ಮೊದಲ ದಿನವೇ ಟೀಮ್​ ಇಂಡಿಯಾ ಅಬ್ಬರ.. ಶತಕ ಸಿಡಿಸಿ ಮಿಂಚಿದ ಶುಭ್​ಮನ್​ ಗಿಲ್​

ಎಡ್ಜ್​​ಬ್ಯಾಸ್ಟನ್​ ಟೆಸ್ಟ್​ನಲ್ಲಿ ಟೀಮ್​ ಇಂಡಿಯಾ ಸಾಲಿಡ್​​​ ಓಪನಿಂಗ್​ ಪಡೆದುಕೊಂಡಿದೆ. ಶುಭ್​ಮನ್​ ಗಿಲ್​, ಯಶಸ್ವಿ ಜೈಸ್ವಾಲ್​ ಬೊಂಬಾಟ್​ ಬ್ಯಾಟಿಂಗ್​ ನೆರವಿನಿಂದ​ ಟೀಮ್​ ಇಂಡಿಯಾ ಬಿಗ್​ ಸ್ಕೋರ್​​ ಕಲೆಹಾಕಿದೆ. ಟಾಸ್​​​ ಸೋತು ಮೊದಲು ಬ್ಯಾಟಿಂಗ್​ಗಿಳಿದ ಟೀಮ್​ ಇಂಡಿಯಾಗೆ ಒಳ್ಳೆ ಆರಂಭ ಸಿಗಲ್ಲ. ಸ್ಟಾರ್ಟಿಂಗ್​ನಿಂದಲೂ ಸ್ಟ್ರಗಲ್​ ಮಾಡಿದ ಕೆ.ಎಲ್​ ರಾಹುಲ್​ ಜಸ್ಟ್​ 2 ರನ್​ಗಳಿಸಿ ನಿರ್ಗಮಿಸಿದ್ರು. ಆದ್ರೆ, ಇನ್ನೊರ್ವ ಓಪನರ್​ ಯಶಸ್ವಿ ಜೈಸ್ವಾಲ್​ ಆಂಗ್ಲರ ನಾಡಲ್ಲಿ ಯಶಸ್ವಿನ ಓಟ ಮುಂದುವರೆಸಿದ್ರು. ಅಗ್ರೆಸ್ಸಿವ್​ ಆಟವಾಡಿದ ಜೈಸ್ವಾಲ್​, ಇಂಗ್ಲೆಂಡ್​ ಬೌಲರ್​ಗಳನ್ನ ದಂಡಿಸಿದ್ರು. ಜಸ್ಟ್​​ 53 ಎಸೆತಗಳಲ್ಲಿ ಜೈಸ್ವಾಲ್​ ಹಾಫ್​​ ಸೆಂಚುರಿ ಪೂರೈಸಿದ್ರು.

3ನೇ ಕ್ರಮಾಂಕದಲ್ಲಿ ಕಣಕ್ಕಿಳಿದ ಕನ್ನಡಿಗ ಕರುಣ್​ ನಾಯರ್​ ಜೈಸ್ವಾಲ್​ಗೆ ಕೆಲ ಕಾಲ ಸಾಥ್​ ನೀಡಿದ್ರು. 50 ಎಸೆತಗಳನ್ನ ಎದುರಿಸಿದ ಕರುಣ್​ ನಾಯರ್​​ 5 ಬೌಂಡರಿ ಸಹಿತ 31 ರನ್​ಗಳಿಸಿದ್ರು, ಇವರಿಬ್ಬರ ಜೊತೆಯಾಟ ಬ್ರೆಂಡನ್​ ಕರ್ಸ್​ ಬ್ರೇಕ್​ ಹಾಕಿದ್ರು. ಮೊದಲ ಸೆಷನ್​ ಅಂತ್ಯಕ್ಕೆ 2 ವಿಕೆಟ್​ ಕಳೆದುಕೊಂಡ ಟೀಮ್​ ಇಂಡಿಯಾ 98 ರನ್​ಗಳಿಸಿತು. ಲಂಚ್​ ಬ್ರೇಕ್​ನ ಬಳಿಕ ಯಶಸ್ವಿ ಜೈಸ್ವಾಲ್​, ಕ್ಯಾಪ್ಟನ್​ ಶುಭ್​ಮನ್ ಗಿಲ್​​ ಇಂಗ್ಲೆಂಡ್​ ಬೌಲರ್​ಗಳ ಬೆವರಿಳಿಸಿದ್ರು. ಜೈಸ್ವಾಲ್​ ಅಬ್ಬರದ ಆಟ ಮುಂದುವರೆಸಿದ್ರೆ, ಶುಭ್​​ಮನ್​ ಗಿಲ್​ ತಾಳ್ಮೆಯ ಆಟದಿಂದಲೇ ಕಾಡಿದ್ರು. 3ನೇ ವಿಕೆಟ್​ಗೆ ಗಿಲ್​​-ಜೈಸ್ವಾಲ್​ 66 ರನ್​ಗಳ ಜೊತೆಯಾಟವಾಡಿದ್ರು.

ಇದನ್ನೂ ಓದಿ: 16 ವರ್ಷದ ಹುಡುಗನ ಮೇಲೆ ಲೇಡಿ ಶಿಕ್ಷಕಿಯಿಂದ ನಿರಂತರ ಲೈಂಗಿಕ ದೌರ್ಜನ್ಯ.. ಈಗ ಏನಾಗಿದೆ..?

ಆದ್ರೆ, ಜೈಸ್ವಾಲ್​ ಶತಕದ ಅಂಚಿನಲ್ಲಿ ಎಡವಿದ್ರು. 107 ಎಸೆತ ಎದುರಿಸಿದ ಜೈಸ್ವಾಲ್​ 13 ಬೌಂಡರಿ ಸಹಿತ 87 ರನ್​ಗಳಿಸಿ ಔಟಾದ್ರು. 2ನೇ ಸೆಷನ್​ ಅಂತ್ಯಕ್ಕೆ 3 ವಿಕೆಟ್​ ಕಳೆದುಕೊಂಡ ಟೀಮ್​ ಇಂಡಿಯಾ 182 ರನ್​ಗಳಿಸಿತು. ಟೀ ಬ್ರೇಕ್​ನ ಬಳಿಕ ಟೀಮ್​ ಇಂಡಿಯಾ ದಿಢೀರ್​ ಕುಸಿತ ಕಂಡಿತು. ರಿಷಭ್​ ಪಂತ್​ ಬಿಗ್​ ಸ್ಕೋರ್​ ಕಲೆ ಹಾಕುವಲ್ಲಿ ಫೇಲ್​ ಆದ್ರು. 25 ರನ್​ಗಳಿಸಿ ರಿಷಭ್​ ಪಂತ್​ ಔಟಾದ್ರು. ಬಳಿಕ ಬ್ಯಾಟಿಂಗ್​ಗೆ ಬಂದ ನಿತೀಶ್​ ಕುಮಾರ್​ ರೆಡ್ಡಿ ಜಸ್ಟ್​ 1 ರನ್​ಗೆ ಸುಸ್ತಾದ್ರು. ಸಾಲಿಡ್​​ ಆಟ ಮುಂದುವರೆಸಿದ ಶುಭ್​ಮನ್​ ಗಿಲ್ ಅರ್ಧಶತಕ ಪೂರೈಸಿದ್ರು.

ಅರ್ಧಶತಕದ ಬಳಿಕವೂ ಶುಭ್​ಮನ್ ಗಿಲ್​ ಆಟ ಬದಲಾಗಲಿಲ್ಲ. ತಾಳ್ಮೆಯ ಆಟದಿಂದಲೇ ಆಂಗ್ಲರ ದಾಳಿಯನ್ನ ಹಿಮ್ಮೆಟ್ಟಿಸಿದ ಶುಭ್​ಮನ್​ ಶತಕ ಸಿಡಿಸಿ ಮಿಂಚಿದ್ರು. 199 ಎಸೆತಗಳಲ್ಲಿ ಶುಭ್​ಮನ್​ ಗಿಲ್​ ಸೆಂಚುರಿ ಪೂರೈಸಿದ್ರು. 6ನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್​ಗೆ ಬಂದ ರವೀಂದ್ರ ಜಡೇಜಾ, ಕಾನ್ಪಿಡೆಂಟ್ ಆಟವಾಡ್ತಿದ್ರು, ಶುಭ್​ಮನ್​ ಗಿಲ್​ ಜೊತೆ ಸೇರಿದ ಅರ್ಧಶತಕದ ಜೊತೆಯಾಟವಾಡಿದ್ದಾರೆ. ದಿನದ ಅಂತ್ಯಕ್ಕೆ ಟೀಮ್​ ಇಂಡಿಯಾ 5 ವಿಕೆಟ್​​ ನಷ್ಟಕ್ಕೆ 310 ರನ್​ಗಳಿಸಿದೆ. 114 ರನ್​ಗಳೊಂದಿಗೆ ಶುಭ್​ಮನ್​ ಗಿಲ್​, 41 ರನ್​ಗಳೊಂದಿಗೆ ರವೀಂದ್ರ ಜಡೇಜಾ ಇಂದಿಗೆ ಕ್ರಿಸ್​ ಕಾಯ್ದುಕೊಂಡಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ