ಪ್ಲೇ-ಆಫ್​ ರೇಸ್​ನಿಂದ ಅಧಿಕೃತವಾಗಿ ಹೊರಬಿದ್ದ ಧೋನಿ.. IPL ಇತಿಹಾಸದಲ್ಲಿ ಚೆನ್ನೈ ಕೆಟ್ಟ ದಾಖಲೆ..!

ಚೆಪಾಕ್​ನಲ್ಲಿ ನಿನ್ನೆ ಚೆನ್ನೈಗೆ ಪಂಜಾಬ್ ಪವರ್​ಫುಲ್​ ಪಂಚ್​ ಕೊಡ್ತು. ಬೌಲಿಂಗ್​ ಚಹಲ್​ ಚಮಕ್​ ಕೊಟ್ರೆ, ಬ್ಯಾಟಿಂಗ್​ನಲ್ಲಿ ಪ್ರಭ್​ ಸಿಮ್ರನ್​ ಸಿಂಗ್​, ಶ್ರೇಯಸ್​ ಅಯ್ಯರ್​ ಶೈನ್​ ಆದ್ರು. ಪಂಜಾಬ್​ ಶೇರ್​​ಗಳ ಘರ್ಜನೆಯ ಮುಂದೆ ಚೈನ್ನೈ ಕಿಂಗ್ಸ್​​ ಸೈಲೆಂಟ್​​ ಆದ್ರು. ಸ್ಯಾಮ್​ ಕರನ್​​ ಆಟ ನೀರಿನಲ್ಲಿ ಹೋಮ ಮಾಡಿದಂತಾಯ್ತು.

ಟಾಸ್​​ ಸೋತು ಮೊದಲು ಬ್ಯಾಟಿಂಗ್​​ಗೆ ಬಂದ ಚೆನ್ನೈಗೆ ಉತ್ತಮ ಆರಂಭ ಸಿಗಲಿಲ್ಲ. ಶೇಕ್​ ರಶೀದ್​, ಆಯುಶ್​ ಮ್ಹಾತ್ರೆ ಅಲ್ಪಮೊತ್ತಕ್ಕೆ ಔಟಾದ್ರು. ರವೀಂದ್ರ ಜಡೇಜಾ 17 ರನ್​ಗಳಿಸಿ ನಿರ್ಗಮಿಸಿದ್ರು. ಪವರ್​ ಪ್ಲೇನಲ್ಲೇ 3 ವಿಕೆಟ್​ ಕಳೆದುಕೊಂಡ ಚೆನ್ನೈ ಮತ್ತೊಮ್ಮೆ ಸಂಕಷ್ಟಕ್ಕೆ ಸಿಲುಕಿತ್ತು.

ಇದನ್ನೂ ಓದಿ: ಇಂದಿನಿಂದ ಒಂದೇ ಗ್ರಾಮೀಣ ಬ್ಯಾಂಕ್, ಕರ್ನಾಟಕದ ಆ ಎರಡು ಬ್ಯಾಂಕ್​​ಗಳು ವಿಲೀನ..!

ಈ ಬಾರಿ ಕುಸಿತ ಕಂಡ ಚೆನ್ನೈಗೆ ಸ್ಯಾಮ್​ ಕರನ್​ ಆಸರೆಯಾಗಿ ನಿಂತ್ರು. ಕರನ್​ ಆರ್ಭಟಕ್ಕೆ ಪಂಜಾಬ್​ ಪಡೆ ನಲುಗಿತು. 5ನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್​ಗೆ ಬಂದ ಡೆವಾಲ್ಡ್​ ಬ್ರೆವಿಸ್​, ಸ್ಯಾಮ್​ ಕರನ್​ಗೆ ಸಾಥ್​ ನೀಡಿದ್ರು. ಈ ಜೋಡಿ 78 ರನ್​ಗಳ ಜೊತೆಯಾಟವಾಡಿತು. 2 ಬೌಂಡರಿ, 1 ಸಿಕ್ಸರ್​​ ಸಿಡಿಸಿದ ಬ್ರೆವಿಸ್​ 32 ರನ್​ಗಳಿಸಿದ್ರು. ಚೆಪಾಕ್​​ ಅಂಗಳದಲ್ಲಿ ಧೂಳೆಬ್ಬಿಸಿದ ಸ್ಯಾಮ್​​ ಕರನ್​​ 9 ಬೌಂಡರಿ, 4 ಸಿಕ್ಸರ್​​ ಸಿಡಿಸಿ ಅಬ್ಬರಿಸಿದ್ರು. ಅದ್ರಲ್ಲೂ ಸೂರ್ಯಾಂಶ್​ ಶೆಡ್ಗೆ ಎಸೆದ 16ನೇ ಓವರ್​ನಲ್ಲಿ ಬರೋಬ್ಬರಿ 26 ರನ್​ ಚಚ್ಚಿದ್ರು. 187ರ ಸ್ಟ್ರೈಕ್​ರೇಟ್​​ನಲ್ಲಿ ಘರ್ಜಿಸಿದ ಸ್ಯಾಮ್​ ಕರನ್​​ 44 ಎಸೆತಗಳಲ್ಲಿ 88 ರನ್​ಗಳಿಸಿದ್ರು.

88 ರನ್​ಗಳಿಸಿ ಸ್ಯಾಮ್​​ ಕರನ್​​ ಔಟಾದ್ರು. ಬಳಿಕ ಬಂದ ಧೋನಿ 1 ಸಿಕ್ಸರ್​, 1 ಬೌಂಡರಿ ಬಾರಿಸಿ ಪೆವಿಲಿಯನ್​ ಸೇರಿದ್ರು. 19ನೇ ಓವರ್​ನ ಮೊದಲ ಎಸೆತದಲ್ಲಿ ಧೋನಿಯನ್ನ ಔಟ್​ ಮಾಡಿದ ಚಹಲ್​, 4ನೇ ಎಸೆತದಲ್ಲಿ ಹೂಡಾ, 5ನೇ ಎಸೆತದಲ್ಲಿ ಅನ್ಶುಲ್​ ಕಾಂಬೋಜ್​, 6ನೇ ಎಸೆತದಲ್ಲಿ ನೂರ್​ ಅಹ್ಮದ್​ ವಿಕೆಟ್​ ಉರುಳಿಸಿ ಹ್ಯಾಟ್ರಿಕ್​​ ಸಾಧನೆ ಮಾಡಿ, ತನ್ನದೇ ಸ್ಟೈಲ್​ನಲ್ಲಿ ಸಂಭ್ರಮಿಸಿದ್ರು.

ಇದನ್ನೂ ಓದಿ: ರಿಂಕು ಸಿಂಗ್​​ ಕೆನ್ನೆಗೆ ಕುಲ್​ದೀಪ್​ ಯಾದವ್ ಹೊಡೆದಿದ್ದು ಯಾಕೆ..? ಸ್ಪಷ್ಟನೆ ನೀಡಿದ KKR

ಕೊನೆಯ ಓವರ್​​​ 2ನೇ ಎಸೆತದಲ್ಲಿ ಶಿವಂ ದುಬೆ ಔಟ್​ ಆಗೋದ್ರೊಂದಿಗೆ ಚೆನ್ನೈ ಆಲೌಟ್​ ಆಯ್ತು. 190 ರನ್​ಗಳಿಸಿದ ಚೆನ್ನೈ ಪಂಜಾಬ್​ಗೆ 191 ರನ್​ಗಳ ಟಾರ್ಗೆಟ್​ ನೀಡ್ತು. ಟಾರ್ಗೆಟ್​ ಬೆನ್ನತ್ತಿದ ಪಂಜಾಬ್​ ಕಿಂಗ್ಸ್​ ಡಿಸೆಂಟ್ ಆರಂಭ ಪಡೆಯಿತು. 5 ಬೌಂಡರಿ ಚಚ್ಚಿದ ಪ್ರಿಯಾಂಶ್​ ಆರ್ಯ 15 ಎಸೆತಗಳಲ್ಲೇ 23 ರನ್​ ಸಿಡಿಸಿದ್ರು. ರಿಧಮ್​ ಕಂಡುಕೊಂಡ ಪ್ರಭ್​ ಸಿಮ್ರನ್​ ಸಿಂಗ್​ ಸ್ಪೋಟಕ ಆಟವಾಡಿದ್ರು. 5 ಬೌಂಡರಿ, 3 ಸಿಕ್ಸರ್​ ಸಿಡಿಸಿದ ಪ್ರಭ್​ಸಿಮ್ರನ್​ ಹಾಫ್​ ಸೆಂಚುರಿ ಸಿಡಿಸಿ ಮಿಂಚಿದ್ರು.

ಅರ್ಧಶತಕ ಸಿಡಿಸಿ ಪ್ರಭ್​ಸಿಮ್ರನ್​ ಔಟಾದ್ರೆ, ನೆಹಾಲ್ ವಡೇರಾ 5 ರನ್​ಗಳಿಸಿ ನಿರ್ಗಮಿಸಿದ್ರು. ಸಾಲಿಡ್​​ ಆಟವಾಡಿದ ಶ್ರೇಯಸ್​​ ಅಯ್ಯರ್​​ ಅಬ್ಬರದ ಅರ್ಧಶತಕ ಸಿಡಿಸಿದ್ರು. ಶ್ರೇಯಸ್​ ಅಯ್ಯರ್​ ಸಾಥ್​ ನೀಡಿದ ಶಶಾಂಕ್​ ಸಿಂಗ್​ 11 ಎಸೆತಗಳಲ್ಲಿ 23 ರನ್​ ಚಚ್ಚಿದ್ರು. ಆದ್ರೆ, 18ನೇ ಓವರ್​ನ 3ನೇ ಎಸೆತದಲ್ಲಿ ಬಿಗ್​ ಶಾಟ್​ ಹೊಡೆಯಲು ಹೋಗಿ ಡೆವಾಲ್ಡ್​ ಬ್ರೆವಿಸ್​ ಹಿಡಿದ ಅದ್ಭುತ ಕ್ಯಾಚ್​ಗೆ ಬಲಿಯಾದ್ರು.

ಇದನ್ನೂ ಓದಿ: ತವರಲ್ಲಿ CSKಗೆ ಭಾರೀ ಅವಮಾನ.. ಧೋನಿ ಪಡೆಗೆ ಹಿಗ್ಗಾಮುಗ್ಗಾ ಬಾರಿಸಿದ ಶ್ರೇಯಸ್, ಪ್ರಭಸಿಮ್ರನ್

ಅಂತಿಮ ಹಂತದಲ್ಲಿ ಶ್ರೇಯಸ್​ ಅಯ್ಯರ್​, ಸುರ್ಯಾಂಶ್​ ಶೆಗ್ಡೆ ವಿಕೆಟ್​ ಕಬಳಿಸಿದ ಚೆನ್ನೈ ಕಮ್​​ಬ್ಯಾಕ್​ ಮಾಡ್ತು. ಆದ್ರೆ, ಗೆಲುವಿನ ದಡ ಸೇರಲು ಆಗಲಿಲ್ಲ. ಜೋಸ್​ ಇಂಗ್ಲೀಸ್​, ಮಾರ್ಕೋ ಯಾನ್ಸೆನ್​ ಅಜೇಯವಾಗುಳಿದುಕೊಂಡು ಪಂಜಾಬ್​ನ ಗೆಲ್ಲಿಸಿದ್ರು. 19.4 ಓವರ್​​ಗಳಲ್ಲಿ 6 ವಿಕೆಟ್​ ಕಳೆದುಕೊಂಡು ಗುರಿ ತಲುಪಿದ ಪಂಜಾಬ್​ 4 ವಿಕೆಟ್​ಗಳ ಜಯ ಸಾಧಿಸಿತು. ಚೆನ್ನೈ ಚೆಪಾಕ್​ನಲ್ಲಿ ಸತತ 5ನೇ ಸೋಲಿಗೆ ಶರಣಾಯ್ತು. ಜೊತೆಗೆ​ ಅಧಿಕೃತವಾಗಿ ಪ್ಲೇ ಆಫ್​​ ರೇಸ್​ನಿಂದ ಐಪಿಎಲ್​ನಿಂದ ಹೊರಬೀಳ್ತು.

ಇದನ್ನೂ ಓದಿ: ತಿಮ್ಮಪ್ಪನ ದರ್ಶನ ಪಡೆದ RCB ಕ್ಯಾಪ್ಟನ್​, ವಿಕೆಟ್​ ಕೀಪರ್.. 18 ವರ್ಷಗಳ ಸತತ ಹೋರಾಟಕ್ಕೆ ಬ್ರೇಕ್ ಬೀಳುತ್ತಾ?

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ 'ರನ್ ಭೂಮಿ' ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್