RCBಗೋಸ್ಕರ ಮದುವೆ ಮುಂದೂಡಿದ್ದ ಕ್ಯಾಪ್ಟನ್ ಪಾಟಿದಾರ್‌.. ರಜತ್ ತ್ಯಾಗದ ಸ್ಟೋರಿ ನಿಮ್ಗೆ ಗೊತ್ತಾ?

18 ವರ್ಷಗಳ ತಪಸ್ಸಿಗೆ ಈ ದಿನ ಫಲ ಸಿಗಲಿದೆ ಎಂದು ಕನ್ನಡಿಗರು ಕಾದು ಕೂತಿದ್ದಾರೆ. ಈ ಬಾರಿಯ ಐಪಿಎಲ್​ನ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಟೀಮ್​ನ ಕ್ಯಾಪ್ಟನ್‌ ರಜತ್ ಪಾಟಿದಾರ್ ಕುರಿತ 3 ವರ್ಷಗಳ ಹಿಂದಿನ ಸೀಕ್ರೆಟ್​ ಒಂದು ಹೊರ ಬಿದ್ದಿದೆ.

2025ರ ಐಪಿಎಲ್​ನ ಆರ್​ಸಿಬಿ ಲೀಡರ್​​ ಕೊಹ್ಲಿ ಅಲ್ಲ, ರಜತ್ ಪಾಟಿದಾರ್ ಅನ್ನೋದು ಎಲ್ಲರಿಗೂ ಗೊತ್ತಿದೆ. ಆದ್ರೆ ರಜತ್​ ಪಾಟಿದಾರ್​ ಇದೇ ಐಪಿಎಲ್​ಗಾಗಿ ಒಂದು ತ್ಯಾಗ ಮಾಡಿದ್ದಾರೆ.

ಕ್ರಿಕೆಟ್​ ಮೇಲೆ ವ್ಯಾಮೋಹ ಬೆಳೆಸಿಕೊಂಡು, 2015ರಲ್ಲಿ ಎಂಟ್ರಿ ಕೊಟ್ಟಿದ್ದ ಪಾಟಿದಾರ್​​ ಅವರು 2021ರಲ್ಲೇ ಆರ್‌ಸಿಬಿ ತಂಡ ಸೇರಿದ್ದರು. 2022ರ ಐಪಿಎಲ್ ಹರಾಜಿನಲ್ಲಿ ಇಲ್ಲದೇ ಇದ್ದರೂ, ರಜತ್‌ಗೆ ಬದಲಿ ಆಟಗಾರನಾಗುವ ಚಾನ್ಸ್​​ ಸಿಕ್ಕಿತ್ತು.

2022ರ ಐಪಿಎಲ್​ನಲ್ಲಿ ಲಕ್ನೋ ಸೂಪರ್ ಜೈಂಟ್ಸ್ ವಿರುದ್ಧದ ಎಲಿಮಿನೇಟರ್‌ನಲ್ಲಿ ರಜತ್​ ಸಿಡಿಸಿದ್ದ ಭರ್ಜರಿ ಶತಕ ರಜತ್​​ ಜೀವನಕ್ಕೆ ತಿರುವು ಕೊಟ್ಟಿತ್ತು. ಆದರೆ ಇಲ್ಲಿ ಮತ್ತೊಂದು ರೋಚಕ ವಿಷಯ ಇದೆ.

ಇದನ್ನೂ ಓದಿ: RCB VS PBKS ಫೈನಲ್ ಮ್ಯಾಚ್ ಆರಂಭಕ್ಕೂ ಮೊದಲೇ ಶಾಕಿಂಗ್ ನ್ಯೂಸ್.. 

ರಜತ್ ಪಾಟಿದಾರ್ ಪ್ರೀತಿಸಿದ್ದ ಗುಂಜನ್ ಪಾಟಿದಾರ್‌ ಜೊತೆ ಮದುವೆ ದಿನಾಂಕ ಅನೇಕ ಬಾರಿ ನಿಶ್ಚಯವಾಗಿತ್ತು. ಆದರೆ ಕ್ರಿಕೆಟ್​ ಮೇಲೆ ಪ್ರೀತಿಗೆ, ಕ್ರಿಕೆಟ್​ನ ಬದ್ಧತೆಗೆ ರಜತ್​​ ತಲೆ ಬಾಗಿದ್ದ. ಹಾಗಾಗಿ ಗುಂಜನ್​ ಜೊತೆ ಮದುವೆಯನ್ನ ಪದೇ ಪದೇ ಮುಂದೂಡಿಕೊಂಡೆ ಬಂದಿದ್ದರಂತೆ. ಅದೇ ರೀತಿ 2022ರ ಮೇ 9, ಐಪಿಎಲ್ ಸಮಯದಲ್ಲೇ ರಜತ್​ಗೆ ಮದುವೆ ಫಿಕ್ಸ್​​ ಆಗಿತ್ತು. ಇಂದೋರ್‌ನಲ್ಲಿ ಹೋಟೆಲ್ ಸಹ ಬುಕ್ ಆಗಿಬಿಟ್ಟಿತ್ತು. ಅದೇ ಸಮಯಕ್ಕೆ ರಜತ್​ಗೆ ಆರ್‌ಸಿಬಿ ಟೀಮ್​ನಲ್ಲಿ ಬದಲಿ ಆಟಗಾರನಾಗಿ ಕರೆಯಲಾಗಿತ್ತು. ಹಾಗಾಗಿ ರಜತ್ ಪಾಟಿದಾರ್ ಗುಂಜನ್ ಮದುವೆ ಆಗ ಕೂಡ ಮುಂದೂಡಲಾಗಿತ್ತು.

ಕೊನೆಗೆ IPL ಮುಗಿದ ಮೇಲೆ 2022ರ ಜುಲೈನಲ್ಲಿ ರಜತ್, ಗುಂಜನ್ ಪಾಟಿದಾರ್ ವಿವಾಹ ನೆರವೇರಿದೆ. ರಜತ್ ಪಾಟಿದಾರ್​​ರ ನಾಯಕತ್ವ, ಅವರ ಬದ್ಧತೆ ಆರ್‌ಸಿಬಿ ಅಭಿಮಾನಿಗಳನ್ನ ಹೃದಯ ಗೆದ್ದಿದೆ. ಈಗ ತಮ್ಮ ಕಠಿಣ ಶ್ರಮದಿಂದ ರಜತ್ ಪಾಟಿದಾರ್ ಮೊದಲ ಬಾರಿಗೆ ಐಪಿಎಲ್‌ ಕಪ್‌ ಗೆಲ್ಲೋ ಉತ್ಸಾಹದಲ್ಲಿದ್ದಾರೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ