ಪ್ಲೇ-ಆಫ್ ರೇಸ್​ನಿಂದ ಹೊರಬಿದ್ದ ಎರಡು ತಂಡಗಳು.. ಇನ್ನೊಂದು ಫ್ರಾಂಚೈಸಿಯ ಹಣೆಬರಹವೂ ಅಷ್ಟೇ..

ಐಪಿಎಲ್​ ಸೀಸನ್​ 18ರ ಫಸ್ಟ್ ಹಾಫ್​ ಅಂತ್ಯಕ್ಕೆ ಕಂಡಿದೆ. ಸೆಕೆಂಡ್​ ಹಾಫ್​ ವಾರ್​​ ಆರಂಭ ಶುರುವಾಗಿದೆ. ಮೊದಲಾರ್ಧ ಅಂತ್ಯವಾದ ಬೆನ್ನಲ್ಲೇ ಪ್ಲೇ ಆಫ್​ನ ಲೆಕ್ಕಾಚಾರಗಳೂ ಜೋರಾಗಿ ನಡೀತಿವೆ. ಐಪಿಎಲ್​ನ ಚಾಂಪಿಯನ್​ ತಂಡಗಳು ಈ ಸೀಸನ್​ನಲ್ಲಿ ಮಕಾಡೆ ಮಲಗಿವೆ. ಆರಂಭಕ್ಕೂ ಮುನ್ನ ಹೆಚ್ಚು ನಿರೀಕ್ಷೆ ಇಟ್ಟುಕೊಳ್ಳದ ತಂಡಗಳು ಪ್ಲೇ ಆಫ್​ ರೇಸ್​​ನಲ್ಲಿ ಮುಂಚೂಣಿಯಲ್ಲಿವೆ.

ಧೋನಿ ಅಭಿಮಾನಿಗಳಿಗೆ ಬಿಗ್ ಶಾಕ್

ಮತ್ತೊಮ್ಮೆ ಕಪ್ ಎತ್ತಬಹುದು ಅಂದ್ಕೊಂಡಿದ್ದ ಧೋನಿ ಹಾಗೂ ಚೆನ್ನೈ ಸೂಪರ್ ಕಿಂಗ್ಸ್​ ಅಭಿಮಾನಿಗಳಿಗೆ ದೊಡ್ಡ ಆಘಾತ ಆಗಿದೆ. ಆರಂಭದಲ್ಲಿ ಕಪ್​ ಗೆಲ್ಲುವ ನಿರೀಕ್ಷೆ ಇಟ್ಕೊಂಡಿದ್ದ ಸಿಎಸ್​ಕೆಗೆ ಅಭಿಮಾನಿಗಳಿಗೆ ನಿರಾಸೆ ಆಗಿದೆ. ಯಾಕೆಂದರೆ ಸಿಎಸ್​​ಕೆ ಪ್ಲೇ-ಆಫ್​ ರೇಸ್​ನಿಂದ ಹೊರ ಬಿದ್ದಿದೆ.

ಇಲ್ಲಿಯವರೆಗೆ 9 ಪಂದ್ಯಗಳನ್ನು ಆಡಿರುವ ಸಿಎಸ್​​ಕೆ, ಸತತ 7 ಪಂದ್ಯಗಳಲ್ಲಿ ಸೋಲನ್ನು ಕಂಡಿದೆ. ಅಲ್ಲದೇ ಪಾಯಿಂಟ್ಸ್​ ಪಟ್ಟಿಯಲ್ಲಿ ಕೊನೆಯ ಸ್ಥಾನದಲ್ಲಿದೆ. ಹೀಗಾಗಿ, ಚೆನ್ನೈ ತಂಡ ಪ್ಲೇ-ಆಫ್ ಪ್ರವೇಶ ಮಾಡೋದು ಕಷ್ಟ.

ಇದನ್ನೂ ಓದಿ: ಪ್ಲೇ-ಆಫ್​ ರೇಸ್​ನಲ್ಲಿ ಒಟ್ಟು 6 ತಂಡಗಳು.. ಯಾವ್ಯಾವ ತಂಡದ ಲಕ್ ಬದಲಾಗಬೇಕು..?

ರಾಜಸ್ಥಾನ್ ರಾಯಲ್ಸ್ ಕತೆಯೂ ಅಷ್ಟೇ 9 ಪಂದ್ಯಗಳಲ್ಲಿ 7ರಲ್ಲಿ ಸೋತಿದೆ. ಕೇವಲ 2 ಪಂದ್ಯವನ್ನು ಗೆದ್ದಿರುವ ರಾಜಸ್ಥಾನ್​, 4 ಅಂಕದೊಂದಿಗೆ 9ನೇ ಸ್ಥಾನದಲ್ಲಿದೆ. ಹಾಗಾಗಿ ರಾಜಸ್ಥಾನ್ ರಾಯಲ್ಸ್ ಪ್ಲೇ-ಆಫ್ ಪ್ರವೇಶದ ಹಾದಿ ತುಂಬಾ ದುರ್ಗಮವಾಗಿದೆ. ಅದೇ ರೀತಿ ಎಸ್​ಆರ್​ಹೆಚ್​ ಭವಿಷ್ಯ ಕೂಡ ಅಷ್ಟೇ, ಮೂರು ಪಂದ್ಯವನ್ನು ಗೆದ್ದಿರುವ ಹೈದರಾಬಾದ್​ 6 ಅಂಕಪಡೆದುಕೊಂಡು 8ನೇ ಸ್ಥಾನದಲ್ಲಿದೆ. ಪ್ಲೇ-ಆಫ್ ಪ್ರವೇಶ ಮಾಡಬೇಕು ಅಂದರೆ, ಉಳಿದಿರುವ ಐದು ಪಂದ್ಯಗಳಲ್ಲಿ ಮ್ಯಾಜಿಕ್ ಮಾಡಬೇಕು. ಅಲ್ಲದೇ, ನೆಟ್​ರನ್​ ರೇಟ್​ ತುಂಬಾನೇ ಮುಖ್ಯವಾಗುತ್ತದೆ.

ಇದನ್ನೂ ಓದಿ: ಮತ್ತೆ ಚಿಗುರಿದ ಕನಸು.. ರಾಜಸ್ಥಾನ್ ವಿರುದ್ಧದ ಗೆಲುವು ಆರ್​ಸಿಬಿಗೆ 3 ಸಂಭ್ರಮ..

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ 'ರನ್ ಭೂಮಿ' ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್