ಚೀನಾದಲ್ಲಿ ಭೀತಿ ಹುಟ್ಟಿಸಿದ ಹೊಸ ವೈರಸ್​; ಇದು ಕೋವಿಡ್​ನಷ್ಟೇ ಅಪಾಯಕಾರಿನಾ? ತಜ್ಞ ವೈದ್ಯರು ಹೇಳೋದೇನು?

ಸದ್ಯ ಚೀನಾದಲ್ಲಿ ಕಂಡು ಬಂದಿರುವ ಹೆಚ್​ಎಂಪಿವಿ ವೈರಸ್ ಕೋವಿಡ್ ವೈರಸ್ ಸೃಷ್ಟಿಸಿದ ಆತಂಕವನ್ನೇ ಸೃಷ್ಟಿಸಿದೆ. ಇದು ಕೂಡ ಕೋವಿಡ್ ರೀತಿ ಎಲ್ಲಿ ವಿಶ್ವವ್ಯಾಪಿ ಹರಡಿ, ಜನರ ಜೀವನವನ್ನು ಇನ್ನೊಮ್ಮೆ ಲಾಕ್​ಡೌನ್ ಒಳಗೆ ನೂಕುತ್ತದೆಯೋ ಎಂಬ ಭೀತಿ ಶುರುವಾಗಿದೆ. ಆದ್ರೆ ಸಾಂಕ್ರಾಮಿಕ ರೋಗ ತಜ್ಞರಾದ ಸುನೀಲ್​ಕುಮಾರ್ ದೊಡ್ಡೇರಿಯವರು ನ್ಯೂಸ್​ಫಸ್ಟ್​ ಜೊತೆ ಮಾತನಾಡಿ ಯಾವುದೇ ಕಾರಣಕ್ಕೂ ಭೀತಿ ಪಡುವ ಅವಶ್ಯಕತೆ ಇಲ್ಲ. ಈ ಒಂದು ವೈರಸ್ ಕೋವಿಡ್​ನಷ್ಟು ಅಪಾಯಕಾರಿಯಲ್ಲ ಎಂದು ಹೇಳಿದ್ದಾರೆ.

‘ಕೋವಿಡ್​ನಷ್ಟು ಅಪಾಯಕಾರಿ ವೈರಸ್ ಅಲ್ಲ’

ಈಗ ಚೀನಾದಲ್ಲಿ ನಾಳ್ಕು ಪ್ರಮುಖ ವೈರಸ್​ಗಳು ಇವೆ. ಉಸಿರಾಟದ ಸೋಂಕಗಳೆಂದು ಕರೆಯುವ ಸಮಸ್ಯೆಗಳಿರುವ ಪ್ರಕರಣಗಳಲ್ಲಿ ಜಾಸ್ತಿ ಕಂಡು ಬರುತ್ತಿವೆ ಅದರಲ್ಲೂ ಆಸ್ಪತ್ರೆಗೆ ದಾಖಲಾಗುತ್ತಿರುವವರ ಸಂಖ್ಯೆ ಜಾಸ್ತಿಯಾಗುತ್ತಿದೆ. ನಾಲ್ಕು ವೈರಸ್​ನಲ್ಲಿ ಒಂದು ಹೆಚ್​ಎಂಪಿವಿ ವೈರಸ್ ಅಂತ ಒಂದಿದೆ ಅದು ಒಂದು ಹೊಸ ಲಂಗ್ ವೈರಸ್​. ಈ ವೈರಸ್​ಗಳು ಚೈನಾದಲ್ಲಿ ಕಳೆದ ಒಂದು ತಿಂಗಳಿಂದ ಪ್ರಕರಣಗಳನ್ನು ಹೆಚ್ಚಿಸುತ್ತಿವೆ.
ಐದು ವರ್ಷಗಳ ಹಿಂದೆ ನೋಡಿದಾಗ ಕೋವಿಡ್ ಶುರುವಾಗಿದ್ದು ಕೂಡ ಇದೇ ರೀತಿಯಲ್ಲಿ ಹಾಗಾಗಿ ಆತಂಕ ಆಗಿರುವುದು ಸಾಮಾನ್ಯ ನಾಲ್ಕು ವೈರಸ್​ನಲ್ಲಿ ಹೆಚ್​ಎಂಪಿವಿ ವೈರಸ್ ಮೊದಲ ಬಾರಿ 2001ರಲ್ಲಿ ನೆದರ್​​ಲ್ಯಾಂಡ್​ನಲ್ಲಿ ಮೊದಲ ಬಾರಿ ಪತ್ತೆಯಾಗಿತ್ತು. ಇದು ಈಗ ಚೈನಾದಲ್ಲಿ ಕಾಣಿಸಿಕೊಳ್ಳುತ್ತಿದೆ. ಅದರಲ್ಲೂ 14 ವರ್ಷದೊಳಗಿನ ಮಕ್ಕಳಲ್ಲಿ ಇದು ಜಾಸ್ತಿ ಕಾಣಿಸುತ್ತಿದೆ. ಈಗೀನ ಸ್ಥಿತಿಯಲ್ಲಿ ನೋಡಿದಾಗ ಕೇಸಸ್​ಗಳು ಜಾಸ್ತಿ ಆಗಿರುವುದರಿಂದ ಚೈನಾದಲ್ಲಿ ಸ್ವಲ್ಪ ಆತಂಕ ಮನೆಮಾಡಿದೆ ಅಂತ ಹೇಳಬಹುದು ಆದ್ರೆ ಇನ್ನೂವರೆಗೂ ಚೀನಾದವರು ಪಬ್ಲಿಕ್ ಎಮರ್ಜೆನ್ಸಿ ತರ ಏನನ್ನೂ ಘೋಷಣೆ ಮಾಡಿಲ್ಲ ಇತ್ತ ವಿಶ್ವ ಆರೋಗ್ಯ ಸಂಸ್ಥೆಯೂ ಆ ರೀತಿ ಹೇಳಿಲ್ಲ. ಎಂದು ಸುನೀಲ್ ಕುಮಾರ್ ದೊಡ್ಡೆರಿ ಹೇಳಿದ್ದಾರೆ.

ಯಾವುದೇ ಒಂದು ಹೊಸ ವೈರಸ್ ಬಂದಾಗ ಎಲ್ಲರಲ್ಲೂ ಆತಂಕ ಮನೆ ಮಾಡೋದು ಸಹಜ. ಚೈನಾದಲ್ಲಿ ಕಂಡಿರುವ ನಾಲ್ಕು ವೈರಸ್​ಗಳಲ್ಲಿ ಹೆಚ್​ಎಂಪಿವಿ ನಮ್ಮ ದೇಶದಲ್ಲಿ ಸದ್ಯಕ್ಕೆ ಕಾಣಿಸಿಕೊಂಡ ಉದಾಹರಣೆಯಿಲ್ಲ. ಅದಕ್ಕೆ ಸಂಬಂಧಪಟ್ಟ ನಿಖರವಾದ ಮಾಹಿತಿಯೂ ಕೂಡ ಇಲ್ಲ. ಆದ್ರೆ ಒಂದು ಏನು ಅಂದ್ರೆ ಈಗ ಕೊವಿಡ್​ ಒಂದು ಪಾಠ ಇರೋದ್ರಿಂದ ಬರುವ ವೈರಸ್​ಗಳೆಲ್ಲಾ ಅದೇ ರೀತಿ ಸಮಸ್ಯೆ ಮಾಡುತ್ತವೆ ಎಂದು ಅಂದುಕೊಳ್ಳಬಾರದು ಜನಗಳು ಕೂಡ ಆತಂಕ ಪಡವು ಅಗತ್ಯವಿಲ್ಲ. ಕೋವಿಡ್​ ಬಳಿಕ ಜಗತ್ತಿನಲ್ಲಿ ಅನೇಕ ಹೊಸ ಹೊಸ ವೈರಸ್​ಗಳು ಬಂದು ಹೋಗಿವೆ.

‘ಮುಂಜಾಗ್ರತೆವಹಿಸದಿದ್ರೆ ಎಲ್ಲಾ ವೈರಸ್ ಅಪಾಯವೇ’

ಅವು ಕೋವಿಡ್ ರೀತಿ ಮಾರಣಾಂತಿಕವಾಗಿ ಕಾಡಲಿಲ್ಲ. ಸದ್ಯ ಇರುವ ಹವಾಮಾನ ಡಿಸೆಂಬರ್​ನಿಂದ ಫೆಬ್ರವರಿವರೆಗೂ ಉಸಿರಾಟಕ್ಕೆ ಸಂಬಂಧಿಸಿದ ಕಾಯಿಲೆಗಳು ಹೆಚ್ಚು ಕಾಣಿಸಿಕೊಳ್ಳುತ್ತವೆ.ಹೀಗಾಗಿ ಕೇಸ್​ಗಳ ಸಂಖ್ಯೆ ಜಾಸ್ತಿ ಆಗಬಹುದು. ಚೀನಾದಲ್ಲಿ ನ್ಯೂ ಇಯರ್ ಸೆಲೆಬ್ರೆಷನ್ ಆಗಿರುವುದರಿಂದ ಜಗತ್ತಿನ ನಾನಾ ಭಾಗದ ಜನರು ಬಂದಿರುತ್ತಾರೆ. ಇದು ಬೇರೆ ದೇಶಗಳಲ್ಲಿ ಹಾಗೂ ಭಾರತದಲ್ಲಿಯೂ ಬರುವ ಸಾಧ್ಯತೆ ಇದೆ ಆದ್ರೆ ಇದು ಸದ್ಯಕ್ಕೆ ಈ ಕೇಸ್ ಬಂದರೂ ಕೂಡ ಗಾಬರಿಯಾಗುವಂತಹ ಅವಶ್ಯಕತೆ ಇಲ್ಲ. ಈ ವೈರಸ್ ಅಷ್ಟೊಂದು ಅಪಾಯಕಾರಿ ಅಲ್ಲ. ಇದರಲ್ಲಿ 5 ರಿಂದ 10 ಪರ್ಸೆಮಟ್​ನಷ್ಟು ನ್ಯೂಮೊನಿಯಾ ಹಾಗೂ ಬ್ರಾಂಕಲೈಟಿಸ್ ಅಂತ ಎರಡು ಸಮಸ್ಯೆಗಳು ಉದ್ಭವಿಸಬಹುದು. ಮುಂಜಾಗ್ರತ ಕ್ರಮಗಳನ್ನು ಬೇರೆ ವೈರಸ್​ಗಳಿಗೆ ಹೇಗೆ ವಹಿಸುತ್ತೇವೋ ಇದಕ್ಕೂ ಕೂಡ ವಹಿಸಬೇಕು ಎಂದು ಸುನೀಲ್ ಕುಮಾರ್ ದದ್ದೇರಿ ಹೇಳಿದ್ದಾರೆ.

ಇದನ್ನೂ ಓದಿ: ಕತ್ತಿನಲ್ಲಿದ್ದ ಸರ ಬಳೆಯಾಗಿ ಕೈಗೆ ಬಂತು.. ಕರಿಮಣಿ, ಮುತ್ತು, ಲಾಕೆಟ್ ಅಷ್ಟೇ ಅಲ್ಲ ಇನ್ನೂ ಏನೋ ಇದೆ..!

ಇನ್ನೂ ಈ ವೈರಸ್ ಕೋವಿಡ್​ನಷ್ಟೇ ಅಪಾಯ ತಂದಿಡುವಂತ ವೈರಸ್ ಆಗಿದ್ದರೆ ಇಷ್ಟೊತ್ತಿಗೆ ವಿಶ್ವ ಆರೋಗ್ಯ ಸಂಸ್ಥ ಹಲವು ಮಾರ್ಗಸೂಚಿಗಳನ್ನು ಹೊರಡಿಸುತ್ತಿತ್ತು. ಅದು ಯಾವದೇ ರೀತಿಯ ಘೋಷಣೆಗಳನ್ನು ಮಾಡಿಲ್ಲ. ಈಗಾಗಲೇ ಹೇಳಿದಂತೆ ಕೋವಿಡ್ ಬಳಿಕ ಅನೇಕ ವೈರಸ್​ಗಳು ಬಂದಿವೆ. ಆದರೆ ಅವು ಯಾವವೂ ಕೋವಿಡ್ ರೀತಿ ಮಾರಣಾಂತಿಕವಾಗಿ ಪರಿಣಾಮ ಬೀರಿಲ್ಲ. ಈ ವೈರಸ್​ ಕೂಡ ಅದೇ ರೀತಿ ಆದ್ರೆ ಪ್ರಮುಖವಾಗಿ ಮಕ್ಕಳು, ಕ್ಯಾನ್ಸರ್ ಹಾಗೂ ಹೆಚ್​ಐವಿಯಿಂದ ಬಳಲುತ್ತಿರುವವರು, ಹಿರಿಯ ನಾಗರಿಕರು ಹಾಗೂ ಬಾಣಂತಿಯರು ಸ್ವಲ್ಪ ಮುಂಜಾಗ್ರತೆಯಿಂದ ಇರಬೇಕು. ಅವರಲ್ಲಿ ಈ ವೈರಸ್ ವ್ಯತಿರಿಕ್ತ ಪರಿಣಾಮ ಬೀರುವ ಸಾಧ್ಯತೆ ಇದೆ ಎಂದು ಹೇಳಿದ್ದಾರೆ.

ಇದನ್ನೂ ಓದಿ:ಕೊಟ್ಟಾಯಂನಲ್ಲಿ ಅಪಘಾತ.. ದೊಡ್ಡ ಪ್ರಪಾತಕ್ಕೆ ಜಾರಿದ ಅಯ್ಯಪ್ಪ ಮಾಲಾಧಾರಿಗಳಿದ್ದ ಬಸ್‌

ಮುಂಜಾಗ್ರತಾ ಕ್ರಮಗಳು ಅಂದರೆ ಸಾಮಾನ್ಯವಾಗಿ ಸೀನು ಹಾಗೂ ಕೆಮ್ಮು ಬಂದಾಗ ಕೈವಸ್ತ್ರದಿಂದ ಮುಖ ಮುಚ್ಚಿಕೊಂಡು ಕೆಮ್ಮುವುದು. ಆಗಾಗ ಕೈತೊಳೆಯುವುದು. ಜನಬೀಡ ಪ್ರದೇಶದಲ್ಲಿ ಹೋಗುವಾಗ ಮುಖಕ್ಕೆ ಮಾಸ್ಕ್​ ಧರಿಸಿಕೊಂಡು ಹೋಗುವುದು. ಏನಾದರು ವೈರಲ್ ಇನ್ಫೆಕ್ಷನ್​ನ ತರಹ ಲಕ್ಷಣಗಳು ಕಂಡು ಬಂದರೆ ವೈದ್ಯರಲ್ಲಿಗೆ ಹೋಗಿ ಚಿಕಿತ್ಸೆ ಪಡೆಯಬೇಕು. ಕೋವಿಡ್ ವೈರಸ್​ಗೆ ಏನೆಲ್ಲಾ ಮುಂಜಾಗ್ರತಾ ಕ್ರಮಗಳನ್ನು ಕೈಗೊಂಡಿದ್ದೆವೋ ಅವೆಲ್ಲಾ ಮುಂಜಾಗ್ರತಾ ಕ್ರಮಗಳನ್ನು ಎಲ್ಲಾ ವೈರಸ್​ ಇನ್ಫೆಕ್ಷನ್​ಗಳಿಗೆ ತೆಗೆದುಕೊಳ್ಳಬೇಕು ಎಂದು ಹೇಳಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ