ತವರಿನಲ್ಲಿ ಸಿಎಸ್​ಕೆಗೆ ಭಾರೀ ಮುಖಭಂಗ.. ಧೋನಿ ಪಾಲಿಗೆ ದುಸ್ವಪ್ನವಾಗಿ ಕಾಡಿದ ಒಬ್ಬ ಸ್ಟಾರ್​..!

ನಾಯಕತ್ವ ಬದಲಾದ್ರೂ ಸಿಎಸ್​ಕೆ ಆಟ ಬದಲಾಗಲಿಲ್ಲ. ಮತ್ತದೇ ಕಳಪೆ ಆಟ, ಮತ್ತದೇ ಸೋಲಿನ ಓಟ. ಕೊಲ್ಕತ್ತಾ ನೈಟ್​ ರೈಡರ್ಸ್​ನ ರಣವ್ಯೂಹದಲ್ಲಿ ಸಿಲುಕಿದ ಸಿಎಸ್​ಕೆ ನಿನ್ನೆ ವಿಲ ವಿಲ ಒದ್ದಾಡಿಬಿಡ್ತು. ಹೋಮ್​​ಗ್ರೌಂಡ್​ನಲ್ಲಿ ಚೆನ್ನೈ ಪರದಾಟ ನಡೆಸಿದ್ರೆ, ಕೊಲ್ಕತ್ತಾ ನೈಟ್​ ರೈಡರ್ಸ್​​ ಮೆರೆದಾಡಿತು. ಸಂಪೂರ್ಣ ಯೆಲ್ಲೋಮಯವಾಗಿದ್ದ ಚೆಪಾಕ್​ ಮೈದಾನ ಸಂಪೂರ್ಣ ಸೈಲೆಂಟ್​ ಆಗಿತ್ತು.

ಚೆಪಾಕ್​ ಅಂಗಳದಲ್ಲಿ ಮೊದಲು ಬ್ಯಾಟಿಂಗ್​ಗೆ ಬಂದ ಚೆನ್ನೈ ಸೂಪರ್​ ಕಿಂಗ್ಸ್​​ ಕೆಕೆಆರ್​ ಬೌಲರ್ಸ್​ ಶಾಕ್​ ಮೇಲೆ ಶಾಕ್​ ನೀಡಿದ್ರು. ಕೊಲ್ಕತ್ತಾ ನೈಟ್​ ರೈಡರ್ಸ್​ ಬೌಲರ್​ಗಳ ಮ್ಯಾಜಿಕಲ್​ ಬೌಲಿಂಗ್​​ಗೆ ಯೆಲ್ಲೋಆರ್ಮಿ ಸ್ಟನ್​ ಆಯ್ತು. ರನ್​ಗಳಿಸಲು ಪರದಾಡಿದ ಸಿಎಸ್​ಕೆ ಬ್ಯಾಟರ್ಸ್​​ ಪೆವಿಲಿಯನ್​ ಪರೇಡ್​ ನಡೆಸಿದ್ರು.

ಇದನ್ನೂ ಓದಿ: ಕ್ಯಾಪ್ಟನ್​ MS​ ಧೋನಿಗೆ ಭಾರೀ ಅವಮಾನ.. ಕೇವಲ 104 ರನ್​ಗಳ ಟಾರ್ಗೆಟ್ ನೀಡಿದ ಚೆನ್ನೈ

ರಚಿನ್​ ರವಿಂದ್ರ, ಡಿವೋನ್​ ಕಾನ್ವೆ ಗುಡ್​ ಸ್ಟಾರ್ಟ್​ ನೀಡಲೇ ಇಲ್ಲ. ಕಾನ್ವೆ 12 ರನ್​ಗಳಿಸಿ ನಿರ್ಗಮಿಸಿದ್ರೆ, ರಚಿನ್​ ರವೀಂದ್ರ ಆಟ ಜಸ್ಟ್​ 3 ರನ್​ಗೆ ಅಂತ್ಯವಾಯ್ತು. ಸಿಕ್ಕ ಜೀವದಾನದ ಹೊರತಾಗಿಯೂ ವಿಜಯ್​ ಶಂಕರ್​ ಬಿಗ್​ ಇನ್ನಿಂಗ್ಸ್​ ಕಟ್ಟುವಲ್ಲಿ ಫೇಲ್​ ಆದ್ರು, ವರುಣ್​​ ಚಕ್ರವರ್ತಿ ವಿಜಯ್​ ಶಂಕರ್​ ವಿಕೆಟ್​ ಎಗರಿಸಿದ್ರು.

ರಾಹುಲ್​ ತ್ರಿಪಾಠಿ ಸುನಿಲ್​ ನರೇನ್​ ಬೌಲಿಂಗ್​ನಲ್ಲಿ ಕ್ಲೀನ್​​ಬೋಲ್ಡ್​ ಆದ್ರೆ, ರವಿಚಂದ್ರನ್​ ಅಶ್ವಿನ್​​ 1 ರನ್​ಗಳಿಸುವಷ್ಟರಲ್ಲಿ ಸುಸ್ತಾದ್ರು. ಆಲ್​ರೌಂಡರ್​​ ರವಿಂದ್ರ ಜಡೇಜಾ, ಇಂಪ್ಯಾಕ್ಟ್​ ಪ್ಲೇಯರ್​ ಆಗಿ ಕಣಕ್ಕಿಳಿದ ದೀಪಕ್​ ಹೂಡ ಸೊನ್ನೆ ಸುತ್ತಿದ್ರು. ಸ್ಪಿನ್​ ಟ್ರ್ಯಾಪ್​ಗೆ ಬಿದ್ದ ಕ್ಯಾಪ್ಟನ್​ ಧೋನಿ 1 ಬಂದಷ್ಟೇ ವೇಗವಾಗಿ ಪೆವಿಲಿಯನ್​ ಸೇರಿದ್ರು.

ನೂರ್​ ಅಹ್ಮದ್​ ಆಟಕ್ಕೆ ವೈಭವ್​ ಅರೋರ ಬ್ರೇಕ್​ ಹಾಕಿದ್ರು. ಶಿವಂ ದುಬೆ ಕೊನೆಯ ಓವರ್​​ವರೆಗೂ ಬ್ಯಾಟಿಂಗ್​ ಮಾಡಿದ್ರು. ಇಂಪ್ಯಾಕ್ಟ್​ಫುಲ್​ ಇನ್ನಿಂಗ್ಸ್​ ಆಡಲಿಲ್ಲ. ರನ್​ಗಳಿಕೆಗೆ ತಿಣುಕಾಟ ನಡೆಸಿದ ಶಿವಂದುಬೆ 29 ಎಸೆತ ಎದುರಿಸಿ ಕೇವಲ 31 ರನ್​ಗಳಿಸಿದ್ರು. 20 ಓವರ್​ ಅಂತ್ಯಕ್ಕೆ ಸಿಎಸ್​ಕೆ 9 ವಿಕೆಟ್​ ಕಳೆದುಕೊಂಡು ಕೇವಲ 103 ರನ್​ಗಳಿಸಿತು.

ಇದನ್ನೂ ಓದಿ: ಧೋನಿ ಕ್ಯಾಪ್ಟನ್ ಆದ್ರೂ ಮುಂದುವರೆದ CSK ಸೋಲು.. ಮನೆಯಂಗಳದಲ್ಲಿ ಚೆನ್ನೈ ತಂಡ ಧೂಳೀಪಟ

104 ರನ್​ಗಳ ಸಾದಾರಣ ಟಾರ್ಗೆಟ್​ ಬೆನ್ನತ್ತಿದ ಕೆಕೆಆರ್​ ಅಬ್ಬರದ ಆರಂಭ ಪಡೆದುಕೊಳ್ತು. ಸುನಿಲ್​ ನರೇನ್​-ಕ್ವಿಂಟನ್​ ಡಿಕಾಕ್​ ಅಬ್ಬರಿಸಿದ್ರು. 3 ಸಿಕ್ಸರ್​ ಸಿಡಿಸಿ ಡಿ ಕಾಕ್​​ 16 ಎಸೆತಗಳಲ್ಲಿ 23 ರನ್​ಗಳಿಸಿದ್ರು. ಡಿ ಕಾಕ್​​ ಮಿಂಚಿ ಮರೆಯಾದ್ರೆ 5 ಸಿಕ್ಸರ್​​, 2 ಬೌಂಡರಿ ಬಾರಿಸಿದ ಸುನಿಲ್​ ನರೇನ್​ ಸಿಎಸ್​​ಕೆ ಬೌಲರ್​ಗಳನ್ನ ಬೆಂಡೆತ್ತಿದ್ರು. ಜಸ್ಟ್​ 18 ಎಸೆತಗಳಲ್ಲಿ 44 ರನ್​​ ಸಿಡಿಸಿದ್ರು. ಆ ಮೂಲಕ ನರೈನ್ ಸಿಎಸ್​ಕೆ ದುಸ್ವಪ್ನವಾಗಿ ಕಾಡಿದರು. ಕೇವಲ ಬ್ಯಾಟಿಂಗ್ ಮಾತ್ರವಲ್ಲದೇ, ಬೌಲಿಂಗ್​ನಲ್ಲೂ ಆರ್ಭಟಿಸಿದರು. ತಮ್ಮ ಕೋಟಾದ ನಾಲ್ಕು ಓವರ್​ಗಳಲ್ಲಿ ಕೇವಲ 13 ರನ್​ ನೀಡಿ, ಮೂರು ವಿಕೆಟ್ ಪಡೆದರು.

ನರೇನ್​ ಔಟಾದ ಬಳಿಕ 3ನೇ ವಿಕೆಟ್​ಗೆ ಜೊತೆಯಾದ ಅಜಿಂಕ್ಯಾ ರಹಾನೆ-ರಿಂಕು ಸಿಂಗ್​ ತಂಡವನ್ನ ಗೆಲುವಿನ ದಡ ಸೇರಿಸಿದ್ರು. ರಹಾನೆ ಅಜೇಯ 20 ರನ್​ಗಳಿಸಿದ್ರೆ ರಿಂಕು ಸಿಂಗ್​​ ಅಜೇಯ 15 ರನ್​ಗಳಿಸಿದ್ರು. 10.1 ಓವರ್​ಗಳಲ್ಲಿ ಗೆಲುವಿನ ದಡ ಸೇರಿದ ಕೊಲ್ಕತ್ತಾ 8 ವಿಕೆಟ್​ಗಳ ಭರ್ಜರಿ ಜಯಬೇರಿ ಬಾರಿಸಿತು. ಭಾರಿ ಅಂತರದ ಜಯದೊಂದಿಗೆ ರನ್​ರೇಟ್​ ಹೆಚ್ಚಿಸಿಕೊಂಡ ಕೆಕೆಆರ್​ ಅಂಕಪಟ್ಟಿಯಲ್ಲಿ 3ನೇ ಸ್ಥಾನಕ್ಕೇರಿತು.

ಇದನ್ನೂ ಓದಿ: ಆಲ್​ರೌಂಡರ್​ಗೆ ಬಿಗ್ ಶಾಕ್; IPLಗೆ ಬಂದಿದ್ದಕ್ಕೆ ಮುಂಬೈ ತಂಡದ ಪ್ಲೇಯರ್​​ ಬ್ಯಾನ್!

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ 'ರನ್ ಭೂಮಿ' ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್