ಮದುವೆ ಸಂಭ್ರಮದಲ್ಲಿ ರೋಲೆಕ್ಸ್, ಕಾರ್ಟಿಯರ್ ಸೇರಿ ಲಕ್ಷುರಿ ವಾಚ್ ಧರಿಸಿ ಕಾಣಿಸಿಕೊಂಡ ನಟ ವಿಜಯ ದೇವರಕೊಂಡ

ದಕ್ಷಿಣ ಭಾರತದ ಖ್ಯಾತ ನಟಿ ರಶ್ಮಿಕಾ ಮಂದಣ್ಣ ಹಾಗೂ ನಟ ವಿಜಯ ದೇವರಕೊಂಡ ವಿವಾಹ ಇಡೀ ದೇಶದ ಗಮನ ಸೆಳೆದಿದೆ. ಮದುವೆಯ ಸಂಭ್ರಮ ಹಾಗೂ ಅರತಕ್ಷತೆ ಮುಗಿದಿದೆ. ಆದರೇ, ಇಂಟರ್ ನೆಟ್ ನಲ್ಲಿ ಹಾಗೂ ಸೋಷಿಯಲ್ ಮೀಡಿಯಾದಲ್ಲಿ ಅದರ ಬಗ್ಗೆ ಮಾತ್ರ ಚರ್ಚೆಯಾಗುತ್ತಿಲ್ಲ. ರಶ್ಮಿಕಾ ಮತ್ತು ವಿಜಯ ದೇವರಕೊಂಡ ಅವರ ಸಂಪ್ರದಾಯಿಕ ಡ್ರೆಸ್ ನಿಂದ ಹಿಡಿದು ಧರಿಸಿದ ವಾಚ್ ವರೆಗೂ ಚರ್ಚೆಯಾಗುತ್ತಿದೆ. 
ರಶ್ಮಿಕಾ ಮದುವೆ ವೇಳೆ ಧರಿಸಿದ್ದ ಜ್ಯುವೆಲ್ಲರಿ ಸಾಕಷ್ಟು ಗಮನ ಸೆಳೆದಿದೆ. ಇದೇ ವೇಳೆ ನಟ ವಿಜಯ ದೇವರಕೊಂಡ ಕೂಡ ಮದುವೆ ಮತ್ತು ನಂತರದ ಸಭೆ, ಸಮಾರಂಭಗಳಲ್ಲಿ ಲಕ್ಷುರಿ ವಾಚ್ ಗಳನ್ನು ಧರಿಸಿ ಗಮನ ಸೆಳೆದಿದ್ದಾರೆ. 
ನಟ ವಿಜಯ ದೇವರಕೊಂಡ ಸಂಪ್ರದಾಯಿಕ ಭಾರತೀಯ ವಾಚ್‌ ಗಳನ್ನು ಧರಿಸಿದ್ದರು. ವಿಜಯ ದೇವರಕೊಂಡ ಧರಿಸಿದ್ದ ವಾಚ್ ಗಳೇ ಬೇರೆಯವರಿಗೂ ಸ್ಪೂರ್ತಿಯಾಗಿವೆ.

ರೆಸಿಪ್ಷನ್‌ಗೆ ವಿಂಟೇಜ್‌ ರೋಲೆಕ್ಸ್ ಸೆಲಾನಿ ವಾಚ್ 
ಮದುವೆ ಗಂಡು ನಟ ವಿಜಯ ದೇವರಕೊಂಡ ಮದುವೆ ರೆಸಿಪ್ಷನ್‌ಗೆ ವಿಂಟೇಜ್‌ ರೋಲೆಕ್ಸ್ ಸೆಲಾನಿ ವಾಚ್ ಧರಿಸಿದ್ದರು. ವಿಜಯ ಧರಿಸಿದ್ದ ಡ್ರೆಸ್ ಗೆ ವಾಚ್ ಕೂಡ ಸಖತ್‌ ಆಗಿ ಸೂಟ್ ಆಗಿತ್ತು.
ರೋಲೆಕ್ಸ್ ಸೆಲಾನಿ ವಾಚ್ ಅನ್ನು 1960 ರಲ್ಲಿ ರೋಲೆಕ್ಸ್ ಕಂಪನಿ ಮಾರುಕಟ್ಟೆಗೆ ಪರಿಚಯಿಸಿತ್ತು. ಇಟಲಿಯ ಕಲಾವಿದ ಬೆನೆವೆಟೋ ಸೆಲಾನಿ ಅವರ ಹೆಸರು  ಅನ್ನು ರೋಲೆಕ್ಸ್ ಕಂಪನಿಯು ವಾಚ್‌ ಗೆ ಇಟ್ಟಿದೆ. 
ನಟ ವಿಜಯ ದೇವರಕೊಂಡ ಧರಿಸಿದ್ದ ವಾಚ್‌ಗೆ   ವೈಟ್‌ ಗೋಲ್ಡ್ ಫ್ರೇಮ್ ಕೂಡ ಇತ್ತು. ಜೊತೆಗೆ ಬ್ಲ್ಯಾಕ್ ಡಯಲ್ ಕೂಡ ಇತ್ತು.  
ಈ ವಾಚ್ ಅನ್ನು ಥಾಯ್ ಜ್ಯುವೆಲ್ಲರಿ ಡಿಸೈನರ್ ಪತಚರವಿಪ ಬೋಡಿರತ್ನಕಂಗಕುರಾ ಡಿಸೈನ್ ಮಾಡಿದ್ದರು.
1970 ರ ದಶಕದ ಆರಂಭದಲ್ಲಿ ಇದೇ ರೀತಿಯ ವಿಂಟೇಜ್ ಸೆಲಾನಿ ವಾಚ್ ಗಳು ಮಾರುಕಟ್ಟೆಯಲ್ಲಿ ಸುಮಾರು 3 ಲಕ್ಷ ರೂಪಾಯಿಯಿಂದ 30 ಲಕ್ಷ ರೂಪಾಯಿಗಳವರೆಗೆ ಇರಬಹುದು. ವಿ ನೆಕ್ ಶರ್ಟ್ ಮತ್ತು ಸಂಪ್ರದಾಯಿಕ ಡ್ರೆಸ್ ನಲ್ಲಿ ಮದುವೆ ರೆಸಿಪ್ಷನ್‌ ಗೆ ವಿಜಯ ದೇವರಕೊಂಡ ಧರಿಸಿದ್ದ ವಾಚ್ ಪೂರಕವಾಗಿತ್ತು.

ದೇವಾಲಯ ಭೇಟಿಗೆ ಮತ್ತೊಂದು ರೋಲೆಕ್ಸ್ ಸೆಲಾನಿ ವಾಚ್‌
ತಮ್ಮ ಮದುವೆ ಆಚರಣೆ ಬಳಿಕ ವಿಜಯ ಮತ್ತು ರಶ್ಮಿಕಾ ದೇವರ ಆಶೀರ್ವಾದ ಪಡೆಯಲು ತಿರುಮಲ ತಿರುಪತಿ ದೇವಸ್ಥಾನಕ್ಕೆ ಭೇಟಿ ನೀಡಿದ್ದರು. ಈ ವೇಳೆ ಸಂಪ್ರದಾಯಿಕ ಉಡುಪು ಧರಿಸಿ ದೇವಾಲಯಕ್ಕೆ ಬಂದಿದ್ದ ಭಕ್ತರಿಗೆ ನೂತನ ದಂಪತಿ ಸಿಹಿ ತಿಂಡಿಗಳನ್ನು ವಿತರಿಸಿದ್ದರು.
ದೇವಾಲಯ ಭೇಟಿ ವೇಳೆ ವಿಜಯ ದೇವರಕೊಂಡ ಮತ್ತೆ ವಿಂಟೇಜ್ ರೋಲೆಕ್ಸ್ ಸೆಲಾನಿ ವಾಚ್ ಅನ್ನು ಧರಿಸಿ ಬಂದಿದ್ದರು. ಈ ಭಾರಿ ರೋಲೆಕ್ಸ್ ಗೆನ್ವೆ ಸೆಲ್ಲಾನಿ ವಾಚ್ ನೀಲಿ ಡಯಲ್ ನೊಂದಿಗೆ ಸುಮಾರು 30 ಎಂಎಂ, 18k ಬಿಳಿ ಚಿನ್ನದ ಕೇಸ್ ಮತ್ತು ಅಂಚು ಅನ್ನು ಹೊಂದಿತ್ತು. 

ತವರು ಭೇಟಿ ವೇಳೆ ಗುಸ್ಸಿ ಗ್ರಿಪ್ ವಾಚ್ ಧರಿಸಿದ್ದ ದೇವರಕೊಂಡ

ನವ ದಂಪತಿಗಳು ಬಳಿಕ ತೆಲಂಗಾಣದಲ್ಲಿರುವ ವಿಜಯ ದೇವರಕೊಂಡ ಅವರ ಹುಟ್ಟೂರಿಗೆ ಭೇಟಿ ನೀಡಿದ್ದರು. ಈ ವೇಳೆ ನಟ ವಿಜಯ ದೇವರಕೊಂಡ ಗುಸ್ಸಿ ಗ್ರಿಪ್ ವಾಚ್ ಧರಿಸಿದ್ದರು. 
2020 ರಲ್ಲಿ ಬಿಡುಗಡೆಯಾದ ಗುಸ್ಸಿ ಗ್ರಿಪ್ ಸಂಗ್ರಹವು ವಿಂಟೇಜ್ ಸ್ಕೇಟ್ ಸಂಸ್ಕೃತಿ ಮತ್ತು 1970 ರ ದಶಕದ ಗಡಿಯಾರ ವಿನ್ಯಾಸದಿಂದ ಸ್ಫೂರ್ತಿ ಪಡೆದಿದೆ. ಅದರ ವಿಶಿಷ್ಟವಾದ ದುಂಡಾದ-ಚದರ ಕೇಸ್ ಮತ್ತು ಗಂಟೆಗಳು ಮತ್ತು ನಿಮಿಷಗಳನ್ನು ಪ್ರದರ್ಶಿಸುವ ಕನಿಷ್ಠ ಡಯಲ್ ಗೆ ಹೆಸರುವಾಸಿಯಾದ ಈ ಗಡಿಯಾರವು ದಿಟ್ಟ, ಫ್ಯಾಷನ್  ಹಾಗೂ   ಸೌಂದರ್ಯವನ್ನು ಹೊಂದಿದೆ.

ಹೆಚ್ಚಿನ ಗುಸ್ಸಿ ಗ್ರಿಪ್ ಮಾದರಿಗಳು ಸ್ಟೇನ್‌ಲೆಸ್ ಸ್ಟೀಲ್ ಕೇಸ್‌ಗಳು ಮತ್ತು ಕ್ವಾರ್ಟ್ಜ್ ಚಲನೆಗಳನ್ನು ಒಳಗೊಂಡಿರುತ್ತವೆ . ಸಾಮಾನ್ಯವಾಗಿ ಗುಸ್ಸಿ ಗ್ರಿಪ್ ವಾಚ್ ಗಳು ಡಿಸೈನ್ ಆಧಾರದ ಮೇಲೆ ರೂ. 60,000 ರಿಂದ ರೂ. 80,000 ರವರೆಗೆ ಬೆಲೆಯಿರುತ್ತವೆ.

ಮದುವೆ ಸಂಭ್ರಮದಲ್ಲಿ   ಮೊದಲು ಧರಿಸಿದ್ದ ವಿಂಟೇಜ್ ರೋಲೆಕ್ಸ್ ವಾಚ್‌ ಗಳಿಗೆ ಹೋಲಿಸಿದರೆ, ಗುಸ್ಸಿ ಗ್ರಿಪ್ ಹೆಚ್ಚು ಕೂಲ್ ಲುಕ್ ಹೊಂದಿದೆ. ಪುರುಷರಪು ಬಹಳ ಹಿಂದಿನಿಂದಲೂ ವಾಚ್ ಗಳ ಬಗ್ಗೆ ಒಲವು ಹೊಂದಿದ್ದಾರೆ. ನಟ ವಿಜಯ ದೇವರಕೊಂಡ ಕೂಡ ಇದಕ್ಕೆ ಹೊರತಾಗಿಲ್ಲ. ನಟ ವಿಜಯ ದೇವರಕೊಂಡ ವಾಚ್ ಸಂಗ್ರಹವು ಸಾಕಷ್ಟು ವಿಶಿಷ್ಟವಾಗಿದೆ. ಸ್ಪೆಷಲ್ ಆಗಿದೆ

ವಿಜಯ ದೇವರಕೊಂಡ  ಅವರು ಮದುವೆಯ ನಂತರದ ಮತ್ತೊಂದು ಸ್ಥಳಕ್ಕೆ ಭೇಟಿ ನೀಡಿದ ಸಂದರ್ಭದಲ್ಲಿ,  ಕಾರ್ಟಿಯರ್ ವೆಂಡೋಮ್ ಮಸ್ಟ್ ಡಿ ಕಾರ್ಟಿಯರ್ ವರ್ಮೈಲ್ ವಾಚ್‌ ಧರಿಸಿ ಕಾಣಿಸಿಕೊಂಡರು.  ಇದರಲ್ಲಿ ದುಂಡಗಿನ ಮೆರೂನ್ ಡಯಲ್ ಇದೆ. ಈ ವಾಚ್‌ 1980-1990 ರ ದಶಕದ ವಿಂಟೇಜ್ ಕ್ವಾರ್ಟ್ಜ್ ವಾಚ್ ಆಗಿದ್ದು, ಅದರ ಕ್ಲಾಸಿಕ್ ರೌಂಡ್ ಕೇಸ್ ಮತ್ತು ಕಡಿಮೆ ಸೊಬಗಿಗೆ ಹೆಸರುವಾಸಿಯಾಗಿದೆ . ಸಂಪ್ರದಾಯಿಕ ಮತ್ತು ಆಧುನಿಕ ಡ್ರೆಸ್ ಗೆ ಕಾರ್ಟಿಯರ್ ವೆಂಡೋಮ್ ಮಸ್ಟ್ ಡಿ ಕಾರ್ಟಿಯರ್ ವರ್ಮೈಲ್ ವಾಚ್ ಗಳು ಹೊಂದಿಕೊಳ್ಳುತ್ತಾವೆ. 

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ.