ಐಪಿಎಲ್​​ ಆಕ್ಷನ್​​ಗೆ ಮುನ್ನವೇ ಬಿಗ್​ ಟ್ರೇಡ್​​.. ಆರ್​​ಸಿಬಿಗೆ ಸ್ಟಾರ್​​ ಪ್ಲೇಯರ್​ ರೀ ಎಂಟ್ರಿ!

ವರ್ಷದ ಕೊನೆಗೆ 2025ರ ಇಂಡಿಯನ್​ ಪ್ರೀಮಿಯರ್​ ಲೀಗ್​​​ ಮೆಗಾ ಆಕ್ಷನ್​ ನಡೆಯಲಿದೆ. ಈ ಮುನ್ನವೇ ಎಲ್ಲಾ ಐಪಿಎಲ್​​ ತಂಡಗಳು ರೀಟೈನ್​ ಆಟಗಾರರ ಫೈನಲ್​​ ಮಾಡಬೇಕಿದೆ. ಎಷ್ಟು ಆಟಗಾರರನ್ನು ರೀಟೈನ್​ ಮಾಡಿಕೊಳ್ಳಬಹುದು ಎಂದು ಈಗಾಗಲೇ ಬಿಸಿಸಿಐ ಐಪಿಎಲ್​ ತಂಡಗಳ ಮಾಲೀಕರಿಗೆ ಅಪ್ಡೇಟ್​ ಮಾಡಿದೆ.

ಇನ್ನು, ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು ತಂಡವು ವಿರಾಟ್​ ಕೊಹ್ಲಿ ಹೊರತುಪಡಿಸಿ ಮತ್ಯಾರನ್ನು ರೀಟೈನ್​ ಮಾಡಿಕೊಳ್ಳಲಿದೆ ಎಂಬ ಇನ್ನೂ ಸ್ಪಷ್ಟತೆ ಇಲ್ಲ. ಕನಿಷ್ಠ 4+1 ಆಟಗಾರರನ್ನು ರೀಟೈನ್​ ಮಾಡಿಕೊಂಡು ಉಳಿದ ಎಲ್ಲಾ ಆಟಗಾರರನ್ನು ಆರ್​​ಸಿಬಿ ರಿಲೀಸ್​ ಮಾಡಲಿದೆ. ಇದರ ಮಧ್ಯೆ ಆರ್​​ಸಿಬಿಗೆ ಮಾಜಿ ಆಟಗಾರ ಚಹಾಲ್​ ರೀ ಎಂಟ್ರಿ ಕೊಡಲಿದ್ದಾರೆ ಎಂಬ ಮುನ್ಸೂಚನೆ ಸಿಕ್ಕಿದೆ.

ದಿನೇಶ್​ ಕಾರ್ತಿಕ್​​ ಅವರನ್ನು ಈಗಾಗಲೇ ಆರ್​ಸಿಬಿ ತಂಡದ ಮೆಂಟರ್​ ಮತ್ತು ಬ್ಯಾಟಿಂಗ್​ ಕೋಚ್​​ ಆಗಿ ನೇಮಕ ಮಾಡಲಾಗಿದೆ. ಇವರೇ ಚಹಾಲ್​ ಅವರನ್ನು ಮತ್ತೆ ಆರ್​ಸಿಬಿಗೆ ವಾಪಸ್​ ಕರೆ ತರಲು ಪ್ಲಾನ್​ ಮಾಡಿದ್ದಾರೆ ಎಂದು ತಿಳಿದು ಬಂದಿದೆ. ಈಗಾಗಲೇ ಟ್ರೇಡ್​ಗಾಗಿ ಒಂದು ಸುತ್ತಿನ ಮಾತುಕತೆ ಕೂಡ ಆಗಿದೆ ಎಂದು ವರದಿಯಾಗಿದೆ.

ಆರ್​​ಸಿಬಿ ಪರ 114 ಪಂದ್ಯ ಆಡಿದ್ದ ಚಹಾಲ್​​!

ವಿಶೇಷ ಎಂದರೆ ಆರ್​ಸಿಬಿ ಪರ ಅತ್ಯಧಿಕ ವಿಕೆಟ್ ಪಡೆದ ದಾಖಲೆ ಚಹಾಲ್ ಹೆಸರಿನಲ್ಲಿದೆ. 2014 ರಿಂದ 2021 ರವರೆಗೆ ಆರ್​ಸಿಬಿ ಪರ 114 ಪಂದ್ಯಗಳನ್ನಾಡಿದ್ದ ಯುಜ್ವೇಂದ್ರ ಚಹಾಲ್ ಒಟ್ಟು 139 ವಿಕೆಟ್ ಕಬಳಿಸಿದ್ದರು. ಈಗ ರಾಜಸ್ಥಾನ್ ರಾಯಲ್ಸ್ ಪರ ಆಡುತ್ತಿರೋ ಚಹಾಲ್ ಕಳೆದ ಸೀಸನ್​ನಲ್ಲಿ ಹೈಎಸ್ಟ್​ ವಿಕೆಟ್​ ಟೇಕರ್​ ಆಗಿದ್ದರು.

ಇದನ್ನೂ ಓದಿ: IPL 2025: RCB ರೀಟೈನ್​ ಲಿಸ್ಟ್​ ರೆಡಿ; ಬೆಂಗಳೂರು ತಂಡದಿಂದ ಸ್ಟಾರ್​ ಆಟಗಾರ ಔಟ್​​!

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ ‘ರನ್ ಭೂಮಿ’ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್