ಕೊನೆಯಲ್ಲಿ RCB ಸ್ಕೋರ್​​ ಹೆಚ್ಚಿಸಿದ್ದೇ ಟಿಮ್ ಡೇವಿಡ್.. ಚಾಣಕ್ಯ ಧೋನಿ ಕೈಚಳಕ ಹೇಗಿತ್ತು..? Video

ಇಂಡಿಯನ್​ ಪ್ರೀಮಿಯರ್​​ ಲೀಗ್​ ಇತಿಹಾಸದ ಬದ್ಧವೈರಿಗಳ ಕದನ ಕ್ರಿಕೆಟ್​ ಪ್ರೇಮಿಗಳಿಗೆ ಸಖತ್​ ಕಿಕ್​ ನೀಡ್ತು. ಟಾಸ್​ ಸೋತು ಮೊದಲು ಬ್ಯಾಟಿಂಗ್​ಗಿಳಿದ ಆರ್​​ಸಿಬಿ, ಸಿಎಸ್​​ಕೆ ಭದ್ರಕೋಟೆಯಲ್ಲಿ ಭರ್ಜರಿ ಆಟವಾಡಿತು. ಆರ್​​ಸಿಬಿ ಅಬ್ಬರಕ್ಕೆ ಸಿಎಸ್​​ಕೆ ಬೌಲರ್​​ಗಳು ತಬ್ಬಿಬ್ಬಾದ್ರು.

ಚೆನ್ನೈನ ಚೆಪಾಕ್​​ ಅಂಗಳದಲ್ಲಿ ಟಾಸ್​ ಸೋತು ಬ್ಯಾಟಿಂಗ್​ಗಿಳಿದ ಆರ್​​ಸಿಬಿಗೆ ಓಪನರ್​ ಫಿಲ್​ ಸಾಲ್ಟ್​ ಒಳ್ಳೆ ಸ್ಟಾರ್ಟ್​ ನೀಡಿದ್ರು. 200ರ ಸ್ಟ್ರೈಕ್​ರೇಟ್​ನಲ್ಲಿ ಆರ್ಭಟಿಸಿದ ಫಿಲ್​ ಸಾಲ್ಟ್​​​ 5 ಬೌಂಡರಿ, 1 ಸಿಕ್ಸರ್​ ಚಚ್ಚಿದ್ರು. 16 ಎಸೆತಗಳಲ್ಲಿ 32 ರನ್​ ಚಚ್ಚಿದ್ರು. 32 ರನ್​ಗಳಿದ್ದ ಫಿಲ್​ ಸಾಲ್ಟ್​ ಚಾಣಾಕ್ಯ ಧೋನಿಯ ಕೈಚಳಕಕ್ಕೆ ಬಲಿಯಾದ್ರು. ಜಸ್ಟ್​ 0.16 ಸೆಕೆಂಡ್​ಗಳಲ್ಲಿ ಶರವೇಗದ ಸ್ಟಂಪಿಂಗ್​ ಮಾಡಿದ ಧೋನಿ ಫಿಲ್​ ಸಾಲ್ಟ್​ಗೆ ಪೆವಿಲಿಯನ್​ ದಾರಿ ತೋರಿಸಿದ್ರು.

MS DHONI IS THE GOD OF STUMPING 🦁🔥 pic.twitter.com/ajZQyIYiq5

— Johns. (@CricCrazyJohns) March 28, 2025

3ನೇ ಕ್ರಮಾಂಕದಲ್ಲಿ ಕಣಕ್ಕಿಳಿದ ಕನ್ನಡಿಗ ದೇವದತ್ತ್​ ಪಡಿಕ್ಕಲ್​ ಬಿರುಸಿನ ಆಟವಾಡಿ ಔಟಾದ್ರು. 2 ಬೌಂಡರಿ, 2 ಸಿಕ್ಸರ್​ ಸಿಡಿಸಿದ ಪಡಿಕ್ಕಲ್​ 27 ರನ್​ಗಳಿಸಿ ನಿರ್ಗಮಿಸಿದ್ರು. ಆರಂಭದಲ್ಲಿ ಸ್ಟ್ರಗಲ್​ ಮಾಡಿದ ವಿರಾಟ್​ ಕೊಹ್ಲಿ ಬಳಿಕ ರಿದಮ್​ ಕಂಡುಕೊಂಡರು. ಪತಿರಣ ಬೌಲಿಂಗ್​ನಲ್ಲಿ ಬೌಂಡಿರಿ, ಸಿಕ್ಸರ್​ ಸಿಡಿಸಿ ಮಿಂಚಿದ್ರು. ಮಿಂಚಿದಷ್ಟೇ ವೇಗವಾಗಿ ಮರೆಯಾದ್ರು. 31 ರನ್​ಗಳಿಗೆ ಕೊಹ್ಲಿ ಆಟ ಅಂತ್ಯವಾಯ್ತು.

ಬಳಿಕ ಕಣಕ್ಕಿಳಿದ ಜಿತೇಶ್​ ಶರ್ಮಾ, ಲಯಮ್​ ಲಿವಿಂಗ್​ ಸ್ಟೋನ್​ ಅಲ್ಪ ಮೊತ್ತಕ್ಕೆ ಔಟಾದ್ರು. ಇನ್ನೊಂದು ತುದಿಯಲ್ಲಿ ಕ್ರಿಸ್​ ಕಚ್ಚಿ ನಿಂತಿದ್ದ ನಾಯಕ ರಜತ್​ ಪಟಿದಾರ್​ ಕಾನ್ಪಿಡೆಂಟ್​ ಆಟವಾಡಿದ್ರು. ಸಿಎಸ್​ಕೆ ದಾಳಿಯನ್ನ ನಿರ್ಭಿತವಾಗಿ ಎದುರಿಸಿ ಹಾಫ್​ ಸೆಂಚುರಿ ಸಿಡಿಸಿ ಸಂಭ್ರಮಿಸಿದ್ರು. 4 ಫೋರ್​, 3 ಸಿಕ್ಸರ್​ ಚಚ್ಚಿದ ರಜತ್​ ಪಟಿದಾರ್​ 541 ರನ್​ ಸಿಡಿಸಿ ಔಟಾದ್ರು. ಕೃನಾಲ್​ ಪಾಂಡ್ಯ ಡಕೌಟ್​ ಆದ್ರು. ಅಂತಿಮ ಓವರ್​ನಲ್ಲಿ ಆರ್ಭಟಿಸಿದ ಟಿಮ್​ ಡೇವಿಡ್​ ಬಿಗ್​ ಸ್ಕೋರ್​ ಕಲೆ ಹಾಕುವಲ್ಲಿ ನೆರವಾದ್ರು. ಕೇವಲ 8 ಎಸೆತದಲ್ಲಿ 3 ಸಿಕ್ಸರ್, ಒಂದು ಬೌಂಡರಿಯೊಂದಿಗೆ 22 ರನ್​ಗಳ ಕಾಣಿಕೆ ನೀಡಿದರು. ಸ್ಯಾಮ್​ ಕರನ್​ ಎಸೆದ ಕೊನೆ ಓವರ್​ನಲ್ಲಿ ಟಿಮ್​ ಡೇವಿಡ್​ ಹ್ಯಾಟ್ರಿಕ್​ ಸಿಕ್ಸರ್​ ಚಚ್ಚಿದ್ರು.

ಅಂತಿಮವಾಗಿ 20 ಓವರ್​ಗಳ ಅಂತ್ಯಕ್ಕೆ 7 ವಿಕೆಟ್​ ಕಳೆದುಕೊಂಡ ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು ತಂಡ 196 ರನ್​ಗಳ ಬಿಗ್​ ಸ್ಕೋರ್​ ಕಲೆಹಾಕಿತು. ಚೆನ್ನೈ ಪರ ನೂರ್​ ಅಹ್ಮದ್​ 3, ಮತೀಶಾ ಪತಿರಣ 2, ಅಶ್ವಿನ್​, ಖಲೀಲ್​​ ಅಹ್ಮದ್​ ತಲಾ 1 ವಿಕೆಟ್​ ಕಬಳಿಸಿದರು.

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ 'ರನ್ ಭೂಮಿ' ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್