಬಹುದು
• ಮನಸ್ಸಿಗೆ ನೆಮ್ಮದಿಯಿಂದಿರುವ ದಿನ
• ಶ್ರೀರಾಮನನ್ನು ಪ್ರಾರ್ಥಿಸಿ

ಸಿಂಹ 

• ಶಿಕ್ಷಣರಂಗದ ವ್ಯಕ್ತಿಗಳಿಗೆ ಅನುಕೂಲವಿದೆ
• ಬೇರೆಯವರ ಕಷ್ಟದ ಪರಿಸ್ಥಿತಿಯನ್ನು ಅರ್ಥಮಾಡಿಕೊಳ್ಳಬೇಕು
• ಬಂಧುಗಳಿಂದ ಸಹಾಯ, ಅನುಕೂಲವಿದೆ
• ಇಂದು ಯಶಸ್ಸಿದೆ ಪ್ರಯತ್ನ ಮಾಡಿ
• ಇಂದು ನಿಮ್ಮ ಮನಸ್ಥಿತಿಯನ್ನು ಹಾಗೇ ಕಾಯ್ದುಕೊಳ್ಳಿ
• ಈ ದಿನ ಸಾಲಗಾರರ ಕಾಟ ಕಾಡಬಹುದು
• ರಾಜರಾಜೇಶ್ವರಿಯನ್ನು ಅರ್ಚಿಸಿ

ಕನ್ಯಾ

• ಕಾರ್ಯಕ್ಷೇತ್ರಗಳಲ್ಲಿ ಶೀಘ್ರ ಬದಲಾವಣೆಯಾಗಬಹುದು
• ಇಂದು ಪ್ರೇಮಿಗಳಿಗೆ ಉತ್ತಮ ದಿನ
• ನಿಮ್ಮ ಸಂತೋಷವನ್ನು ಬೇರೆಯವರಿಗೆ ಹಂಚಿ
• ಬೇರೆಯವರ ಕಷ್ಟವನ್ನು ನಿಮ್ಮ ಹತ್ತಿರ ಹೇಳಿಕೊಳ್ಳಬಹುದು
• ಬೇರೆಯವರ ಪ್ರೀತಿಗೆ ನೀವು ಪಾತ್ರರಾಗಬಹುದು
• ಹಣದ ವಿಚಾರದಲ್ಲಿ ನಿಮ್ಮ ಆದಾಯ ಗಮನಿಸಿ
• ಇಷ್ಟದೇವತಾ ಪ್ರಾರ್ಥನೆ

ತುಲಾ

• ಮಾನಸಿಕ ದುಃಖ ನಿಮ್ಮನ್ನು ಕಾಡಬಹುದು
• ಮನೆಯಲ್ಲಿ ಪರಸ್ಪರ ಅನ್ಯೋನ್ಯತೆ ಕಾಪಾಡಿಕೊಳ್ಳಬೇಕು
• ಇಂದು ನಿಮ್ಮ ಹತ್ತಿರ ಹಣ ಇರಲಿದೆ ಆದರೆ ನೆಮ್ಮದಿಯಿಲ್ಲ 
• ನಿಮ್ಮನ್ನು ನೀವು ಅರ್ಥ ಮಾಡಿಕೊಳ್ಳಬೇಕು
• ನಿಮ್ಮ ಮಾತಿನಿಂದಲೇ ಅವಮಾನ ಪಡುತ್ತೀರಿ
• ಇಂದು ಆರೋಗ್ಯವನ್ನು ಕಾಪಾಡಿಕೊಳ್ಳಬೇಕು
• ದುರ್ಗಾದೇವಿಯನ್ನು ಪ್ರಾರ್ಥಿಸಿ

ವೃಶ್ಚಿಕ

• ವೈವಾಹಿಕ ಜೀವನದ ಏರಿಳಿತಗಳ ಅನುಭವ ಆಗಲಿದೆ
• ಇಂದು ಶ್ರಮಕ್ಕೆ ತಕ್ಕ ಪ್ರತಿಫಲ ಸಿಗಲಿದೆ
• ಸಾಮಾಜಿಕ ಕಾರ್ಯಕ್ರಮದಲ್ಲಿ ಭಾಗಿಯಾಗುತ್ತೀರಿ
• ಆಧ್ಯಾತ್ಮಿಕ ಲಾಭಕ್ಕಾಗಿ ಧ್ಯಾನ, ಯೋಗ ಮಾಡಿ
• ಇಂದು ಪ್ರೇಮಿಗಳಿಗೆ ಸಾಧಾರಣವಾದ ದಿನ 
• ನಿಮ್ಮ ಬುದ್ಧಿವಂತಿಕೆ ಕೆಲಸ ಮಾಡುತ್ತದೆ
• ವಿಷ್ಣುವನ್ನು ಸ್ಮರಿಸಿ

ಧನುಸ್ಸು

• ಮಧ್ಯವರ್ತಿಗಳಿಂದ ನಿಮ್ಮ ಕೆಲಸಕ್ಕೆ ತೊಂದರೆಯಾಗಬಹುದು
• ಹಣ ಬರುತ್ತದೆ, ಅಪಮಾನವೂ ಇರುತ್ತದೆ
• ಪ್ರಯತ್ನ ಪೂರ್ವಕವಾಗಿ ಸಂತೋಷ ಪಡಬೇಕು
• ಈ ದಿನ ಕೋಪ ನಿಯಂತ್ರಣದಲ್ಲಿರಲಿ
• ಕೆಲವು ಗಂಭೀರ ಸಮಸ್ಯೆಗಳು ಎದುರಾಗುತ್ತವೆ
• ಕುಟುಂಬ ಸಂಘರ್ಷ ಉಂಟಾಗಬಹುದು
• ಈಶ್ವರಾರಾಧನೆ ಮಾಡಿ

ಮಕರ

• ವಾದ-ವಿವಾದಗಳ ಸುಳಿಯಲ್ಲಿ ಸಿಲುಕುತ್ತೀರಿ
• ದಾಂಪತ್ಯದಲ್ಲಿ ಅಭಿಪ್ರಾಯ ಭೇದ
• ಇಂದು ಆಹಾರ ನಿಯಂತ್ರಣದಲ್ಲಿರಲಿ
• ಬೇರೆಯವರ ಅವಲಂಬನೆ ಬೇಡ
• ವೃತ್ತಿಯಲ್ಲಿ ಆರ್ಥಿಕ ನಷ್ಟ ಆಗಬಹುದು
• ಕುಲದೇವತಾ ಆರಾಧನೆ ಮಾಡಿ

ಕುಂಭ

• ಹಳೆಯ ಗೆಳೆಯರ ಸಂಪರ್ಕದಿಂದ ಸಮಸ್ಯೆಯಾಗಬಹುದು
• ಹೊಸ ವಸ್ತ್ರ ಖರೀದಿ ವಿಚಾರದಲ್ಲಿ ನಿರಾಸೆ ಆಗಬಹುದು
• ಕುಟುಂಬ ಸದಸ್ಯರ ಬಗ್ಗೆ ಕಾಳಜಿಯಿರಲಿ
• ಸಮಯೋಚಿತ ಬದಲಾವಣೆಗೆ ಆದ್ಯತೆ ನೀಡಿ
• ಆರ್ಥಿಕ ಸಮಸ್ಯೆಯಿರುವುದಿಲ್ಲ
• ನವಗ್ರಹರ ಆರಾಧನೆ ಮಾಡಿ

ಮೀನ

• ಮಕ್ಕಳೊಂದಿಗೆ ನಿಮ್ಮ ಅಮೂಲ್ಯವಾದ ಸಮಯ ಕಳೆಯುತ್ತೀರಿ
• ಸಹೋದರರ ಸಹಕಾರ ಸಿಗಲಿದೆ
• ಯಾವುದೇ ರೀತಿಯ ಹೊಸ ವ್ಯವಹಾರ ಬೇಡ
• ವೃತ್ತಿಯಲ್ಲಿ ಸ್ವಲ್ಪ ವ್ಯತ್ಯಯ ಆಗಬಹುದು
• ಹಳೆಯ ನೆನಪಿನಿಂದ ಸಂತೋಷ ಸಿಗಲಿದೆ
• ಹಣದ ವಿಚಾರದಲ್ಲಿ ಸ್ವಲ್ಪ ಸಮಸ್ಯೆಯಾಗಬಹುದು
• ಲಕ್ಷ್ಮಿದೇವಿ ಪ್ರಾರ್ಥನೆ ಮಾಡಿ

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ