ಟೆನ್ಶನ್.. ಟೆನ್ಶನ್.. ಟೆನ್ಶನ್.. ಆರ್​ಸಿಬಿ ಕ್ಯಾಂಪ್​ನ ಚಿಂತೆಗೆ ದೂಡಿದ ಒಬ್ಬ ಆಟಗಾರ..!

ಟೆನ್ಶನ್.. ಟೆನ್ಶನ್.. ಟೆನ್ಶನ್..! ಆರ್​ಸಿಬಿ ಕ್ಯಾಂಪ್​ನಲ್ಲಿ ಟೆನ್ಶನ್.. ಟೆನ್ಶನ್.. ಕೋಚ್​ ಌಂಡಿ ಫ್ಲವರ್ ಟೆನ್ಶನ್.. ಟೀಮ್ ಮ್ಯಾನೇಜ್ಮೆಂಟ್​ಗೂ ಕೂಡ​ ಟೆನ್ಶನ್.. ಅಷ್ಟಕ್ಕೂ ಮಹತ್ವದ ಪಂದ್ಯದಕ್ಕೂ ಮುನ್ನ, ಟೆನ್ಶನ್ ಯಾಕೆ..? ಆರ್​ಸಿಬಿ ತಂಡದಲ್ಲಿ ಏನಾಗ್ತಿದೆ..? ಲಕ್ನೋ ವಿರುದ್ಧ ಗೆಲ್ಲೋಕೆ ಗೇಮ್​​ಪ್ಲಾನ್ ರೂಪಿಸಬೇಕಿದ್ದ ಆರ್​ಸಿಬಿ, ಆ ಒಬ್ಬ ಆಟಗಾರನ ಬಗ್ಗೆ ಹೆಚ್ಚು ತಲೆಕೆಡಿಸಿಕೊಂಡಿದೆ. ಆ ಆಟಗಾರ ಸಾಮನ್ಯ ಆಟಗಾರ ಅಲ್ಲ.. ಆತನೇ ಆರ್​ಸಿಬಿ ತಂಡದ ಸಾರಥಿ, ರಜತ್ ಪಾಟೀದಾರ್.

ಪಾಟೀದಾರ್ ಕೈಕೊಟ್ರೆ RCB ಮಿಡಲ್ ಆರ್ಡರ್ ಖಲಾಸ್

ಆರ್​ಸಿಬಿಗೆ ಮಿಡಲ್ ಆರ್ಡರ್ ಬ್ಯಾಟಿಂಗ್​​ಲೈನ್​​ ಅಪ್​ದೇ ಚಿಂತೆ. ಫಸ್ಟ್ ಹಾಫ್​ನಲ್ಲಿ ಆರ್​ಸಿಬಿ, ಮಿಡಲ್ ಆರ್ಡರ್​​ ಬ್ಯಾಟಿಂಗ್ ಸಖತ್ ಸ್ಟ್ರಾಂಗ್ ಆಗಿತ್ತು. ನಾಯಕ ರಜತ್ ಪಾಟೀದಾರ್, ಮಿಡಲ್ ಆರ್ಡರ್​ನಲ್ಲಿ ಕಲ್ಲುಬಂಡೆಯಂತೆ ನಿಂತು ಬ್ಯಾಟಿಂಗ್ ನಡೆಸುತ್ತಿದ್ರು. ತಂಡಕ್ಕೆ ಬಲ ತುಂಬಿ ನೆರವಾಗ್ತಿದ್ರು. ಸೆಕೆಂಡ್ ಆಫ್​ನಲ್ಲಿ ಕ್ಯಾಪ್ಟನ್ ಸಾಭ್, ಫುಲ್ ಡಲ್ ಆಗ್ಬಿಟ್ಟಿದ್ದಾರೆ. ಪಾಟೀದಾರ್ ವೈಫಲ್ಯದಿಂದ ಆರ್​ಸಿಬಿ ಮಿಡಲ್ ಆರ್ಡರ್, ಕೊಲ್ಯಾಪ್ಸ್ ಆಗ್ತಿದೆ.

ಮೊದಲ 4 ಪಂದ್ಯಗಳಲ್ಲಿ ಪಾಟೀದಾರ್ ಸೂಪರ್​ಹಿಟ್

ಐಪಿಎಲ್ ಸೀಸನ್-18ರ ಆರಂಭದಲ್ಲಿ ರಜತ್ ಪಾಟೀದಾರ್, ಅದ್ಭುತ ಬ್ಯಾಟಿಂಗ್ ನಡೆಸಿದ್ರು. ನಾಯಕನಾದ ಹೊಸದರಲ್ಲಿ ಪಾಟೀದಾರ್ ಪರ್ವ, ಸಿಕ್ಕಾಪಟ್ಟೇ ಜೋರಾಗಿತ್ತು. ಎದುರಾಳಿ ಬೌಲರ್​ಗಳ ಮೇಲೆ ಸವಾರಿ ಮಾಡೋದೇನು..? ಬೌಂಡರಿ, ಸಿಕ್ಸರ್​ಗಳು ಸಿಡಿಸೋದೇನು..? ಅಬ್ಬಬ್ಬಬ್ಬಾ..! ನೋಡೋಕೆ ಎರಡು ಕಣ್ಣು ಸಾಕಾಗ್ತಿರಲಿಲ್ಲ. ಮಿಡಲ್​ ಆರ್ಡರ್​​ನಲ್ಲಿ ಪಾಟೀದಾರ್​​​ರ ಡಿಸ್ಟ್ರಕ್ಟೀವ್ ಬ್ಯಾಟಿಂಗ್ ನೋಡಿ, ಅದೆಷ್ಟೋ ಮಂದಿ, ಆರ್​ಸಿಬಿ ನಾಯಕನ ಬ್ಯಾಟಿಂಗ್​​ಗೆ ಫಿದಾ ಆಗ್ಬಿಟ್ರು.

ಇದನ್ನೂ ಓದಿ: RCB ಗೆಲ್ಲಲು ಈ ಫಾರ್ಮುಲಾ ಬೇಕೇಬೇಕು.. ಇವತ್ತು ಯಾರ ಕೊಡುಗೆ ತುಂಬಾನೇ ಮುಖ್ಯ ಗೊತ್ತಾ..?

ಕ್ಯಾಪ್ಟನ್ ಸೂಪರ್​​ಹಿಟ್

ಮೊದಲ 4 ಪಂದ್ಯಗಳಲ್ಲಿ ರಜತ್ ಪಾಟೀದಾರ್, 40.25ರ ಬ್ಯಾಟಿಂಗ್ ಸರಾಸರಿಯಲ್ಲಿ 161 ರನ್​ ಸಿಡಿಸಿದ್ರು. 175ರ ಸ್ಟ್ರೈಕ್​ರೇಟ್​​ನಲ್ಲಿ ಪಾಟೀದಾರ್ ರನ್​ಗಳಿಸಿದ್ರು. ಮೊದಲ 4 ಪಂದ್ಯಗಳಲ್ಲಿ ಸೂಪರ್​ಹಿಟ್ ಆಗಿದ್ದ ಪಾಟೀದಾರ್, ನಂತರ ನಡೆದ 7 ಪಂದ್ಯಗಳಲ್ಲಿ ಸೂಪರ್ ಫ್ಲಾಪ್ ಆಗಿದ್ದಾರೆ. ರನ್​​ಗಳಿಸೋದು ಇರಲಿ, ಕ್ರೀಸ್​​ನಲ್ಲಿ ಸೆಟಲ್ ಆಗೋಕೂ ಪಾಟೀದಾರ್ ಪರದಾಡುತ್ತಿದ್ದಾರೆ. ಮಿಡಲ್ ಆರ್ಡರ್​​ನಲ್ಲಿ ಸ್ಪಿನ್ ಬೌಲರ್​ಗಳನ್ನ ಅಟ್ಟಾಡಿಸಿಕೊಂಡು ಹೊಡೆಯುತ್ತಿದ್ದ ಪಾಟೀದಾರ್ ಬ್ಯಾಟ್​ ಈಗ ಇದ್ದಕ್ಕಿದಂತೆ ಫುಲ್ ಸೈಲೆಂಟ್ ಆಗ್ಬಿಟ್ಟಿದೆ. ಪಾಟೀದಾರ್​ರ ಫ್ಲಾಪ್ ಶೋ, ತಂಡದ ಮೇಲೆ ದೊಡ್ಡ ಪರಿಣಾಮ ಬೀರಿದೆ.

ಕ್ಯಾಪ್ಟನ್ ಅಟ್ಟರ್​ ಫ್ಲಾಪ್

ಕಳೆದ 7 ಪಂದ್ಯಗಳಲ್ಲಿ ರಜತ್ ಪಾಟೀದಾರ್ 13.71 ಬ್ಯಾಟಿಂಗ್ ಸರಾಸರಿ ಹೊಂದಿದ್ದಾರೆ. ಕೇವಲ 96 ರನ್​ಗಳಿಸಿರುವ ಪಾಟೀದಾರ್​​ ಸ್ಟ್ರೈಕ್​ರೇಟ್, ಜಸ್ಟ್ 102. ಇತ್ತೀಚಿನ ಪಂದ್ಯಗಳಲ್ಲಿ ರಜತ್ ಪಾಟೀದಾರ್ ಬ್ಯಾಟಿಂಗ್​​ ರೆಕಾರ್ಡ್ಸ್​ ನೋಡ್ತಿದ್ರೆ, ಗಾಬರಿಯಾಗುತ್ತದೆ. ಮುಂಬೈ ಇಂಡಿಯನ್ಸ್ ಮತ್ತು ಚೆನ್ನೈ ಸೂಪರ್​​ಕಿಂಗ್ಸ್​ ವಿರುದ್ಧದ ಆ ಎರಡು ಪಂದ್ಯಗಳನ್ನ ಬಿಟ್ರೆ, ಪಾಟೀದಾರ್ ಬ್ಯಾಟಿಂಗ್ ಪರ್ಫಾಮೆನ್ಸ್​ ಹೇಳಿಕೊಳ್ಳುವಂತಿಲ್ಲ. ನಾಯಕನ ಫ್ಲಾಪ್ ಶೋ ಬಗ್ಗೆ, ಕೋಚ್​​​​​ ಌಂಡಿ ಫ್ಲವರ್ ಮತ್ತು ಟೀಮ್ ಮ್ಯಾನೇಜ್ಮೆಂಟ್ ಸಿಕ್ಕಾಪಟ್ಟೆ ತಲೆಕೆಡಿಸಿಕೊಂಡಿದೆ.

ಗಾಯದ ಸಮಸ್ಯೆ..!

ನಾಯಕ ರಜತ್ ಪಾಟೀದಾರ್​ಗೆ ಎದುರಾಗಿರೋ ಸಮಸ್ಯೆ ಒಂದರೆಡಲ್ಲ. ಬ್ಯಾಟಿಂಗ್ ಫಾರ್ಮ್​ ಕಳೆದುಕೊಂಡಿರುವ ಪಾಟೀದಾರ್, ಒಂದೊಂದು ರನ್​​ಗಳಿಸೋಕೂ ಪರದಾಡ್ತಿದ್ದಾರೆ. ಇದೆಲ್ಲದರ ನಡುವೆ ಇಂಜುರಿ ಸಮಸ್ಯೆ ಎದುರಿಸ್ತಿರೋ ಪಾಟೀದಾರ್, ನಾಯಕತ್ವದಿಂದಲೂ ದೂರ ಉಳಿದಿದ್ದಾರೆ. ಕಳೆದ ಪಂದ್ಯದಲ್ಲಿ ಪಾಟೀದಾರ್, ಕೇವಲ ಇಂಪ್ಯಾಕ್ಟ್​​ ಪ್ಲೇಯರ್ ಆಗಿ ಕಣಕ್ಕಿಳಿದಿದ್ರು. ಆದ್ರೆ ಪಾಟೀದಾರ್, ತನ್ನ ಬ್ಯಾಟಿಂಗ್​ನಿಂದ ಇಂಪ್ಯಾಕ್ಟ್ ಮಾಡಲೇ ಇಲ್ಲ.​

ಇದನ್ನೂ ಓದಿ: ಪ್ರಜ್ವಲ್ ರೇವಣ್ಣಗೆ ಮಾಜಿ ಕಾರು ಚಾಲಕನಿಂದ ಮತ್ತೆ ಸಂಕಷ್ಟ.. ಕೋರ್ಟ್​ಗೆ ನೀಡಿದ ಹೇಳಿಕೆಯಲ್ಲಿ ಏನೇನಿದೆ..?

RCBಗೆ ಸಾರಥಿಯ ಚಿಂತೆ.!

ಕೈಗೆ ಗಾಯಮಾಡಿಕೊಂಡಿರುವ ರಜತ್ ಪಾಟೀದಾರ್, ಲಕ್ನೋ ವಿರುದ್ಧದ ಪಂದ್ಯಕ್ಕೆ ಫಿಟ್ಟಾ-ಅನ್​ಫಿಟ್ಟಾ ಅನ್ನೋದು ಗೊತ್ತಿಲ್ಲ. ಒಂದು ವೇಳೆ ಪಾಟೀದಾರ್ಗೆ ಗಾಯ ಇನ್ನೂ ವಾಸಿಯಾಗದೇ ಇದ್ರೆ, ಆರ್​ಸಿಬಿ ತಂಡಕ್ಕೆ ದೊಡ್ಡ ಸೆಟ್​ಬ್ಯಾಕ್ ಆಗೋದ್ರಲ್ಲಿ ಯಾವುದೇ ಅನುಮಾನವಿಲ್ಲ. ಹಂಗಾಮಿ ನಾಯಕ ಅನಾನುಭವಿ ಜಿತೇಶ್ ಶರ್ಮಾ, ನಾಯಕನ ಪೋಸ್ಟ್​ಗೆ ಸೂಟ್ ಆಗ್ತಿಲ್ಲ. ಜಿತೇಶ್ ಕ್ಯಾಪ್ಟೆನ್ಸಿ ಸ್ಟೈಲ್, ಬೆಂಗಳೂರು ತಂಡಕ್ಕೆ ಪ್ರಯೋಜನವಾಗ್ತಿಲ್ಲ. ಸೋ, ಪಾಟೀದಾರ್​ರ ಫಿಟ್ನೆಸ್​​​​​ ರಿಪೋರ್ಟ್​​ ಮೇಲೆ ಎಲ್ಲರ ಚಿತ್ತ ನೆಟ್ಟಿದೆ.

ಟೂರ್ನಿಯಲ್ಲಿ ತನ್ನ ಗೆಲುವಿನ ಓಟದಿಂದ ಪ್ಲೇ-ಆಫ್​​ಗೆ ಎಂಟ್ರಿ ಕೊಟ್ಟಿರುವ ಆರ್​ಸಿಬಿಗೆ, ಕಪ್​ ಗೆಲ್ಲೋಕೂ ಮುನ್ನ ಸಮಸ್ಯೆಗಳ ಮೇಲೆ ಸಮಸ್ಯೆಗಳು ಎದುರಾಗಿವೆ.

ಇದನ್ನೂ ಓದಿ: ಆಘಾತಕಾರಿ ಸುದ್ದಿ.. ನಿನ್ನ ಅಕ್ರಮ ಸಂಬಂಧ ಬಹಿರಂಗ ಮಾಡ್ತೀನಿ ಎಂದು ಡೆವಲಪರ್​​​ಗೇ AI ಬ್ಲ್ಯಾಕ್​ಮೇಲ್..!