ಟೀಮ್​ ಇಂಡಿಯಾಗೆ ದೊಡ್ಡ ಆಘಾತ; ಕೊಹ್ಲಿ, ರೋಹಿತ್​ ನಿವೃತ್ತಿಗೆ ಹೆಚ್ಚಿದ ಒತ್ತಡ; ಕಾರಣವೇನು?

ಟೀಮ್​​ ಇಂಡಿಯಾದ ಸ್ಟಾರ್​​ ಜೋಡಿ ಕ್ಯಾಪ್ಟನ್​ ರೋಹಿತ್​ ಶರ್ಮಾ ಮತ್ತು ಮಾಜಿ ನಾಯಕ ವಿರಾಟ್​​ ಕೊಹ್ಲಿ. ಇವರಿಬ್ಬರಿಗೆ ಟೀಮ್​ ಇಂಡಿಯಾದಲ್ಲಿ ಯಾವಾಗಲೂ ಅಗ್ರಸ್ಥಾನ. ಭಾರತ ಕ್ರಿಕೆಟ್​​ ತಂಡ 2024ರ ಟಿ20 ವಿಶ್ವಕಪ್​​ ಚಾಂಪಿಯನ್​ ಆಗಲು ಈ ಜೋಡಿಯೇ ಕಾರಣ. ಟೀಮ್​ ಇಂಡಿಯಾ ಟಿ20 ವಿಶ್ವಕಪ್ ಗೆದ್ದ ಬೆನ್ನಲ್ಲೇ ರೋಹಿತ್​​ ಶರ್ಮಾ, ವಿರಾಟ್​ ಕೊಹ್ಲಿ ಶಾರ್ಟೆಸ್ಟ್​ ಫಾರ್ಮೇಟ್​ ಕ್ರಿಕೆಟ್​ನಿಂದ ನಿವೃತ್ತಿಯಾದ್ರು. ಈಗ ಕೇವಲ ಏಕದಿನ ಮತ್ತು ಟೆಸ್ಟ್​​​ ಕ್ರಿಕೆಟ್​ ತಂಡದ ಭಾಗವಾಗಿದ್ದಾರೆ. ಈ ಮಧ್ಯೆ ಕೊಹ್ಲಿ, ರೋಹಿತ್​​ ನಿವೃತ್ತಿ ಆಗಲಿದ್ದಾರೆ ಅನ್ನೋ ಚರ್ಚೆ ಜೋರಾಗಿದೆ.

ಇತ್ತೀಚೆಗೆ ನಡೆದ ಟೆಸ್ಟ್​​ ಸರಣಿಯಲ್ಲಿ ಟೀಮ್​ ಇಂಡಿಯಾ ನ್ಯೂಜಿಲೆಂಡ್​ ವಿರುದ್ಧ ಹೀನಾಯ ಸೋಲು ಕಂಡಿದೆ. ಮಹತ್ವದ ಟೆಸ್ಟ್​ ಸರಣಿ ಸೋಲಿನ ಬೆನ್ನಲ್ಲೇ ಭಾರತ ತಂಡದ ಸೂಪರ್​ ಸ್ಟಾರ್ಸ್​​ ನಿವೃತ್ತಿ ಆಗಬಹುದು ಅನ್ನೋ ಮಾತುಗಳು ಕೇಳಿ ಬಂದಿವೆ. ಅಭಿಮಾನಿಗಳು ಕೂಡ ಇಬ್ಬರು ನಿವೃತ್ತಿ ಆಗಲೇಬೇಕು ಎಂದು ಒತ್ತಡ ಹಾಕುತ್ತಿದ್ದಾರೆ.

ತವರಿನಲ್ಲಿ ಭಾರೀ ಮುಖಭಂಗ

ತವರಿನಲ್ಲಿ ಟೀಮ್ ಇಂಡಿಯಾದ ಹೀನಾಯ ಸೋಲಿಗೆ ತಂಡದ ಬ್ಯಾಟಿಂಗ್​​ ವೈಫಲ್ಯವೇ ಕಾರಣ. ವಿರಾಟ್​​ ಕೊಹ್ಲಿ ಮತ್ತು ರೋಹಿತ್​ ಶರ್ಮಾ ಟೆಸ್ಟ್​​ ಸೀರೀಸ್​ನಲ್ಲಿ ಕಳಪೆ ಪ್ರದರ್ಶನ ನೀಡಿದ್ರು. ಇದರ ಪರಿಣಾಮ ಟೀಮ್​​ ಇಂಡಿಯಾ ಸೋಲಬೇಕಾಯ್ತು. ಇಬ್ಬರು ಸೂಪರ್​ ಸ್ಟಾರ್ಸ್​​ ತಮ್ಮ ಬ್ಯಾಟಿಂಗ್​​ ಜವಾಬ್ದಾರಿ ಮರೆತರು.

ಸ್ಪಿನ್​​ ವಿರುದ್ಧ ಬ್ಯಾಟಿಂಗ್​ ವೈಫಲ್ಯ

ವಿರಾಟ್​ ಕೊಹ್ಲಿ ಮತ್ತು ರೋಹಿತ್​ ಶರ್ಮಾ ಸ್ಪಿನ್​​ ಬೌಲರ್​ಗಳ ವಿರುದ್ಧ ಹೆಣಗಾಡಿದ್ರು. ಕ್ಯಾಪ್ಟನ್​ ರೋಹಿತ್​​ ಕಳೆದ 10 ಇನ್ನಿಂಗ್ಸ್​ನಲ್ಲಿ ಕೇವಲ 133 ರನ್​​​ ಗಳಿಸಿದ್ದು, ಕೊಹ್ಲಿ ತಮ್ಮ ಕೊನೆಯ 10 ಟೆಸ್ಟ್ ಇನ್ನಿಂಗ್ಸ್‌ಗಳಲ್ಲಿ 192 ರನ್ ಕಲೆ ಹಾಕಿದ್ರು. ಭಾರತದಲ್ಲೇ ನಡೆದ ಟೆಸ್ಟ್​​ ಪಂದ್ಯಗಳಲ್ಲಿ ರನ್​​ ಕಲೆ ಹಾಕುವಲ್ಲಿ ವಿಫಲರಾಗುತ್ತಿದ್ದಾರೆ.

ರೋಹಿತ್​​, ಕೊಹ್ಲಿ ನಿವೃತ್ತಿಗೆ ಹೆಚ್ಚಿದ ಒತ್ತಡ

ನ್ಯೂಜಿಲೆಂಡ್​ ವಿರುದ್ಧದ ಮಹತ್ವದ ಟೆಸ್ಟ್​ ಸೀರೀಸ್​ನಲ್ಲಿ ಟೀಮ್​ ಇಂಡಿಯಾದ ಸ್ಟಾರ್​ ಜೋಡಿ ಕೊಹ್ಲಿ, ರೋಹಿತ್​​​ ಕಳಪೆ ಪ್ರದರ್ಶನ ನೀಡಿದೆ. ಹೀಗಾಗಿ ಇಬ್ಬರು ನಿವೃತ್ತಿ ಆಗಲಿ ಎಂದು ಟೀಮ್​ ಇಂಡಿಯಾದ ಅಭಿಮಾನಿಗಳು ಒತ್ತಡ ಹಾಕಿದ್ದಾರೆ. ಸೋಷಿಯಲ್​ ಮೀಡಿಯಾದಲ್ಲಿ ಭಾರೀ ಟ್ರೆಂಡ್​​ ಮಾಡುತ್ತಿದ್ದಾರೆ.

ಕಮ್​ಬ್ಯಾಕ್​​ ಮಾಡಬೇಕಿದೆ ಸ್ಟಾರ್​ ಜೋಡಿ

ರೋಹಿತ್ ಶರ್ಮಾ ಮತ್ತು ವಿರಾಟ್ ಕೊಹ್ಲಿ ಆದಷ್ಟು ಬೇಗ ಕಮ್​ಬ್ಯಾಕ್​ ಮಾಡಬೇಕಿದೆ. ಆಸ್ಟ್ರೇಲಿಯಾ ವಿರುದ್ಧ ನಡೆಯಲಿರೋ 5 ಟೆಸ್ಟ್​​ ಪಂದ್ಯಗಳ ಸರಣಿ ಟೀಮ್​ ಇಂಡಿಯಾಗೆ ಮಹತ್ವದ್ದಾಗಿದೆ. ಈ ಸರಣಿಯ ವೇಳೆಗೆ ಉಭಯ ಸ್ಟಾರ್‌ ಆಟಗಾರರ ಫಾರ್ಮ್‌ಗೆ ಮರಳುವುದು ಅನಿವಾರ್ಯ ಆಗಿದೆ.

ಇದನ್ನೂ ಓದಿ: ಆರ್​​​ಸಿಬಿಗೆ IPL ವಿನ್ನಿಂಗ್​ ಕ್ಯಾಪ್ಟನ್​ ಎಂಟ್ರಿ; ಫಾಫ್​ ಸ್ಥಾನ ತುಂಬಲಿದ್ದಾರೆ ಸ್ಟಾರ್​​ ಪ್ಲೇಯರ್​​

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ