ಮಗಳಿಗೆ ನಾಯಿ ಕಚ್ಚಿತ್ತು.. ಮಂಡ್ಯ ಟ್ರಾಫಿಕ್ ಪೊಲೀಸ್‌ ಅಮಾನವೀಯವಾಗಿ ವರ್ತಿಸಿದ್ರಾ? ಅಸಲಿಗೆ ಏನಾಯ್ತು?

ಮಂಡ್ಯ: ಇದೊಂದು ಅಮಾನವೀಯ ಘಟನೆ. ಟ್ರಾಫಿಕ್​ ಪೊಲೀಸರು ಮಾಡಿದ ಒಂದು ಯಡವಟ್ಟಿಗೆ ಪುಟ್ಟ ಮಗು ರಸ್ತೆಯಲ್ಲೇ ಪ್ರಾಣ ಬಿಟ್ಟಿದೆ. ಮಗಳಿಗೆ ನಾಯಿ ಕಚ್ಚಿತ್ತು. ಅಪ್ಪ-ಅಪ್ಪ ಚಿಕಿತ್ಸೆಗಾಗಿ ಮಂಡ್ಯ ಮೀಮ್ಸ್‌ ಆಸ್ಪತ್ರೆಗೆ ಹೋಗುತ್ತಿದ್ದ ಕರೆದುಕೊಂಡು ಹೋಗುತ್ತಿದ್ದರು. ಬೈಕ್ ​ಅನ್ನು ಪೊಲೀಸರು ಅಡ್ಡಗಟ್ಟಲು ಹೋಗಿ ದೊಡ್ಡ ಅನಾಹುತವೇ ಸಂಭವಿಸಿದೆ.

ಪೊಲೀಸರು ಬೈಕ್​ ಅಡ್ಡಗಟ್ಟುವ ವೇಳೆ ಕೆಳಗೆ ಬಿದ್ದ ಮಗು!
ಮಂಡ್ಯದಲ್ಲಿ ಟ್ರಾಫಿಕ್​ ಪೊಲೀಸರ ಯಡವಟ್ಟಿಗೆ ಮೂರು ವರ್ಷದ ಪುಟ್ಟ ಕಂದಮ್ಮ ಬಲಿಯಾಗಿದೆ. ಹೆಲ್ಮೆಟ್​ ತಪಾಸಣೆ ವೇಳೆ ಬೈಕ್​ ಅಡ್ಡಗಟ್ಟುವ ಭರದಲ್ಲಿ ಅಮಾನವೀಯವಾಗಿ ವರ್ತಿಸಿದ್ದು, ಜನಾಕ್ರೋಶಕ್ಕೆ ಕಾರಣವಾಗಿದೆ.

ಘೋರ ದುರಂತ ಹೇಗಾಯ್ತು?
ಮದ್ದೂರು ತಾಲೂಕಿನ ಗೊರವನಹಳ್ಳಿ ಮೂಲದ ಅಶೋಕ್ ದಂಪತಿಯ ಪುತ್ರಿ ಹೃತೀಕ್ಷಾಗೆ ನಾಯಿ ಕಚ್ಚಿತ್ತು. ಹೀಗಾಗಿ ಚಿಕಿತ್ಸೆ ಕೊಡಲಿಸಲು ಬೈಕ್​ನಲ್ಲಿ ಮಗಳನ್ನು ಮಂಡ್ಯದ ಮಿಮ್ಸ್​ಗೆ ದಂಪತಿ ಕರೆದೊಯ್ಯುತ್ತಿದ್ದರು.
ಸ್ವರ್ಣಸಂದ್ರ ಸರ್ಕಲ್‌ ಬಳಿಯ ಹಳೆ ಬೆಂಗಳೂರು-ಮೈಸೂರು ಹೆದ್ದಾರಿಯಲ್ಲಿ ಮಂಡ್ಯದ ಟ್ರಾಫಿಕ್​ ಪೊಲೀಸರು ವಾಹನ ತಪಾಸಣೆ ಮಾಡುತ್ತಿದ್ದರು. ಅದೇ ಮಾರ್ಗದಲ್ಲಿ ಹೆಲ್ಮೆಟ್​ ಧರಿಸದೇ ಬರುತ್ತಿದ್ದ ಮಗು ಇದ್ದ ಬೈಕ್​ ಅನ್ನು ಪೊಲೀಸರು ಅಡ್ಡ ಹಾಕಿದ್ದಾರೆ.

ಇದನ್ನೂ ಓದಿ: ಮಗು ಅಲ್ಲಾಡುತ್ತಿದೆ.. ಆಸ್ಪತ್ರೆಗೆ ಓಡೋಡಿ ಬಂದ ಪೋಷಕರು; ಮಂಡ್ಯದಲ್ಲಿ ಮನಮಿಡಿಯುವ ದೃಶ್ಯಗಳು! 

ಮಗುವನ್ನು ಆಸ್ಪತ್ರೆಗೆ ಕರೆದುಕೊಂಡು ಹೋಗ್ತಿದ್ದೀವಿ ಎಂದ ಕಾರಣ ಮೊದಲು ಹಿಡಿದ ಪೊಲೀಸರು ಬಿಟ್ಟು ಕಳುಹಿಸಿದ್ದಾರೆ. ಮತ್ತೆ ಸ್ಪಲ್ಪ ದೂರದಲ್ಲೇ ಇದ್ದ ಇನ್ನೊಬ್ಬ ಟ್ರಾಫಿಕ್​ ಸಿಬ್ಬಂದಿ ಬೈಕ್​​ ಅನ್ನು ಹಿಡಿಯಲು ಯತ್ನಿಸಿದ್ದಾರೆ. ಆಗ ನಿಯಂತ್ರಣ ಬೈಕ್​ನಿಂದ ಕೆಳಗೆ ಬಿದ್ದ ಮಗುವಿನ ತಲೆ ಮೇಲೆ ಹಿಂದೆಯಿಂದ ಬರುತ್ತಿದ್ದ ಲಾರಿ ಹರಿದಿದೆ. ಇದರಿಂದ ತೀವ್ರ ರಕ್ತ ಸ್ರಾವವಾಗಿದ್ದು ಮಗು ಸ್ಥಳದಲ್ಲೇ ಸಾವನ್ನಪ್ಪಿದೆ.

ಫೈನ್ ಹಾಕೋ ಭರದಲ್ಲಿ ಜೀವ ರಕ್ಷಣೆ ಮರೆತ್ರಾ ಪೊಲೀಸರು?
ಮೃತ ಮಗಳನ್ನು ಮಡಿಲಲ್ಲಿ ಹಿಡಿದುಕೊಂಡು ತಾಯಿ ಕಣ್ಣೀರು
ಹೆತ್ತವರ ಕಣ್ಣೆದುರೇ 3 ವರ್ಷದ ಹೆಣ್ಣು ಮಗು ಮೃತಪಟ್ಟಿದ್ದು, ಮನಕಲಕುವಂತಿತ್ತು. ತಾಯಿ ವಾಣಿ ಮುದ್ದಾದ ಮಗಳನ್ನು ಕಳೆದುಕೊಂಡು ಕಣ್ಣೀರಾಕಿದ್ರು. ಮಗುವನ್ನು ಮಡಿಲಲ್ಲಿಟ್ಟುಕೊಂಡು ಗೋಳಾಡುತ್ತಿದ್ದ ದೃಶ್ಯ ಮನಕಲಕುವಂತಿತ್ತು.

ಈ ದುರಂತದ ವೇಳೆ ಮಂಡ್ಯ ಟ್ರಾಫಿಕ್ ಪೊಲೀಸರು ಮಾನವೀಯತೆಯನ್ನೇ ಮರೆತು ವರ್ತಿಸಿದ್ದಾರೆ ಅನ್ನೋ ಆರೋಪ ಕೂಡ ಇದೆ. ಕೆಳಗೆ ಬಿದ್ದಿದ್ದ ಮಗುವನ್ನು ಆಸ್ಪತ್ರೆಗೆ ಸಾಗಿಸೋದನ್ನು ಬಿಟ್ಟು, ಸಾರ್ವಜನಿಕರಿಗೆ ಮಗು ಎತ್ತಲೂ ಸೂಚನೆ ನೀಡಿದ್ದಾರೆ. ಫೈನ್​ ಹಾಕುವ ತರಾತುರಿಯಲ್ಲಿ ಬೈಕ್​ ತಳ್ಳಿಕೊಂಡು ಹೋಗಿದ್ದಾರೆ. ಇದರಿಂದ ಆಕ್ರೋಶಗೊಂಡ ಸಾರ್ವಜನಿಕರು, ಮಿಮ್ಸ್ ಆಸ್ಪತ್ರೆ ಎದುರಿನ ಹೆದ್ದಾರಿ ತಡೆದು ಪೊಲೀಸರ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

ಆಕ್ರೋಶದ ಬೆನ್ನಲ್ಲೇ ಮೂವರು ASIಗಳು ಸಸ್ಪೆಂಡ್​!
ಸಾರ್ವಜನಿಕರ ಆಕ್ರೋಶದ ಬೆನ್ನಲ್ಲೇ ಎಚ್ಚೆತ್ತ ಮಂಡ್ಯ ಎಸ್​ಪಿ, ಪೊಲೀಸರ ತಪ್ಪು ಇದ್ರೆ ಕ್ರಮ ಕೈಗೊಳ್ಳುವುದಾಗಿ ಭರವಸೆ ನೀಡಿದ್ದಾರೆ. ಎಸ್​ಪಿ ಭರವಸೆಗೆ ಮಣಿದ ಮಗುವಿನ ಪೋಷಕರು, ಮರಣೋತ್ತರ ಪರೀಕ್ಷೆಗೆ ಮುಂದಾದ್ರು. ಈ ವೇಳೆ ಪ್ರತಿಭಟನಾಕಾರರು ಈ ಕ್ಷಣದಲ್ಲೇ ಅಧಿಕಾರಿಗಳ ಮೇಲೆ ಕ್ರಮ ಕೈಗೊಳ್ಳಬೇಕೆಂದು ಪಟ್ಟು ಹಿಡಿದು ಹೆದ್ದಾರಿಯಲ್ಲಿ ಮತ್ತೆ ಪ್ರತಿಭಟನೆ ಮುಂದುವರಿಸಿದರು. ಆಮೇಲೆ ಸ್ಥಳಕ್ಕೆ ಬಂದ ಮಂಡ್ಯ ಎಸ್​ಪಿ ಮಲ್ಲಿಕಾರ್ಜುನ ಬಾಲದಂಡಿ ಅವರು ಮೂವರು ಎಎಸ್‌ಐಗಳನ್ನು ಸಸ್ಪೆಂಡ್​ ಮಾಡಿರುವುದಾಗಿ ತಿಳಿಸಿದರು.

ಮಂಡ್ಯದ ಟ್ರಾಫಿಕ್ ಪೊಲೀಸರ ಯಡವಟ್ಟಿಗೆ ಒಂದು ಪುಟ್ಟ ಮಗು ಜೀವವನ್ನೇ ಕಳೆದುಕೊಂಡಿದ್ದು, ನಿಜಕ್ಕೂ ದುರಂತ. ಒಂದು ವೇಳೆ ಸಂಚಾರಿ ನಿಯಮ ಉಲ್ಲಂಘಿಸಿದ್ರೆ, ನೋಟಿಸ್​ ಕೊಟ್ಟು ದಂಡ ವಸೂಲಿ ಮಾಡಬಹುದಿತ್ತು. ಆದ್ರೆ ಫೈನ್​ಗೋಸ್ಕರ ಒಂದು ಜೀವವನ್ನೇ ಬಲಿ ಪಡೆದಿದ್ದು ಎಷ್ಟು ಸರಿ ಅನ್ನೋದು ಸಾರ್ವಜನಿಕರ ಪ್ರಶ್ನೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ