ಮದುವೆಯ ಕಲ್ಪನೆಯೇ ಔಟ್ ಡೇಟೆಡ್‌ ಎಂದ ನಟಿ ಜಯಾ ಬಚ್ಚನ್ : ತಮ್ಮ ಮೊಮ್ಮಗಳು ಮದುವೆಯಾಗುವುದನ್ನು ನಾನು ಬಯಸಲ್ಲ-ಜಯಾ ಬಚ್ಚನ್‌

ನಟಿ ಮತ್ತು ರಾಜ್ಯಸಭಾ ಸಂಸದೆ ಜಯಾ ಬಚ್ಚನ್ ಇತ್ತೀಚೆಗೆ ಮದುವೆಯ ಪರಿಕಲ್ಪನೆಯನ್ನು  ಔಟ್ ಡೇಟೆಡ್‌  ಎಂದು ಕರೆದಿದ್ದಾರೆ. ಜಯಾ ಬಚ್ಚನ್‌  ತಮ್ಮ ಮೊಮ್ಮಗಳು ನವ್ಯಾ ನವೇಲಿ ನಂದಾ, ಜೀವನದಲ್ಲಿ ಮದುವೆಯಾಗುವುದನ್ನು ತಾನು ಬಯಸುವುದಿಲ್ಲ ಎಂದು ಹೇಳಿದ್ದಾರೆ.

'ವಿ ದಿ ವುಮೆನ್' ಕಾರ್ಯಕ್ರಮದಲ್ಲಿ ಬರ್ಖಾ ದತ್‌ಗೆ ನೀಡಿದ ಸಂದರ್ಶನದಲ್ಲಿ, ನವ್ಯಾ ಮದುವೆಯ ನಂತರ ತನ್ನ ವೃತ್ತಿಜೀವನವನ್ನು ತೊರೆದರೆ ನೀವು ಒಪ್ಪುತ್ತೀರಾ ಎಂದು ಜಯಾ ಅವರನ್ನು ಕೇಳಿದಾಗ, ನಟಿ ನವ್ಯಾ ಮದುವೆಯಾಗುವುದನ್ನು ನಾನು ಬಯಸುವುದಿಲ್ಲ ಎಂದು ಹೇಳಿದರು.
 ಸಂದರ್ಶನದಲ್ಲಿ ಮದುವೆ ಹಳೆಯ ಕಾಲದ ಕಲ್ಪನೆ ಎಂದು ನೀವು ಪರಿಗಣಿಸುತ್ತೀರಾ ಎಂದು ಕೇಳಿದಾಗ, ಜಯಾ ಬಚ್ಚನ್ ಹೌದು ಎಂದು  ಸಕಾರಾತ್ಮಕವಾಗಿ ಉತ್ತರಿಸಿದರು.

ಬಳಿಕ ಜಯಾ ಬಚ್ಚನ್ , "ನಿಮಗೆ ಗೊತ್ತಾ, ನಾನು ಈಗ ಅಜ್ಜಿ. ನವ್ಯಾಗೆ ಕೆಲವೇ ದಿನಗಳಲ್ಲಿ 28 ವರ್ಷ ವಯಸ್ಸಾಗುತ್ತಾಳೆ. ಇಂದಿನ ಹುಡುಗಿಯರಿಗೆ ಮಕ್ಕಳನ್ನು ಹೇಗೆ ಬೆಳೆಸಬೇಕೆಂದು ಹೇಳಲು ನನಗೆ ಈಗ ವಯಸ್ಸಾಗಿದೆ ಎಂದು ನಾನು ಭಾವಿಸುತ್ತೇನೆ. ಕಾಲ ಬಹಳಷ್ಟು ಬದಲಾಗಿದೆ. ಇಂದಿನ ಚಿಕ್ಕ ಮಕ್ಕಳು ತುಂಬಾ ಸಂವೇದನಾಶೀಲರು, ಅವರು ತುಂಬಾ ಬುದ್ಧಿವಂತರು, ಅವರು ನಿಮ್ಮನ್ನು ಹಿಂದೆ ಬಿಟ್ಟು ಹೋಗುತ್ತಾರೆ."

ದೆಹಲಿಯ ಲಡ್ಡೂ ಜೊತೆ ಮದುವೆಯನ್ನು ಹೋಲಿಸಿದ ಜಯಾ ಬಚ್ಚನ್, "ಯಾರು ಅದನ್ನು ತಿಂದರೂ ವಿಷಾದಿಸುತ್ತಾರೆ ಮತ್ತು ಯಾರು ಅದನ್ನು ತಿನ್ನಲಿಲ್ಲವೋ ಅವರು ವಿಷಾದಿಸುತ್ತಾರೆ" ಎಂದು ಹೇಳಿದರು. ಅವರು ನಗುತ್ತಾ, "ಜೀವನವನ್ನು ಆನಂದಿಸಿ" ಎಂದು ಹೇಳಿದರು.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ