ದಿಢೀರ್‌ ಭಾರತದ ಜೊತೆ ಸ್ನೇಹ ಹಸ್ತ ಚಾಚಿದ ಚೀನಾ; ಡ್ರ್ಯಾಗನ್ ಬದಲಾಗಲು ಕಾರಣವೇನು?

ಭಾರತ, ಚೀನಾ ಹಾವು-ಮುಂಗುಸಿಯಂತೆ ಇದ್ದ ಕಾಲ ದೂರವಾಗುತ್ತಿದೆ. ಹಲವು ವರ್ಷಗಳ ವೈರತ್ವ ಬಿಟ್ಟು ಒಂದಾಗಲು ಚೀನಾ ಇದೀಗ ಸ್ನೇಹ ಹಸ್ತ ಚಾಚಿದೆ. ಭಾರತದ ಎಲಿಫೆಂಟ್‌ ಹಾಗೂ ಚೀನಾದ ಡ್ರ್ಯಾಗನ್ ಒಟ್ಟಿಗೆ ಡ್ಸಾನ್ಸ್ ಮಾಡಬೇಕು ಅನ್ನೋ ಮಾತು 2 ರಾಷ್ಟ್ರದ ಸಂಬಂಧಕ್ಕೆ ಹೊಸ ಮುನ್ನುಡಿಯನ್ನೇ ಬರೆದಿದೆ.

ಚೀನಾದ ವಿದೇಶಾಂಗ ಸಚಿವ ವಾಂಗ್ ಯೀ ನಿಜಕ್ಕೂ ಅಚ್ಚರಿಯ ಹೇಳಿಕೆಯನ್ನೇ ನೀಡಿದ್ದಾರೆ. ಭಾರತ-ಚೀನಾ ಪಾರ್ಟನರ್‌ಗಳಾಗಿ ಪರಸ್ಪರರ ಯಶಸ್ಸಿಗೆ ಕೊಡುಗೆ ನೀಡಬೇಕು. ಪರಸ್ಪರ ಸಹಕಾರ ಅಂದ್ರೆ ಎಲಿಫೆಂಟ್-ಡ್ರ್ಯಾಗನ್ ಜೊತೆಯಾಗಿ ಡ್ಯಾನ್ಸ್ ಎರಡು ಕಡೆಯವರಿಗೂ ಸರಿಯಾದ ಆಯ್ಕೆ ಎಂದಿದ್ದಾರೆ.

ವಾಂಗ್ ಝೀ ಮಾತಿನ ಅರ್ಥವೇನು?
ಎಲಿಫೆಂಟ್-ಡ್ರ್ಯಾಗನ್ ಡ್ಯಾನ್ಸ್ ಅಂತ ಚೀನಾ ವಿದೇಶಾಂಗ ಸಚಿವ ಹೇಳಿದ ಮಾತಿನ ಅರ್ಥ ಏನಂದ್ರೆ ಮತ್ತೊಮ್ಮೆ ಭಾರತ- ಚೀನಾ ಭಾಯಿ ಭಾಯಿ ಆಗೋಣ ಅನ್ನೋದು.

ಭಾರತ-ಚೀನಾ ವೈರತ್ವ ಬಿಟ್ಟು ಒಂದಾಗಬೇಕು. ರಾಜತಾಂತ್ರಿಕ ಮಾತುಕತೆ ಮೂಲಕ 2 ದೇಶಗಳ ಬಿಕ್ಕಟ್ಟು ಬಗೆಹರಿಸಿಕೊಳ್ಳೋಣ. ಪರಸ್ಪರರನ್ನು ಬೆಂಬಲಿಸುವುದು. ಪರಸ್ಪರರ ಜತೆ ಕೆಲಸ ಮಾಡುವುದು ನಿಜವಾಗಿಯೂ 2 ರಾಷ್ಟ್ರದ ಹಿತಾಸಕ್ತಿಗೆ ಒಳ್ಳೆಯದು. ಇದರಿಂದ 2 ರಾಷ್ಟ್ರದ ಜನರ ಹಿತಾಸಕ್ತಿಯ ರಕ್ಷಣೆ ಮಾಡಿದಂತೆ ಆಗಲಿದೆ ಎಂದು ಚೀನಾ ವಿದೇಶಾಂಗ ಸಚಿವ ವಾಂಗ್ ಯೀ ಹೇಳಿದ್ದಾರೆ.

ಇದನ್ನೂ ಓದಿ: ತಾಜ್​ ಮಹಲ್ ಒಂದೇ ಅಲ್ಲ.. ಭಾರತದಲ್ಲಿ ಇನ್ನೂ 6 ಪ್ರೇಮಿಗಾಗಿ ಕಟ್ಟಿದ ಸ್ಮಾರಕಗಳಿವೆ! ಎಲ್ಲಿ ಗೊತ್ತಾ? 

ಭಾರತ-ಚೀನಾ ಕೈ ಜೋಡಿಸಿದಾಗ ಅಂತಾರಾಷ್ಟ್ರೀಯ ಸಂಬಂಧದಲ್ಲಿ ಪ್ರಜಾಪ್ರಭುತ್ವ ಬಲವಾಗುತ್ತೆ. ಜೊತೆಗೆ ಜಾಗತಿಕ ದಕ್ಷಿಣವೂ ಪ್ರಬಲವಾಗಿ ವೃದ್ದಿಯಾಗಲಿದೆ ಅನ್ನೋದು ಚೀನಾದ ವಾದವಾಗಿದೆ. ಹಿಂದಿನ ಅನುಭವದ ಆಧಾರದಲ್ಲಿ ಚೀನಾ ದೇಶವೂ ಭಾರತದ ಜೊತೆ ಕೆಲಸ ಮಾಡಲು ಸಿದ್ಧವಾಗಿದೆ.

ಟ್ರಂಪ್‌ನಿಂದ ದಿಢೀರ್ ನಿರ್ಧಾರ!
ಕಳೆದ ವರ್ಷ ರಷ್ಯಾದಲ್ಲಿ ಪ್ರಧಾನಿ ಮೋದಿ ಹಾಗೂ ಚೀನಾ ಅಧ್ಯಕ್ಷ ಕ್ಸಿ ಜಿನ್ ಪಿಂಗ್ ಭೇಟಿಯಾಗಿದ್ದರು. ಇದಾದ ಬಳಿಕ 4 ವರ್ಷಗಳ ಲಡಾಖ್ ಗಡಿ ಬಿಕ್ಕಟ್ಟು ಬಗೆಹರಿದಿತ್ತು. ಇದೀಗ ಇನ್ನೊಂದು ಹೆಜ್ಜೆ ಮುಂದೆ ಹೋಗಿರುವ ಚೀನಾ ಭಾರತದ ಜೊತೆಯಾಗಿ ಕೆಲಸ ಮಾಡೋಣ ಎಂದು ಕರೆ ಕೊಟ್ಟಿದೆ.

ಏಪ್ರಿಲ್ 2ರಿಂದ ಅಮೆರಿಕಾ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರು ಭಾರತ-ಚೀನಾ ಸೇರಿದಂತೆ ಎಲ್ಲಾ ದೇಶಗಳ ಮೇಲೆ ಆಮದು ಸುಂಕ ವಿಧಿಸಲು ಮುಹೂರ್ತ ಫಿಕ್ಸ್ ಮಾಡಿದ್ದಾರೆ. ಈ ಆಮದು ಸುಂಕ ಭಾರತ, ಚೀನಾ ಮೇಲೆ ಬಹಳ ದೊಡ್ಡ ಪರಿಣಾಮ ಬೀರಲಿದ್ದು, ಟ್ರಂಪ್ ನಿರ್ಧಾರದ ಬಳಿಕ ಚೀನಾ ತನ್ನ ಸ್ನೇಹ ಹಸ್ತದ ಟ್ರಂಪ್ ಕಾರ್ಡ್‌ಗೆ ಚಾಲನೆ ನೀಡಿದೆ ಎಂದು ವಿಶ್ಲೇಷಣೆ ಮಾಡಲಾಗುತ್ತಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ