ಬಾಂಗ್ಲಾ ವಿರುದ್ಧ ಇತಿಹಾಸ ಹೇಳ್ತಿದೆ.. ಟೀಂ ಇಂಡಿಯಾದಲ್ಲಿ ಇವರಿಬ್ಬರದ್ದೇ ಕಾರುಬಾರು..!

ಇಂಡೋ-ಬಾಂಗ್ಲಾ ಕದನಕ್ಕೆ ಕೌಂಟ್​​ಡೌನ್​ ಆರಂಭವಾಗಿದೆ. ಕೆಲವೇ ಗಂಟೆಗಳಲ್ಲಿ ಕದನ ಕಣದಲ್ಲಿ ಇಂಡಿಯನ್ಸ್​ ಟೈಗರ್ಸ್-ಬಾಂಗ್ಲಾ ಟೈಗರ್ಸ್​ ಮುಖಾಮುಖಿಯಾಗಲಿವೆ. ಈ ಕದನಕ್ಕೂ ಮುನ್ನ ಟೀಮ್​ ಇಂಡಿಯಾ ದಿಗ್ಗಜರ ಮೇಲೆ ಎಲ್ಲರ ಚಿತ್ತ ನೆಟ್ಟಿದೆ. ಕೊಹ್ಲಿ, ರೋಹಿತ್​ ಪಾಲಿಗೆ ಬಹುತೇಕ ಇದೇ ಕೊನೆಯ ಐಸಿಸಿ ಟೂರ್ನಿಯಾಗಿದ್ದು, ಅಬ್ಬರದ ಆಟದೊಂದಿಗೆ ಕಿಕ್​ಸ್ಟಾರ್ಟ್​ ಮಾಡ್ತಾರಾ ಅನ್ನೋ ಕುತೂಹಲ ಇದೆ.

ಕೊಹ್ಲಿ-ರೋಹಿತ್​ ಸೆಂಟರ್​ ಆಫ್​ ಅಟ್ರಾಕ್ಷನ್

ಐಸಿಸಿ ಚಾಂಪಿಯನ್ಸ್​ ಟ್ರೋಫಿ ಟೂರ್ನಿಯಲ್ಲಿ ಟೀಮ್​ ಇಂಡಿಯಾದ ಅಭಿಯಾನ ಆರಂಭಕ್ಕೆ ಕ್ಷಣಗಣನೆ ಆರಂಭವಾಗಿದೆ. ಒನ್ಸ್​ ಅಗೇನ್​ ದಿಗ್ಗಜರಾದ ಕ್ಯಾಪ್ಟನ್ ಶರ್ಮಾ, ಕೊಹ್ಲಿ ಸೆಂಟರ್​ ಆಫ್​ ಅಟ್ರಾಕ್ಷನ್​ ಆಗಿದ್ದಾರೆ. ಸೀನಿಯರ್​ ಆಟಗಾರರಾದ ವಿರಾಟ್​ ಕೊಹ್ಲಿ ಹಾಗೂ ರೋಹಿತ್​ ಶರ್ಮಾ ಪಾಲಿಗೆ ಚಾಂಪಿಯನ್ಸ್​ ಟ್ರೋಫಿ ಡು ಆರ್​ ಡೈ ಸರಣಿಯಾಗಿದೆ. ಈ ಟೂರ್ನಿಯ ಪರ್ಫಾಮೆನ್ಸ್​ ಮೇಲೆ ಮುಂದಿನ ಭವಿಷ್ಯ ನಿರ್ಧಾರವಾಗಲಿದೆ. ಹೀಗಾಗಿ ಕ್ರಿಕೆಟ್​​ ಲೋಕದ ಕಣ್ಣು ಈ ಇಬ್ಬರ ಮೇಲೆಯೇ ನೆಟ್ಟಿದೆ.

ಫ್ಯಾನ್ಸ್​ಗೆ ಫುಲ್​ ಮೀಲ್ಸ್!

ಕಳೆದ ಕೆಲ ತಿಂಗಳಿಂದ ವಿರಾಟ್​​ ಹಾಗೂ ರೋಹಿತ್​ ಫಾರ್ಮ್​ ಬಗ್ಗೆ ತೀವ್ರ ಚರ್ಚೆ ನಡೆದಿತ್ತು. ಟೀಕೆಗಳನ್ನ ಎದುರಿಸಿದ್ದ ರೋ-ಕೊ ಇಂಗ್ಲೆಂಡ್​ ಎದುರಿನ ಸರಣಿಯಲ್ಲಿ ಲಯ ಕಂಡುಕೊಂಡಿದ್ದಾರೆ. ರೋಹಿತ್​ ಶತಕ ಸಿಡಿಸಿ ಆರ್ಭಟಿಸಿದ್ರೆ, ವಿರಾಟ್​ ಕೊಹ್ಲಿ ಕಾನ್ಫಿಡೆಂಟ್​ ಆಗಿ ಬ್ಯಾಟ್​​ ಬೀಸಿ ಹಾಫ್​ ಸೆಂಚುರಿ ಸಿಡಿಸಿದ್ರು. ಹಿಟ್​ಮ್ಯಾನ್​, ರನ್​ಮಷೀನ್​​ ಬ್ಯಾಟ್​ ಬೀಸಿದ ರೀತಿ ಇದೀಗ ಬಾಂಗ್ಲಾ ಟೈಗರ್ಸ್​ ಭೀತಿಗೆ ಕಾರಣವಾಗಿದೆ.

ಇದನ್ನೂ ಓದಿ: ರೋಹಿತ್- ಗಂಭೀರ್​ ಮಧ್ಯೆ ಟಾಕ್ ವಾರ್.. ವಿಕೆಟ್ ಕೀಪರ್​​, ಸ್ಪಿನ್ನರ್​ಗಾಗಿ ಬಿಗ್​ ಫೈಟ್​

ಕೊಹ್ಲಿ ಅಂದ್ರೆ ಬೆಚ್ಚಿ ಬೀಳುತ್ತೆ ಬಾಂಗ್ಲಾ.!

ರನ್​ ಮಷೀನ್​ ವಿರಾಟ್​ ಕೊಹ್ಲಿ ಏಕದಿನ ಫಾರ್ಮೆಟ್​ನ ಸುಲ್ತಾನ. ಕಿಂಗ್​ ಕೊಹ್ಲಿಯ ಗತ್ತು ಒನ್​ ಡೇ ಫಾರ್ಮೆಟ್​ನಲ್ಲಿ ತಗ್ಗಿದ್ದೇ ಇಲ್ಲ. ಅದ್ರಲ್ಲೂ ಐಸಿಸಿ ಟೂರ್ನಿ ಅಂದ್ರೆ ಆರ್ಭಟ ಮತ್ತಷ್ಟು ಜೋರಾಗುತ್ತೆ. ಬಾಂಗ್ಲಾ ಟೈಗರ್ಸ್​ಗೂ ಸದ್ಯ ಕೊಹ್ಲಿಯದ್ದೇ ಭಯ ಕಾಡ್ತಿದೆ. ಈ ಹಿಂದೆ ಬಾಂಗ್ಲಾದೇಶ ವಿರುದ್ಧ ಆಡಿದ ಪಂದ್ಯಗಳಲ್ಲಿ ನೀಡಿರೋ ಸೂಪರ್​-ಡೂಪರ್ ಎದುರಾಳಿಗಳ ಎದೆಯಲ್ಲಿ ನಡುಕ ಹುಟ್ಟಿಸಿದೆ. ​​

ಬಾಂಗ್ಲಾ ಎದುರು ಏಕದಿನದಲ್ಲಿ ಕೊಹ್ಲಿ

ಬಾಂಗ್ಲಾದೇಶ ಎದುರು ಏಕದಿನದಲ್ಲಿ 16 ಇನ್ನಿಂಗ್ಸ್​ಗಳಲ್ಲಿ ಬ್ಯಾಟ್​ ಬೀಸಿರುವ ಕೊಹ್ಲಿ ಬರೋಬ್ಬರಿ 75.83ರ ಸರಾಸರಿಯಲ್ಲಿ 910 ರನ್​ಗಳಿಸಿದ್ದಾರೆ. 5 ಶತಕ, 3 ಹಾಫ್​ ಸೆಂಚುರಿಗಳನ್ನ ಚಚ್ಚಿದ್ದಾರೆ.

ಬಾಂಗ್ಲಾ ಟೈಗರ್ಸ್​ಗೆ ಹಿಟ್​ಮ್ಯಾನ್​​ ರೋಹಿತ್​ ಭಯ

ಕಿಂಗ್​ ಕೊಹ್ಲಿ ಮಾತ್ರವಲ್ಲ.. ಹಿಟ್​ಮ್ಯಾನ್​ ರೋಹಿತ್​ ಕೂಡ ಬಾಂಗ್ಲಾದೇಶ ಕ್ಯಾಂಪ್​ನ ಟೆನ್ಶನ್​ ಹೆಚ್ಚಿಸಿದ್ದಾರೆ. ಬಲಿಷ್ಟ ಇಂಗ್ಲೆಂಡ್​ ಬೌಲಿಂಗ್​ನ ಚಿಂದಿ ಉಡಾಯಿಸಿ ಸಾಲಿಡ್​ ಶತಕ ಸಿಡಿಸಿ ಮಿಂಚಿರೋ ರೋಹಿತ್​ ಫಾರ್ಮ್​ಗೆ ಮರಳಿದ್ದಾರೆ. ಫಾರ್ಮ್​ ಕಂಡುಕೊಂಡಿರೋ ರೋಹಿತ್​ ಶರ್ಮಾ, ಬಾಂಗ್ಲಾ ಎದುರಿನ ಕದನ ಅಂದ್ರೆ ಸಿಡಿದೇಳ್ತಾರೆ. ಈ ಹಿಂದೆ ಮುಖಾಮುಖಿಯಾದಾಗಲೆಲ್ಲಾ ರೋಹಿತ್​ನ ಕಟ್ಟಿ ಹಾಕಲಾಗದೇ ಬಾಂಗ್ಲಾ ಪಡೆ ಪರದಾಡಿದೆ. ಈ ಹಿಂದಿನ ಟ್ರ್ಯಾಕ್​ ರೆಕಾರ್ಡ್​​, ಸದ್ಯದ ಫಾರ್ಮ್​ ಬಾಂಗ್ಲಾ ಭಯಕ್ಕೆ ಕಾರಣವಾಗಿದೆ.

ಬಾಂಗ್ಲಾ ಎದುರು ಏಕದಿನದಲ್ಲಿ ರೋಹಿತ್​

ಏಕದಿನ ಮಾದರಿಯಲ್ಲಿ ಬಾಂಗ್ಲಾ ಎದುರು 17 ಇನ್ನಿಂಗ್ಸ್​ಗಳಲ್ಲಿ ಬ್ಯಾಟ್​ ಬೀಸಿರುವ ರೋಹಿತ್​ ಶರ್ಮಾ 786 ರನ್​ಗಳಿಸಿದ್ದಾರೆ. 56.14ರ ಸಾಲಿಡ್​ ಸರಾಸರಿಯಲ್ಲಿ ರನ್​ಗಳಿಸಿರೋ ಹಿಟ್​ಮ್ಯಾನ್​ 3 ಶತಕ, 3 ಅರ್ಧಶತಕ ಸಿಡಿಸಿ ಮಿಂಚಿದ್ದಾರೆ. ಈ ಹಿಂದೆ ಬಾಂಗ್ಲಾ ಬೌಲರ್​ಗಳ ಮೇಲೆ ಸವಾರಿ ಮಾಡಿದ ಇತಿಹಾಸ ಹೊಂದಿರೋ ರೋಹಿತ್​, ಕೊಹ್ಲಿ ಮಹತ್ವದ ಟೂರ್ನಿಗೂ ಮುನ್ನ ಫಾರ್ಮ್​ಗೂ ಮರಳಿದ್ದಾರೆ.

ಇದನ್ನೂ ಓದಿ: 133 ವರ್ಷದ ಇತಿಹಾಸ; ಮಾಜಿ CM ನಿಜಲಿಂಗಪ್ಪರ ರಾಜೀನಾಮೆಗೆ ಕಾರಣವಾಗಿದ್ದ ಠಾಣೆ ಇನ್ನು ನೆನಪು ಮಾತ್ರ!

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ 'ರನ್ ಭೂಮಿ' ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್