ಡಿಜಿಟಲ್​ ವಂಚನೆಗೆ ಮರ್ಮಾಘಾತ ಕೊಟ್ಟ ಕೇಂದ್ರ ಗೃಹ ಇಲಾಖೆ..59 ಸಾವಿರ ವಾಟ್ಸಾಪ್​ ಖಾತೆಗಳು ಬ್ಲಾಕ್​!

ಕೇಂದ್ರ ಗೃಹ ಇಲಾಖೆಯ ಅಂಗ ಸಂಸ್ಥೆಯಾದ ಇಂಡಿಯನ್ ಸೈಬರ್ ಕೋಆರ್ಡಿನೇಷನ್ ಸೆಂಟರ್​ (14ಸಿ) ಒಟ್ಟು 1,700 ಸ್ಕೈಪ್ ಐಡಿ ಹಾಗೂ 59 ಸಾವಿರ ವಾಟ್ಸಾಪ್ ಖಾತೆಗಳನ್ನ ಬ್ಲಾಕ್ ಮಾಡಿದೆ. ಇತ್ತೀಚೆಗೆ ನಡೆಯುತ್ತಿರುವ ಸೈಬರ್ ವಂಚನೆ ಹಾಗೂ ಡಿಜಿಟಲ್ ಅರೆಸ್ಟ್​ಗಳ ಪ್ರಕರಣಗಳ ವಿಚಾರದಲ್ಲಿ ಕ್ರಮ ಕೈಗೊಳ್ಳಲು ಮುಂದಾಗಿದ್ದ ಕೇಂದ್ರ ಗೃಹ ಇಲಾಖೆ ಒಟ್ಟು 59 ಸಾವಿರ ವಾಟ್ಸಾಪ್​ ಹಾಗೂ 1700 ಸ್ಕೈಪ್​ ಐಡಿಗಳನ್ನು ಪತ್ತೆ ಮಾಡಿ ಬ್ಲಾಕ್ ಮಾಡಿದೆ.

ಈ ಬಗ್ಗೆ ಲೋಕಸಭೆಯಲ್ಲಿ ಮಾಹಿತಿ ನೀಡಿದ ಕೇಂದ್ರ ಗೃಹ ರಾಜ್ಯ ಖಾತೆ ಸಚಿವ ಬಂಡಿ ಸಂಜಯ್​ ಕುಮಾರ್. ಸಿಟಿಜಿನ್ ಫೈನಾನ್ಸಿಷಿಯಲ್ ಫ್ರಾಡ್ ರಿಪೋರ್ಟಿಂಗ್ ಮತ್ತು ಮ್ಯಾನೆಜ್ಮೆಂಟ್ ಸಿಸ್ಟಮ್​ನ್ನು 14 ಸಿ ಅಡಿಯಲ್ಲಿ 2021ರಲ್ಲಿ ಲಾಂಚ್ ಮಾಡಲಾಗಿತ್ತು. ಹಣಕಾಸಿನ ವಂಚನೆ ನಡೆದಾಗಲೆಲ್ಲಾ ಕೂಡಲೇ ಕ್ರಮ ಕೈಗೊಂಡು ನಾಗರಿಕರ ಹಣವನ್ನು ಉಳಿಸಲಾಗಿದೆ. ಈ ಒಂದು ಇಲಾಖೆಗೆ ಒಟ್ಟು 9.94 ಲಕ್ಷ ದೂರುಗಳು ಬಂದಿದ್ದವು. ದೂರಿನನ್ವಯ ಒಟ್ಟು 3,431 ಕೋಟಿ ರೂಪಾಯಿ ನಾಗರಿಕರ ಹಣವನ್ನು ಸುರಕ್ಷಿತವಾಗಿ ಕಾಪಾಡಲಾಗಿದೆ

ಇದನ್ನೂ ಓದಿ:Fengal; ಮನೆ ಮೇಲೆ ಬೆಟ್ಟದ ಬಂಡೆ ಉರುಳಿದ ಘಟನೆ.. ಶಾಶ್ವತವಾಗಿ ಕಣ್ಮುಚ್ಚಿದ ಪೋಷಕರು, ಐವರು ಮಕ್ಕಳು

14ಸಿ ಸದ್ಯ ಡಿಜಿಟಲ್ ವಂಚನೆಯನ್ನು ಮಾಡುತ್ತಿದ್ದ 1700 ಸ್ಕೈಪ್ ಐಡಿಗಳನ್ನು ಹಾಗೂ 59 ಸಾವಿರ ವಾಟ್ಸಾಪ್​ ಖಾತೆಗಳನ್ನು ಗುರುತಿಸಿ ಅವುಗಳನ್ನು ಸದಾಕಾಲಕ್ಕೆ ಬ್ಲಾಕ್ ಮಾಡಲಾಗಿದೆ ಎಂದು ಸಂಜಯ್ ಕುಮಾರ್ ಹೇಳಿದ್ದಾರೆ.

ಇದನ್ನೂ ಓದಿ:72 ವರ್ಷದ ಬಳಿಕ ಭಾರತದ ಕಾಡಿಗೆ 2 ಚೀತಾ; ಅಗ್ನಿ, ವಾಯುಗೆ ಇಂದಿನಿಂದ ಸತ್ವಪರೀಕ್ಷೆ!

ನವೆಂಬರ್ 15 2024ರವರೆಗೆ ಒಟ್ಟು 6.69 ಲಕ್ಷ ಸಿಮ್​ಕಾರ್ಡ್​ ಹಾಗೂ 1.32 ಲಕ್ಷ ಐಎಇಐ ನಂಬರ್​ಗಳನ್ನು ಪೊಲೀಸ್​ ಅಧಿಕಾರಿಗಳು ವರದಿ ಮಾಡಿದ್ದರು. ಅವುಗಳನ್ನೆಲ್ಲಾ ಈಗ ಬ್ಲಾಕ್ ಮಾಡಲಾಗಿದೆ ಎಂದು ಹೇಳಿದ್ದಾರೆ.

ಗೃಹ ಸಚಿವಾಲಯ ಸೈಬರ್ ಕ್ರೈಂ ಹಾಗೂ ಡಿಜಿಟಲ್ ಪ್ರಾಡ್​ಗಳನ್ನ ತಡೆಹಿಡಿಯುವಲ್ಲಿ ವ್ಯವಸ್ಥೆಯನ್ನು ಮತ್ತಷ್ಟು ಬಲಿಷ್ಠಗೊಳಿಸುವ ನಿಟ್ಟಿನಲ್ಲಿ ಕಾರ್ಯನಿರ್ವಹಿಸುತ್ತಿದೆ. ಕೇಂದ್ರ ಸರ್ಕಾರ ಹಾಗೂ ಟಿಲಿಕಾಂ ಸರ್ವಿಸ್​ ಪ್ರೊವೈಡರ್ಸ್ ಅಂತಾರಾಷ್ಟ್ರೀಯ ವಂಚನೆಯ ಕರೆಗಳನ್ನು ಗುರುತಿಸುವ ವ್ಯವಸ್ಥೆಯನ್ನು ಅಭಿವೃದ್ಧಿಪಡಿಸಿದೆ. ಇತ್ತೀಚಿನ ಡಿಜಿಟಲ್ ಅರೆಸ್ಟ್​ ಪ್ರಕರಣಗಳಲ್ಲಿ ಸೈಬರ್ ವಂಚಕರು ಇಂತಹ ಕರೆಗಳ ಸಹಾಯದಿಂದ ಜನರನ್ನು ವಂಚಿಸುತ್ತಿರುವುದು ಕಂಡು ಬಂದಿದೆ. ಹೀಗಾಗಿ ಟಿಪಿಎಸ್​ಗೆ ಇಂತಹ ಅಂತಾರಾಷ್ಟ್ರೀಯ ವಂಚನೆ ಕರೆಗಳನ್ನು ಬ್ಲಾಕ್ ಮಾಡುವಂತೆ ನಿರ್ದೇಶನ ನೀಡಲಾಗಿದೆ ಎಂದು ಸಂಜಯ್ ಕುಮಾರ್ ಹೇಳಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ